Wamu Takeaknga Lukga Matakut Taknga 14:1 - Wantoat

¹ Siwan yuwatakak tapduk gwendune Judia nana amindane takeapa Ferisiat nana aminu tapatuta Jesu anzing inikut, “Gata api nanamu naat nasim,” ngang inikutde Jesuta apan iat gatake yotnaatang kopbumayak. Koke nawawat aminu kunduta Jesu katasiking.

Wamu Takeaknga Lukga Matakut Taknga 14:1 Referans Kwoze

Wamu Takeaknga Makga Matakut Taknga 3:2

aminu wa yukingga Jesue kem wam yaningge katasiking. Katasike asikaya Jesuta yuwatakak tapduk gwene aminu waapa take ba tasingamik ngang natake kayuking.

Wamu Takeaknga Lukga Matakut Taknga 20:20

Jesu tanggaganutnangge natake ie kayuke aminu kundu yanipewa kuku wepda kaking. Kake ninu aminu nomana ngang yake i inane wamde tanggaganuke kiau buyambam tapae katakngine imunangge natake tasiking.

Wamu Takeaknga Lukga Matakut Taknga 11:37

Jesuta wamu waaknga yawan puyuwana Ferisi aminu tapatuta yatawamban apan nanamu iat gatake nasande iniwan yoakatang koke pukwikumayak.

Lotutane Kap Taknga 62:4

Na umana kopsaapa, siwan ngana natane umana kopsa waaknga atasiwan maiwikge tasikaing. Ginu kem wamde take siknga nataaing. Ginda wamu geyangga yake takeaknga Anututa nae take tasiwikge yakapmakaing. Siwan ngana musip zaatangu ginda anzing yakaing, “Ninda nataamangu Anututa asiknga tasiwan maiwik,” ngang yakaing.

Lotutane Kap Taknga 41:6

Iwana waakwakga apu nandukengu kem tanzit wam nanikaing. Waakwakga nae sapdut wam yakaing. Siwan waaminda kepman epu kukenga sapdut wamu waaknga kepna kepna yanitakukaing.

Wamu Takeaknga Lukga Matakut Taknga 6:7

Siwan mama wam yanindamumsa amikat gatu Ferisi amindane dongaatda Jesue kem wam yaningge kayuke yuwatakak tapduk gwene apba gatangamik ngang natake Jesuta tasiwan kanangge kai ie kekekngata katasiking.

Lotutane Kap Taknga 37:32

Sike wai aminda akusopuke noman amin tapa apae wamayuaing. Wamayuke kepi atzipa kumningge yawakaing.

Wamu Takeaknga Jonda Matakut Taknga 3:1

Aminu tapatu umana Nikodimas ngang iniking. Aminu waapa Ferisi amikat nana tapatu siwan Judia nana amindane take aminu tapatu.

Aposel 5:34

Yake ngana aminu tapatu kaunsil amikat nana tapatu umana Gameliel ngang iniking. Ita Ferisi aminde mitina tawake tasikut tapa Mosesdane mama wam yanindamumsa amin dakngake yuwan kuutda waapae natapa take siknga sikut. Siwan waapata enake yuke aposel aminda kepman kuke mateknga kundusim yutningge yakut.

Matyu 12:12

“Siwan ngana aminda sipsip asiknga yapbikut. Unzingge yuwatakak tapduk gwene sanga take tasike wamu dua sandetnim,” ngang yanike

Wamu Takeaknga Lukga Matakut Taknga 14:2

Katasiwawa aminu tangeta papatakingu tapatuta Jesue nomnane yuwan kakut.

Wamu Takeaknga Lukga Matakut Taknga 17:20

Siwan Ferisi aminda anzing inikwaiking, “Zaapduknga Anututa amin panangge tasinggak kakngata ninde apik,” ngang inikwaiwa Jesuta yake anzing yanikut, “Tapduknga Anututa amin panangge tasinggak gwendane tuwangu anggaman dua siwan aminbamda kainata dua kaning,” ngang yanikut.