Wamu Takeaknga Lukga Matakut Taknga 23:2 - Wantoat

² temanggaganuke anzing yaking, “Ninda kawatna aminu aapata keu ayuamang komune nana amindane musia pangenake gavmankat amningge yanike Sisae takis imunimde ayandakngake anzing yanggak, ‘Anututa na tapan Krais akgatandamuya apa dakngake yuke na buyambam tapa,’ ngang yanggak,” ngang yaking.

Wamu Takeaknga Lukga Matakut Taknga 23:2 Referans Kwoze

Wamu Takeaknga Jonda Matakut Taknga 19:12

Iniwan wamu waaknga natake ita kepie tawake sandetewan kuwikge asiknga tasikut. Siwan ngana Judia aminda anzing yanggamataking, “Gata aminu waapa asandetewi kuwanu gata Sisatane notna dua, gan! Aminda inae buyambam tapa ngang yakengu ita Sisatane iwana dakngawik,” ngang yaking.

Wamu Takeaknga Lukga Matakut Taknga 23:14

anzing yanikut, “Ginda aminu aapa nae takapuke aminu aapata, ‘Yaniwawan aminbamdane musia enawan amnangge tasikaing,’ ngang yaing ngana nata ginde nomzane wamu gutonga takngatu ginda sanga wa yaingge inikwaiwa ngana meya wena singgak,” ngang yanikut.

Aposel 24:5

“Aminu aapa ninda kana wai takngatu takngatu asinggan siknga tasinggaunin. Tasike yotna yotna sukuke ninu Judia nana aminu paku kepna kepna ayuamang komune kuke tasimapan kuwan musia enawan song amakaingunin. Ge ita aminu Nasaret nana apatane pandetna dakngake nin nindumbitakaing amindane tupan tapana dakngake yuak.

Wamu Takeaknga Jonda Matakut Taknga 18:30

Yaniwan yake anzing iniking, “Aminu aapa waiaknga dua tasikut gamu ninda i gae dua takapnam,” ngang iniking.

Wamu Takeaknga Makga Matakut Taknga 12:17

Iniwa yake anzing yanikut, “Sanga Sisatane wa ginda Sisae imunong. Siwan Anututane sanga ginda Anutue imunong,” ngang yaniwan natake, “Ita pimapikge tanzike tasina mainggak,” ngang natake nangaakan natapbing.

Matyu 22:21

“Sisatane,” ngang iniking. Iniwa yake anzing yanikut, “Sisatane sanga Sisae imunong. Siwan Anututane sanga Anutue imunong,” ngang yanikut.

Lotutane Kap Taknga 62:4

Na umana kopsaapa, siwan ngana natane umana kopsa waaknga atasiwan maiwikge tasikaing. Ginu kem wamde take siknga nataaing. Ginda wamu geyangga yake takeaknga Anututa nae take tasiwikge yakapmakaing. Siwan ngana musip zaatangu ginda anzing yakaing, “Ninda nataamangu Anututa asiknga tasiwan maiwik,” ngang yakaing.

Aposel 24:13

Ge wamu nae atemangusipa yakaing kakngae yapii wena. Yawa maiwik.

Wamu Takeaknga Lukga Matakut Taknga 23:5

Yaniwan ngana wamu apaa anzing yaking, “Ita wamu aminbam yaniwan musia enawan amningge yatakuke Galili kep komuneta tuwanguke sanga waaknga tasinggawan apu apman kuut apunggak,” ngang yaking.

Matyu 17:27

Niu Anutuat nana amin ngana ninda tasina musia toknga natanimunang. Ga yangga gapan gwene kuke pis kaitnangge huk mumbi kuwan pis tupan kaiwiyak gaka gena tapi akngawan mani sandu undang kawiyau take taku niu kuutde wasan yamuyo,” ngang inikut.

Lotutane Kap Taknga 35:11

Sike kem aminda nae wai takngatu dua tasikum ngana kumzang temanggaganupa nanikaing.

Matyu 27:11

Siwan Jesu aminu tupan tapae kaine tewa yuwan anzing inikwaikut, “Ga Judia amindane buyambamtapa ba dasing,” ngang inikwaiwan, “Gika unzing unin yanggayak,” ngang inikut.

Wamu Takeaknga Makga Matakut Taknga 15:2

Siwan Pailatda anzing inikwaikut, “Ga Judia amindane buyambam tapa ba dasing,” ngang inikwaiwan Jesuta yake, “Gika unzing unin yanggayak,” ngang inikut.

Wamu Takeaknga Jonda Matakut Taknga 18:29

Unzing natake kepman yuwawa Pailatda wa aminde kepman epuke anzing yanikut, “Ginda aminu aapae wamu dasing yanangge takapukaing,” ngang yanikut.

Pas Polda Rom Nana Aminde Matayamukut San 13:7

Pasike takis dasing kakngae yawa natake ginda katak mutnong. Muke ginu gavmanu ie gepbiatang yutnangaapa dakngawiu ie gepbiatang koyutnong.