Wamu Takeaknga Lukga Matakut Taknga 23:25 - Wantoat

²⁵ Aminu gavmankat amake amin tanguwan kupan kaautde tekingu waapa sandetewan kuwikge yawa natake Pailatda tewan kuwan wa aminda ina banipda siwan iniking kaknga tasiningge kapewan tasiking.

Wamu Takeaknga Lukga Matakut Taknga 23:25 Referans Kwoze

Aposel 3:14

Ginda masa aminu dudumna siknga yukut tapae imuke aminu buya amin tanguwan kumbut tapa kaaut yot gwene yukut. Wa amin tanguwan kumbut tapata yotna gatu kuwikge ginda Pailat iniking. Pailatda zikngaman epu kepman kuwikge iniking.

Wamu Takeaknga Makga Matakut Taknga 15:15

Pailatda aminbamdane musia yanigokgosanangge natake Barabas sandetewan kuwawan ita Jesu amak aminde kataune yaman ipmapa tanguke amin saamdakane tangutningge yamukut.

Wamu Takeaknga Jonda Matakut Taknga 18:40

Yaniwan yake, “Aho! Gata Barabas sandetewi kuyok,” ngang yanggamataking. Sike Barabas waapa amin zipmake amindane sangaapa kaiwa kuwa panggak kapanin.

Wamu Takeaknga Lukga Matakut Taknga 23:5

Yaniwan ngana wamu apaa anzing yaking, “Ita wamu aminbam yaniwan musia enawan amningge yatakuke Galili kep komuneta tuwanguke sanga waaknga tasinggawan apu apman kuut apunggak,” ngang yaking.

Wamu Takeaknga Lukga Matakut Taknga 23:2

temanggaganuke anzing yaking, “Ninda kawatna aminu aapata keu ayuamang komune nana amindane musia pangenake gavmankat amningge yanike Sisae takis imunimde ayandakngake anzing yanggak, ‘Anututa na tapan Krais akgatandamuya apa dakngake yuke na buyambam tapa,’ ngang yanggak,” ngang yaking.

Matyu 27:26

Iniwa natake Pailatda Barabas sandetewan kuwan amina yaniwan Jesu ipmapa tanguke amak aminde kataune amin saamdakane tangutningge yaman taking.

Wamu Takeaknga Lukga Matakut Taknga 23:24

Unzingge Pailatda aminu waakwakge wam tawanangge yawan kekekakut.

Wamu Takeaknga Lukga Matakut Taknga 23:26

Kapewan tasike Jesu take kusika aminu tapatu umana Saimon ngang iniking. Ita Sairini yot gapmane nanaapa. Apmaatzim siknga puya atangga apuke yot gapmaatang kopnangge apan iniyapike Jesutane amin saamdaka ima gwaamuke kuku Jesu tawakut.

Wamu Takeaknga Jonda Matakut Taknga 19:16

Pailatda Jesu amin saamdakane tangutningge yawan kekekakut.