Wamu Takeaknga Lukga Matakut Taknga 18:13 - Wantoat

¹³ “Yawawan aminu takis papsa aminu waiaknganae baniane meya siknga natake tumuk wam yakaing komune dua yuke maya yuke tumuk wamu anzing yakut, ‘O Anutu. Na waiakngana asinggan tasinggat ngana banipbaatang toknga ma natangamim,’ ngang inikut.

Wamu Takeaknga Lukga Matakut Taknga 18:13 Referans Kwoze

1 Timoti 1:15

Siwan wamu takngatu Jesu Kraisda kepdakane epuke ninu wai aminu waiakngane sandetnangge epbut ngang yakamangu waakngae natapna siakan siknga siyok. Sike aminu kuupbamda natake baniu asinanga. Siwan tupa aminu wai tasikingu kuupbam nata yapbike aminu wai siknga dakngake yukum.

Lotutane Kap Taknga 41:4

Siwan na nina anzing yakum, “Buyambam tapa, nata waiaknga gae tasikum. Siwan ngana gata nae musip kwikwik natangamuyo. Natake maitna sandekngamuyo,” ngang yakum.

Wamu Takeaknga Lukga Matakut Taknga 23:48

Sike aminbamu apu kanangge apbingga sanga wa siwan kake bania meya siknga natake gatuna yotna kuking.

Hibru 8:12

Natdeke yuwawa nata wa aminde musip kwikwik natayamit. Natayamuke nata wa amindane waiakngana sandeyamuke nata gatuna ie dua natapit. Wena siknga.’ Ngangu Buyambam tapa Anututa unzing yakut,” ngang matakut.

Aposel 2:37

Pitata wamu waaknga ngang yaniwan aminbamu waakwakga natapa baniaatang meya siknga sikut. Siwan Pita waapaat gatu aposel amin notnaatda unzing yuwawa aminbamu waakwakga anzing yanikwaiking, “Mate! Ie dasing tasinim,” ngang yanikwaiking.

Hibru 4:16

Unzingge ninda Anutu enane siknga yuak kapae wesim kunangge dua gwautnim. Aho. Meya takngatuta ninde apan kakengu ninda Anutue inindatapna ita ninde musip kwikwik natanimik. Natanimuke ita nin gatanimuke ninu meya waakngane sandewik.

Pas Polda Rom Nana Aminde Matayamukut San 5:8

Siwan ngana Anututa sanga butaya ninde natanimunggak kaknga yeutnimunangge natapbut. Yeutnimunangge natake ita yawan Kraisda apuke ninda wai amin dakngake yuwatna ita ninde tangge kungwanimukut.

Wamu Takeaknga Lukga Matakut Taknga 5:8

Siwawat Saimon Pitata pis buyambamu wa kake Jesue kepine gwetake anzing inikut, “Buyambamtapana. Na wai amin. Na napmake kunggayo,” ngang inikut.

Lotutane Kap Taknga 25:11

Anutu, gikane wamba yawi kekekakut taknga tawake nata meya kwaapzangu tasikumu sandekngamuyo. Siwan sandekngamuke tasiwi gatane umanda kopsa siwik.

2 Korin 7:11

Siwan ginu atnataaing. Gindane musipza meya natapbingu waakngata gin daniyapiban ginda enake waiakngasa wa ginda tasiking kakngae natake zetgaman bitateking. Ngan. Ginu wamza yatapa takawikge asenake tasiking. Asenake tasike ginu sanga wai waakngae semna siknga natapbing. Natake Anutue gwauke wai waakngata wena siwikge musipzaatangu toknga siknga natapbing. Natake ginda aminu wai waaknga tasikut tapatane natdetdetna tapa nomatawikge akekekaking. Akekekake tasiwa nomatawan ginu gutongasa wena ngangu anggaman gwa singgak.

Lotutane Kap Taknga 25:7

Anutu, gata waiakngaat gatu yamandet takngaat waatdakane yuke tasikumde ma natapim. Ga Anutu butaya akngatane toiknga apa. Siwan ga, Buyambam tapa, gata take siknga asinggan yuke nae natake musip kwikwiu natangamunggayak.

Matyu 9:13

“Anututane wapatang anzing yakut, ‘Nata sanga upat binga namuningge bitanggat. Na musipza kwikwiknga notzae natayamuningge take nataat,’ ngang yakut. Sike ginu wa yakut takngae kuke natdetdet panong,” ngang yanikut. “Nata apuke amin noman yuamang ngang yakaing amin yayawamba musia tapa tekwambikge dua apbum. Aho. Nata waiakngana kaya amin yayawamba apuke musia papa tekwambikge natake apbum,” ngang yanikut.

Wamu Takeaknga Lukga Matakut Taknga 17:12

Kusika you gapmandune kundoke kawan wawi watana kekeknga siya aminu katau kuut musaatda apuwawa kakut.

Lotutane Kap Taknga 130:7

Ginu Isrel amin, ginda baniu Buyambam tapae asiknga sinong. Dasingge, ita ginde asingganu take siknga natandamunggak. Sike ita gatandamuwawan meya takngatuta asingganu dua pasiwan mainingge nataak.

Lotutane Kap Taknga 119:41

Buyambam tapa, gata nae take siknga natangamunggayak kaknga yeikngamuyo. Yeikngamuke na gatuka tapso. Unzing tasinangge gwa yawi kekekakut.

Lotutane Kap Taknga 106:6

Sike ninda waiaknga gwa tasikumang. Unzing tupa bapuninda tasiking binga. Siakande siknga. Ninda wai tasikumang.

Lotutane Kap Taknga 40:12

Meya kwaapzang siknga nae apan nata natdetnanga dua singgak. Gutonga aknga nata tasinggat takngata na atnutapan pimake kawa sananga dua singgak. Gutonga aknga kwaapzang sikngata natane gwapak danggama ayapbikgak. Siwan natane musipma tuyuknga siwan na kekekananga dua singgak.

Matyu 6:5

“Sike tapduknga ginda tumuk wam yaning gwekatangu unzing kem aminda yakaing kaknga ma tasiwam. Wa aminu aminda kaningge miti yot katang ba kepinomdakane dandam tangan yuke tumuk wam yanangge asiknga bakngakaing. Nata siakande siknga daninggat. Wa aminu umana pangenawawa buyana unin gwa paking.

Matyu 10:3

Siwan Filip gatu Tomas gatu Matyu na takis panggakapanin. Siwan Jems Alfiasdane waaknga gatu Tadias

Wamu Takeaknga Makga Matakut Taknga 11:25

“Siwan ginda tumuk wam yayuk wai takngatu aminu tapatuta ginde tasindamukut takngae natake banipzaatang sandekngamunong. Sandekngama gindane Nanza enandang yuak kapata gindane waiakngasa ina unzakan asandetdamik,” ngang yanikut.

Wamu Takeaknga Lukga Matakut Taknga 22:41

Ngang yanike peke kundusim kuke muna puke tumuk wamu anzing yakut,