Wamu Takeaknga Lukga Matakut Taknga 4:23 - Wantoat

²³ Yawa natake anzing yanikut, “Siakande siknga daninggat. Ginda nae wamu anzing ba yaning, ‘Sanga Kapaneam yot gapmane tasikuyak kaknga ninu gwa natapbumang. Unzakan ane yotda siknga tasiyo,’ ngang nanduke nae tuwang wamu anzing ba yaning. Dokta apa gikae gupba tapi takayok ngang ba yaning,” ngang yanikut.

Wamu Takeaknga Lukga Matakut Taknga 4:23 Referans Kwoze

Wamu Takeaknga Makga Matakut Taknga 6:1

Jesuta you wanggapma teke yotna siknga kunangge kuwawan pandetnata iat gatapa kuking.

Matyu 4:13

Kuke Nasaret yot gapma teke paku Kapeneam yot gapmane yukut. Sike Kapeneam yot gapma yangga gapan kwaimune Sebyulandane dongaat Naftalitane dongaatda tupa siknga yuking saak yuak.

2 Korin 5:16

Unzingge nata aminu tapatu usanzitnangge natakengu nata kainatakan kake dua usanziwit. Sike tapdukbamu asinggan nata unzingu dua tasiwit. Tupa nata Krais usanzike kainata kake usanzike natapa aminu moo apa sikut. Siwan ngana apmanu nata musipma tapa tekwamban unzingu ie dua nataat.

Wamu Takeaknga Jonda Matakut Taknga 4:28

Siwan maya waapata itane yangga gapma gwena undang teke gatuna yot gapmane kuke anzing yanikut,

Wamu Takeaknga Lukga Matakut Taknga 4:16

Siwan Jesuta Nasaret yot gapmane yuke buyambam takakut gapmane gatuna kukut. Kuke yuwatakak tapduk gwene miti yot gwekatang kopbut. Koke mitiaknga kendeyamunangge natake dandam tangan enake yuwan kake buk ayanikapbut tapa Aisaiata tupa siknga matakut gomu Jesue imukut. Iman take tapan waiwan wamu takngatu anzing tematekutna kake kendewan natapbing,

Matyu 13:54

yotna siknga kukut. Undang kuke Anutue wamu miti yotnaatang koke yaniwan asatnake anzing yaking, “Natdetdetna buyambam pake yake duya takngatu pasinggak ngangu ita wa zane pakut?

Matyu 4:23

Siwan Jesuat itane pandetnaatda Galili keu kuupbam pasitakuke ita aminu kuupbam inane miti yotnane koke yanikut. Yanike wamu takeaknga ngang yake Anututa amin panangge tasinggak kakngae wam yake sangabamda gupnaapa aminbam pasiwan maikingu sandeyamukut.

Wamu Takeaknga Lukga Matakut Taknga 2:39

Siwan sanga kuupbam Anutue mama wamda yakut binga tasiwat puyuwana gatuna Galili kep komune yotna Nasaret gapmane Jesutane minga nanata kukumayak.

Wamu Takeaknga Lukga Matakut Taknga 2:51

Siwan Jesuta minga nanaat gatapan pukuke Nasaret yot gapmane kundopbing. Kundoke yusika minga nanatane wam asinggan gwaamuke yukut. Gwaamuke yuawan mingata sangabamu wa kakut taknga musiane gitna pake natayukut.

Wamu Takeaknga Lukga Matakut Taknga 4:31

Siwan ita Kapaneam yot gapma Galili kep komune yuak gapmane pukuke yuwatakak tapduk gwene miti yot gwekatang koke aminbam yanikut.

Wamu Takeaknga Lukga Matakut Taknga 4:35

Iniwan ngana Jesuta kaanga inike anzing yakut, “Ga genda umuke aminu waapa teke kung,” ngang iniwan waung waiapata aminu waapa ikomban aminbamde kaine banakan kepdakane pimapan teke kuwan aminu waapata wai dua sikut.