Wamu Takeaknga Lukga Matakut Taknga 7:16 - Wantoat

¹⁶ aminu kuupbamda kumzang kagwauke Anutu inimbakngake anzing yaking, “Anututane wam ninikapsa aminu tapatuta gwa enake kekeknga siknga yuak. Siwan Anututa ninu inane aminae dua botake akgatanimunggak,” ngang yaking.

Wamu Takeaknga Lukga Matakut Taknga 7:16 Referans Kwoze

Wamu Takeaknga Lukga Matakut Taknga 7:39

Kepine yangga saukngaman kake aminu Jesu yotnaatang initakopbut tapata baniaatang anzing natapbut, “Jesu aapata Anututane yanikapsa amintapa gamu maya wa gupnane wasinggak kapa aminu waiapa ngang natake inikwasiwan kuwan,” ngang natapbut.

Matyu 9:8

Gwaamutakuwawan kake Anututa kekekngana aminu tapatue iman tasiwan kaamang ngang kuupbamda natake Anutue akgwauke inimbakngaking.

Wamu Takeaknga Lukga Matakut Taknga 1:68

“Anutu ninu Isrel nanatane Buyambam tapanindane umana yatangenatna. Ninu Anututane aminabam ita apuke gatanimunggak. Gatanimuke iwanin zipmake yawamban yotna gatu kuningge gatanimunggak.

Wamu Takeaknga Lukga Matakut Taknga 5:26

Kuwawan aminbamda kake asatnake Anutue umana yatangenake musiane nangaakan natake, “Apmanu sanga inata takngatu tasiwan kamang,” ngang yaking.

Wamu Takeaknga Lukga Matakut Taknga 2:20

Natake yuwawan toikga gatu kuke Anutu inimbakngaking. Angelata yaniwan natake kuke kaking kakngae inimbakngayuk kuking.

Wamu Takeaknga Lukga Matakut Taknga 1:65

Siwan itane notna yotna gapmandune nanakanda kake akgwauking. Siwan sangabamu wa sikutde wamu Judia keu kuupbam tawan katang yuaingge yatakuwawa natapbing.

Matyu 21:11

aminbamu kepi kukingga anzing yaking, “Ita Jesu, ayanikapsaapa Nasaret gapma Galili kep komu yuaune nanaapa,” ngang yaking.

Matyu 15:31

aminbamda kaking. Kawawa gena kusiya aminu wam yawawa kwatai gutonga siya aminu take siwawa kepi wai siya aminu akuwawa kai akusiya aminu gatuna kawawa ngang kake nangaakan natak. Anutu ninu Isrel nana amindane kuyaninde umana yatangenaking.

Lotutane Kap Taknga 65:9

Gata kepdaka daka katak siknga kayuke sopa kepi waakngane pewi epukaing. Siwan kepdaka tasiwi kayana kwaapzang siwan nanam zakga take siknga enakaing. Anutu, gata yangga kuupbam kepna kepna pekuyau dua zakngakaing. Yangga wanda pasiwan nanamu kwaapzang aawan aminbamda pake nakaing. Sike puya waaknga gata gika tasikuyaunin.

Galasia 1:24

Natake wa aminda nae natake Anutue umana yatangenaking.

Aposel 5:5

Ananaiasda kungwake kepatang pimakut.

Wamu Takeaknga Jonda Matakut Taknga 9:17

Dongu takngaaya dakngake aminu waapa gatu anzing inikwaiking, “Aminu waapa gatane kaika take tasinggamuk kapa gata ie dasing nataayak,” ngang inikwaiwa ita yake, “Aayanikapsaapa ngang nataat,” ngang yanikut.

Wamu Takeaknga Jonda Matakut Taknga 6:14

Pamuna dopa aminbamda kake, “Duya takngatu tasinggak,” ngang natapbing. Natake musiaatang anzing natapbing, “Tupa siknga Anutue wapatang wamu takngatu anzing matakut, ‘Anutue wam yanikapsa aminu tapatuta apmea apik,’ ngang yake matakut taknga aminu aapa unin apunggak,” ngang yaking.

Wamu Takeaknga Jonda Matakut Taknga 4:19

Iniwan yake anzing inikut, “Buyambam tapa! Ga ayanikapsa amin tapa ngang gwa nataat.

Wamu Takeaknga Jonda Matakut Taknga 1:25

Siwan wa aminda anzing inikwaiking, “Ga Krais gatanimuyaapa dua. Siwan gatu ga Ilaija dua. Siwan ga ayanikapsa waapanin dua. Sike ga maminda ganitewan apu aminu yangga sauyamunggayak,” ngang inikwaiking.

Wamu Takeaknga Jonda Matakut Taknga 1:21

Yaniwan yake anzing inikwaiking, “Ga puya dasing kaknga pasinggayak amin tapata apbuyak. Ilaijata gamok apikge yaking kapa ga unin ba dasing,” ngang iniwa ita yake, “Aho,” ngang yanikut. Ngang yaniwan yake anzing inikwaiking, “Ga ayanikapsaapa Mosesda tupa siknga ngang yakut tapae kayuamang kapanin ba dasing,” ngang iniking. Iniwa ita yake, “Wena,” ngang yanikut.

Wamu Takeaknga Lukga Matakut Taknga 24:19

Iniwan Jesuta anzing yanikwaikut, “Wamu dasing kaknga,” ngang yanikwaiwan, “Sanga wa Jesu Nasaret nana apae tasiking,” ngang inikumayak. “Ita ayanikapsaapa. Ge puya kekeknga tasike wamu kekeknga ngang yake Anutue kaine gatu aminbamde kaine tasikut.

Wamu Takeaknga Lukga Matakut Taknga 9:19

Yanikwaiwan yake anzing iniking, “‘Jonu yangga sauyamuke kumbut tapata gatu gweake ita pasinggak,’ ngang gae yawa kakumang. Siwan kunduta, ‘Ilaija Anutue wam tupa siknga ngang yanikapbut tapa Anututa kayukapa takopbut. Ita enaneta gatu epuke pasinggak,’ ngang gae yawa kakumang. Siwan kunduta, ‘Anutue wam yanikapbuu tapatuta tupa siknga kumbut ngana apmanu gatu gweake pasinggak,’ ngang gae yawa kakumang,” ngang pandetnata Jesu yake iniking.

Wamu Takeaknga Lukga Matakut Taknga 8:37

Yatakuwawa aminbamu Gegesa kep komune nana aminda natake kumzang gwauke Jesu anzing iniking. Ga ninu nipmake kungga ngang iniking. Iniwa natake Jesuta dopangbam gwene koke gatuna Galili kep komune kunangge tasikut.

Wamu Takeaknga Lukga Matakut Taknga 5:8

Siwawat Saimon Pitata pis buyambamu wa kake Jesue kepine gwetake anzing inikut, “Buyambamtapana. Na wai amin. Na napmake kunggayo,” ngang inikut.

Matyu 28:8

Yaniwan natake kumzang gwauke zetgaman matmat wagwenu teke ngana baniaatang apbakngayuk pandetna nininangge isapmake apbumayak.

Aposel 7:37

“Siwan Mosesda sipdune anzing yanikut, ‘Anututa naniwan itane wamna danikapmanggat tapa dakngake yuat. Siwan ina unzakan Anututa gikat nana tapatu apmea iniwan ita enake Anutue wam danikapsaapa dakngawik,’ ngang yanikut.

Wamu Takeaknga Lukga Matakut Taknga 19:44

Dasipmake ginu maya wawi waatdaka kuupbam dasipa puyuwik. Dasipa puyuwan yotza waipamaba kuwa wena siwik. Siwan ginu Anututa gatandamikge tapduknga atnatake tasiking gamu meya unzing dua papam,” ngang yakut.

Wamu Takeaknga Lukga Matakut Taknga 7:15

Iniwan akumbut tapata gatu gweake apekuuneta enake wamu ayakut. Siwan Jesuta waapa mingae iman kake