Wamu Takeaknga Lukga Matakut Taknga 6:21 - Wantoat

²¹ Ginu aminu tomsa nataingu apbaknganong. Dasingge? Masana tasindaman natapa musipzaatang take siwik. Ginu kwanam sike yuaing aminu apbaknganong. Dasingge? Masande apmitning.

Wamu Takeaknga Lukga Matakut Taknga 6:21 Referans Kwoze

Wamu Takeaknga Jonda Matakut Taknga 6:35

Iniwa yake anzing yanikut, “Nanamu wa yanggau nata nina siknga unin. Nata tasiyama aminbamda kayuk yutning kaknga apake yutning. Aminu tapatuta nae apiu waapata tomna dua nataaing binga ba yangga tangopnangge dua nataaing binga sanga tapatu tanangge natake dua natanggamatawik. Wena.

Matyu 5:6

Mamin amindaka takeaknga tasinangge musiaatang toknga siknga nataaingu Anututa aminu waakwakat gatake yutning. Dasingge? Musiaatang takekan siwik.

Jems 1:12

Siwan aminu gikat nana tapatu aminu tapatuta tasiwan pimapikge tasinggak ngang kakengu ita apbakngayok. Dasingge? Ita akekekake dua pimapanu Anututa waapatane umana yatangenake sanga kayuk asinggan yutnanga aknga asimik. Sanga waaknga aminu Anutue musip gwaang natangamuningu kuupbamde yamunangge gwa yawan kekekakut.

Wamu Takeaknga Lukga Matakut Taknga 1:53

Ita tomna natake yuya aminde sanga take siknga yamuke sangaapana kaya aminde sanga dua yamuke yanipewan moo siknga kuking.

Matyu 5:4

Mamin amindaka waiaknganae kwanam sikaingu Anututa aminu waakwakat gatake yutning. Dasingge? Anututa sandeyaman nomana yutning.

Wamu Jonda Mia Kake Matakut San 7:16

Gatayaman wa aminu gatuna tomna dua natake yanggae gatuna toknga dua natapning ngang nanikut. Siwan gunzitda wa aminu toknga dua yasiwik. Siwan sanga toknga akngata wa aminde dua apik.

Wamu Takeaknga Lukga Matakut Taknga 6:25

Siwan ginu nanam napa gitnawan yuaingu gwautnong! Masande gatusa tomsa natapning. Ginu apbakngake minsa mikaingu gwautong! Masande kwanam siwa kai yanggasa pimaning.

1 Korin 4:11

Yaipapaakusiwawa ninu tupata gatu apu tapduu apmanu ayuamang komune kuut apan ninu Jesue kwiiknga dakngake yuamangu tomda yuke yanggae gatu taukge kuut dapmake yuamang. Sike aminda ninu katakngi putumuke ninu yumdekan nisipmakaing. Siwan ninu keu take yutna takananga komdu wena.

Wamu Takeaknga Jonda Matakut Taknga 4:10

Siwan Jesuta yake anzing inikut, “Ga sanga Anututa gamunangge nataak kakngae atnatayak gamu unzingu dua naniwim,” ngang inikut. Inike tuwang wamu takngatu anzing inikut, “‘Yangga nami tangopa,’ ngang ganiwa gata nae atnatayak gamu sanga wa Anututa gamunangge nataak kaknga nata gae gamitde namuyo ngangu atnaniwim. Unzing naniyak gamu nata yangga yangakoke zimanggak kapane nana zike gae akgamam,” ngang inikut.

Lotutane Kap Taknga 107:9

Dasingge, ita aminu guyakngi kupiakaingu yangga yaman tangopa take singgak. Siwan ita nanambamu tomna nataaingge yaman napa musia akgitnakaing.

Lotutane Kap Taknga 17:15

Siwan gata na katak usanzike nandupi noman siwik. Noman siwan, nata gatane nomba masande asiknga gandupit. Ngan, tapduknga nata kungwake dapuna binga pesika gatuna enawit komune nata natapa ga naat gatake yuamak ngang natake na apbakngawit.

Wamu Jonda Mia Kake Matakut San 21:3

Sike nata nataawa wamu takngatu sia tupan sikngaapata pukwike kayuak dakaneta apuke apaa siknga anzing yanggamatakut, “Ginu daniwa natapnong! Apmanu Anututa kepdakane epuke amin bapat gatake yuak. Ngan. Ita aminde banakan yuwan wa aminda itane aminabam dakngake yutning. Siakan. Anututa inane amin bapat yutning.

2 Korin 12:10

Ngan. Nata upeeke apimanangge dapaknga siwanu ita take siknga kekekangaman enake puya tasinggat. Unzingge nata upeeke yuke ba aminda na nanisapdutning ba meya takngatu takngatuta nae apning ba aminda nae wai tasingamuning ba sanga wai wa bingata nae apanu nata kekeknga Kraisdane akngata na gatangaman dua pimapit ngang natake apbaknganggat.

2 Korin 11:27

Sike nata puya kwatan siknga tasikum. Tasike sipdu sipdune nata zikaane pasike dapuna dua pekum. Gatu sipdu sipdune nata toma natake yanggae natake guyaknga kupia sikut. Siwan nata nanamde gatu yotde gatu taukge ngang dapmake yukum.

2 Korin 6:10

Gatu aminda nae natapa aminu musia meya natake yuak kapa singgak ngana nata apbakngake yuat. Gatu aminda nae natapa aminu sangaapana wenaapa singgak ngana nata aminu buyambam gatayamunggat. Ngan. Nae natapa aminu sangae dapmagat tapa singgak ngana sanga Anututa tanomanuke nae tengamunggakge natake sangae dapmagat ngangu nata dua natake yuat.

Wamu Takeaknga Jonda Matakut Taknga 11:35

Unzing iniwa natake Jesuta kwanamu asikut.

Lotutane Kap Taknga 143:6

Nata gae tumuk wam yanggat. Yake musipmaatangu gae take siknga nataat. Unzing aminu tapatutane guyakngaatang kupia siwan yangga tangopnangge nataak binga.

Lotutane Kap Taknga 119:136

Sike kai yanggana kwaapzang apukaing. Dasingge, aminbamda gatane mama wamu dua tawakaing.

Lotutane Kap Taknga 65:4

Sike aminu gika yawi yuwan yotdane pake konggayau, waaminu apbaknganing. Gikane yotda wagwekatangu sanga nomana kwaapzang yuaing. Sanga kwaapzangu kake ie musip gwaang siknga natake yuamang.

Lotutane Kap Taknga 28:7

Anututa ina siknga na kekekngamuke kakuya tasike wamanapmanggak. Nata ie banip siwa Buyambam tapata na akgatangamunggak. Ge nata ie asiknga baknganggat. Bakngake nata kap taike umana yatangenakgat.

Wamu Takeaknga Lukga Matakut Taknga 6:20

Siwan Jesuta pandetna katakuke anzing yanikut, “Ginu sangaapasa wenata apbaknganong. Dasingge? Sangana wena akwakga Anututa amin panangge tasinggak kakngae gepbiatang yuaing.

Wamu Takeaknga Lukga Matakut Taknga 6:22

Ginda na aminbamdane notnaapa nawamba danduke aminbamda musia zikaa natandamuke masa damuke danisapduke umanza aknga wai siknga yawa natake ngana apbaknganong,” ngang yanikut.