Wamu Takeaknga Lukga Matakut Taknga 18:7 - Wantoat

⁷ Sike dasing? Anututane amina yuaingga ie gaak wamu tapduk tapduu kwakngaom gatu zikaane asinggan iniwanu Anututa wam yaningge dua gatayamik ba dasing? Sike ita zetgaman dua gatayamik ba dasing? Wena.

Wamu Takeaknga Lukga Matakut Taknga 18:7 Referans Kwoze

2 Pita 3:9

Siakan. Aminu kunduta Anutue natake wamu ita yawan yukut taknga buya apmea aawik ngang yake ita zet dua tasiwik ngang yakaing. Yawa ngana ita wamu wa yakut taknga atasinanggenggak. Atasinangge nataak ngana ginu kuupbamda musipza tapa tekwamban waiakngasa apbitateningge natayuak. Aminu tapatu inane waiaknganae toknga imuke tasiwan maiwikge bitake yuak. Yuke ita ginde wepda siknga tasindamunggak.

Wamu Takeaknga Lukga Matakut Taknga 11:13

Ginda wai pasiya amin dakngake yuaing ngana waatdakasae sanga take aknga ayamukaing. Siwan mamin aminda Naninde inane Waung Kapa yamikge iniwanu yamunangge apmeptawik ba dasing? Wena,” ngang yanikut.

1 Timoti 5:5

Siwan maya kombakobau tapatu waaknga yapana aina wena kakengu aminu gatangamunanga wena waapata Anutuekan bakngake atnatayuwik. Natayuke ita kwakngaom gatu zikaane ngang asinggan Anutue yatawake tumuk wam asinggan inindatapik.

Wamu Jonda Mia Kake Matakut San 6:10

Kake nata nataawa uyunga waakwakga apaa siknga anzing yanggamataking, “O Buyambam tapaninu sanga kuupbamdane toiknga! Ga nomana siknga yuayak! Sike ga kepi nomana siknga tawake nindane wamin usanziwi siakan siwik kapanin! Ga zaapduknga nindane wamin usanzike aminu nin nisipa kumbumang aminde toknga yake yamuya? Tapduu mamaya yuwi sandewana aminu kepdakane nana waakwakge toknga yamuya ba dasing,” ngang yanggamataking.

2 Tesalonaika 1:6

Ita unzing usanzike tasike toknga yake aminu ginda meya damukaingge ayamunangge natapan noman singgak.

Wamu Takeaknga Lukga Matakut Taknga 2:37

Yuwawat apnata kupan inatakan kobatapa yukut. Yuke itane nakanu 84. Kake Anututane yot takwan gwenu dua teke kukut. Ita Anutue umana yatangenake nanamde bitake tumuk wam yake kwakngaom gatu zikaane ngang pasinggak.

Matyu 7:11

Unzingge ginu wai pasiya amin dakngake yuaing ngana waakzae sanga take siknga yamukaing. Siwan Nanin enandang yuak kapae inikaingu damunangge apmeptawik ba dasing? Wena,” ngang yanikut.

Lotutane Kap Taknga 88:1

Anutu, Buyambamtapa, ga na gatangamunggayak kapanin. Nata kwakngaom gatu zikaane kuut gata gatangamiakge yanggawanggat.

Wamu Jonda Mia Kake Matakut San 18:20

‘Siwan ginu enandang nana gatu aminu Anututa papan itane kwiiknga dakngake yuaing gatu yakapsa amin dakngakingu kuupbamda natake you wanggapma wai gwa singgakge apbaknganong. Ngan. Tupa you wanggapmane nana aminda toknga takngatu takngatu ginde damuking ngana apmanu Anututa ginde natake ita toknga yake yamunggak,’ ngang yakut.”

1 Tesalonaika 3:10

Inimbakngake yuke kwepapman tendeknga wena tumuk wamu asinggan ninda gindane nomza dandupnangge musipmikatangu toknga siknga natake yakamang. Yake ginda Jesue atnataaing kaknga dapaknga ba siwanu gindane natdetdetza pana nomatawan gatu take siwikge natake yakamang.

Kolosi 3:12

Ngan. Anututa ginde butaya natandamuke ginu kuupbam inae pakut. Papan ginda itane aminabam dakngawa ita ginde musip gwaang natandamunggak. Unzingge ginda aminde butaya natayamuke gatayamunong. Gatu ginda musipza kwikwiknga aminde natayamuke wepda pasiyamunong. Ngan. Ginda musipza toknga zet ma natapam.

Pas Polda Rom Nana Aminde Matayamukut San 8:33

Asikaya ninu Anututa papan inane aminabam dakngake yuamang aminde aminu tapatuta Anutue nomune yuke wai tasiking ngang temangusipa yawik? Aho. Anututa ina amin noman ngang gwa niniwan aminu tapatuta ninde temangusipa yananga dua.

Wamu Jonda Mia Kake Matakut San 7:15

Unzingge wa aminda Anutu nin ninduyuak kapatane nomune gitna yuaing,” ngang nanikut. “Sike kwakngaom gatu zikaane ngangu Anututane yot takwanu buya gwene yuke ie puya pasingamukaing. Puya pasingamuwawa Anutu sia buyambam dakane pukwike nin ninduyuak kapata wa amikat gatake yuke wa amin gatayamik.

Taitus 1:1

Na Pol na Anututane puya amina dakngake yuat. Siwan Jesu Kraisda na take na nanitewan kuke wamna aminbamde yanisukuke tasiwawa aposel amintapa ngang nanikaing. Ita na nanitewan kuke aminu Anututa panangge yapewan yuaing amin gatayama Anutue natapa kekeknga siwikge na nanitewan kukum. Siwan siakan wam takngatu musia pangenawan Anutue natanggamatake yutningge wam yaniwa natapa siakan siwikge Anututa na nanitewan kukum.

2 Timoti 1:3

Sike natane bamata tupa musiaatangu natdetdeu gutonga takngatue dua natanggamatake Anututane kepi tawake nomana siknga sukukaking. Ina unzakan nakaya atasinggat. Tasike tumuk wamu zikaane gatu kwakngaom ngang yanggau asinggan na gae natanggamatake Anutu inimbaknganggat.

Lotutane Kap Taknga 9:8

Ita aminu kuupbam noman siknga kayuak. Ngan, inane noman takngane aminu yuaingu kuupbam yuyuknga saak usanziwik.

Matyu 24:22

Sike Anututa tapduknga wagwenu dapaknga dua isatakepikge yakut gamu aminbamu wena asiwan. Ngana Anututa papan aminabam dakngake yuya aminde natake tapduu wagwen dapaknga isatakepik.

Matyu 24:24

Sike, ‘Anututa na tapan Krais dakngake yuat,’ ngang kem yaya amikat, ‘Anututa na tapan ayanikapsa amin dakngake daniwa natapnong,’ ngang kem yaya amikatda enake duya kekeknga siknga takngatu takngatu pasining. Pasiwawa kake aminu buyambamda pimatning. Siwan aminu Anututa papan inane aminabama dakngake yuya amindaaya kuut siakan ngang natake undang pimatningge panziwa maiwik.

Wamu Takeaknga Lukga Matakut Taknga 21:28

Siwan masande sanga wa tuwanguke siwawanu ginu yuke pakusang kanong. Anututa iwanza zipmake yawamban kuwa ginu sandeke papik kakngata apikge unin singgak ngang natapnong,” ngang yanikut.

2 Timoti 2:10

Unzingge nata meya wa kuupbam pake nata musipma tapa kekekawan aminu Anututa inae kapekut amin gatayamunangge tasinggat. Tasiwa Jesu Kraisda wa aminu waiaknganae toknga pananga akngane sandewan wa aminda iat gatake kakaa akngane asinggan asinggan yutningge natake tasinggat.

1 Pita 1:1

Na Pita. Na Jesu Kraisda tapan itane kwiiknga dakngake yuat. Yuwawa aminda aposel ngang nanikaing. Nata pas asanu ginu Anututane aminabam dakngake yuaingge matandamunggat. Ginu keu komdu komdune yuaing aminu Pontas kep komune nana gatu kundu Galesia kep komune nana gatu kundu Kapadosia kep komune nana gatu kundu Esia kep komune nana gatu kundu Bitinia kep komune nana ngangge natake matandamunggat. Ginu kepna kepna yuaing ngana Anututane amina dakngake yuaingge natake nata anzing nataat. Anututa enandang yuak komu gindane yotza siknga unin.