Wamu Takeaknga Lukga Matakut Taknga 10:42 - Wantoat

⁴² Puya takngatuekan nataayak gamu take siwan. Uyapbata puya waakngae natake yuwawan teng ngang ininanga dua siwik,” ngang inikut.

Wamu Takeaknga Lukga Matakut Taknga 10:42 Referans Kwoze

Lotutane Kap Taknga 27:4

Nata Buyambamtapa sanga tapatuekan ininggamatanggat. Inike nata take siknga ita unzing tasiwikge nataat. Nata inikwaike nata itane you buyambam gwene yusika kupit. Sike na ita nae take tasinggakge nata ie apbakngawit. Siwan nata iniwa ita kepi noman taknga yeikngamik.

Wamu Takeaknga Jonda Matakut Taknga 4:14

Sike ngana aminu tapatu nata yangga wa imit taknga tangopiu tapduk bamu masande ita gatu yanggae dua natapik. Wena. Sike yangga nata wa imit taknga tangopanu yangga dapunda yangakonggak binga itane musiaatang tasiwan ita kayuk yuwik kaknga pake asinggan asinggan yuwik,” ngang inikut.

Wamu Takeaknga Jonda Matakut Taknga 5:24

“Siakande siknga daninggat. Aminu tapatuta natane wam natake aminu atnanitewan apbum tapae natapan kekekawiu waapata kayuk yuwik kaknga pake asinggan asinggan yuwik. Aminu waapata waiakngane kupik kaknga teke kayuk yutnanga aknga gwa pake yuak. Pake yuwawan amin usanziwit gwene ie wamu wena.

Lotutane Kap Taknga 73:25

Sike yekapatangu mamin tapatu yuaknga na kakuya tasiwik? Aminu tapatu wena. Gakan siknga gandupa yuayak. Ayok, Anutu, na gae siknga nataat. Na sanga kepdakanenanae nataau wa unzing gae siknga nataat binga dua.

Wamu Takeaknga Lukga Matakut Taknga 18:22

Iniwan natake yake anzing inikut, “Ga sanga takngatuekan dapmanggayakge gata sangaapaka aminde yami usiwa manina pake sangaapana wena aminde yamuyo. Unzing tasiwinu take siknga kayuk yutnanga akngaka enandang yukgamuwawan gata apu na nawamso,” ngang inikut.

Wamu Takeaknga Jonda Matakut Taknga 17:3

Ga awiaapa ga Anutu siknga. Siwan na Jesu. Gata na nanitewi apuke Krais aminbam gatayamuyaapa dakngake yuat. Siwan aminu nitde katak nataaing amindakan kayuk yutnanga aknga pake asinggan asinggan yutning aminu unin.

Lotutane Kap Taknga 17:15

Siwan gata na katak usanzike nandupi noman siwik. Noman siwan, nata gatane nomba masande asiknga gandupit. Ngan, tapduknga nata kungwake dapuna binga pesika gatuna enawit komune nata natapa ga naat gatake yuamak ngang natake na apbakngawit.

Wamu Takeaknga Makga Matakut Taknga 8:36

“Sike aminu tapatuta sangaapana buyambam siknga papik. Pake ngana masande akupanu sangana wa pakut takwakga dasing gatangamik? Wena.

Lotutane Kap Taknga 142:5

Unzingge, Buyambam tapa, nata gae yanggau gata akgatangamiakge yanggat. Gatakan na kakuya tasinggayak kapanin. Sike kayuk yuwit kopatangu gatakan siknga naat yutzimde nataat.

Lotutane Kap Taknga 119:30

Sike na gatane siakan wam tawambitde gwa yawa kekekakut. Asingganu gatane mama wambae atnatayuat.

Wamu Takeaknga Lukga Matakut Taknga 8:18

Siwan ginu katak siknga gwautnong. Ginda wamu katak natapnong. Mamin amindaka natdetdetna nomana pake yuwawa Anututa natdetdetna kunduat ayamik. Sike mamin amindaka buyami natake natdetdetninu gwa pakamang ngang gutonga yawanu natdetdetna wa paking kaknga Anututa akaiwan kuyamik,” ngang yanikut.

Wamu Takeaknga Lukga Matakut Taknga 12:20

“Yawan ngana Anututa aminu waapa anzing inikut, ‘Ga katukatum. Apmanu zikaa anggwenekan ga akupiyak. Kupina sangabamu wa tandakngateyau maminda papik? Gata dua papiyak,’ ngang inikut.

Lotutane Kap Taknga 119:111

Na gatane wam taknga dumza siknga asinggan asinggan tanggaganukgat. Sike wamu waakngata tasiwan musip gwaang natake asiknga baknganggat.

1 Korin 13:3

Sike nata ninane sanga kuupbam usanzike aminu sangaapana wenae yamuke gatu nata kapewa iwanata ninane gupma take katapatang sawa nasiwan maiwit ngana tupanu nata aminde butaya dua natapbum gamu sanga take takngatuta nae dua singaman.

Wamu Takeaknga Lukga Matakut Taknga 12:33

Ginda sangasa kuupbam aminde yaman usiwa manina pake sanganae atdapmakaingge yama ita gatayamik. Unzing tasikengu ginda sangasa buyambamu sanga dua maikaing komune enandang tepuwa enandangu kuka aminda kukae dua papa gwakgwakga sangaapa dua nanggamuke pasiwan maikaing.

Wamu Takeaknga Lukga Matakut Taknga 16:25

Iniwan natake ngana yake anzing inikut, ‘Bapuna. Katak siknga natapso. Tupa ga kayuk yuke sangaka nomana gwa pakuyak. Sike Lasarasda sanga kuupbam wai pakut ngana apmanu keu akomune musia kwikwikngata yuwawan gata tokngabam panggayak.

Lotutane Kap Taknga 119:173

Na gatane mama wamu atawanggat. Unzingge gata gatangamunangge asinggan tandakngayo.

Galasia 5:6

Dasingge? Aminu Jesu Kraiskat gatake yukengu sanga wa Mosesde mama wam tawake gupna matakaing kakngae natapa sanga moo siwik. Siwan sanga aminda mama wamde masa imuke gupna dua matawiu wa kuut sanga moo siwik. Siwan ngana aminda Jesue natapa kekekawan notnae butaya natayamukaing kaknga buya siknga unin.

Wamu Takeaknga Lukga Matakut Taknga 16:2

Iniwa natake waapa yatawamban apan anzing inikut, ‘Dasingge wamu takngatu gae yawa natat. Natane sanga kayuayakge yapii yawi natapit. Gata gatuka kuyanae yutnanga dua,’ ngang inikut.

Wamu Takeaknga Lukga Matakut Taknga 10:39

Koke waapatane uyapna umana Maria ngang iniking. Ita apu Jesue wam katak siknga natapnangge natake kepine pukwike natayukut.

Wamu Takeaknga Lukga Matakut Taknga 11:1

Siwan tapduu gwendune keu komduatang yuke Jesuta tumuk wam yawan puyuwana pandetna tapatuta anzing inikut, “Aana. Gata ninu tumuk wam yanimde ninindamumso. Unzing tupa Jonda pandetna yanindamukut binga nikaya ninindamumso,” ngang inikut.

Wamu Takeaknga Jonda Matakut Taknga 6:27

Ginu nanamu napa wena siya panangge nangaakan ma natake tasiwam. Aho. Ginu nanamu napa dua puyutnanga akngae tawataku kake nayuk kayuk yutning kaknga pake asinggan asinggan yutnong. Nanin Anututa nandutewan nanamu wa binga na aminbamde notna dakngake yuat tapata ginde damit,” ngang yanikut.

Wamu Takeaknga Jonda Matakut Taknga 11:1

Siwan aminu maitna kaya tapatu umana Lasaras ngang iniking. Betani yot gapmane nanaapa. Itane samina tapaaya umana Maria gatu Mata ngang yaniking. Iat gatake yuke Betani yot gapmane yuking.

Wamu Takeaknga Jonda Matakut Taknga 11:19

Siwan Judia nana aminbamda Mataat Mariatde kuke waapaatda nokganae butaya natayuwawat musia pasiwa wikasande kuking.

Wamu Takeaknga Jonda Matakut Taknga 12:3

Nawatna Mariata yangga kapanga kaya take siknga takngatu umana nart ngang yanikaingu manina buyambam sikngata usikuu tekngatusim takapu Jesue kepine tukngwamban pukukut. Tukngwamban pukuwan Mariata gwapak danggamnata pasiwa kuking. Siwan yangga waakngatane kapanga take siknga akngata you wagwene tawamban sandekut.