Wamu Takeaknga Lukga Matakut Taknga 10:21 - Wantoat

²¹ Tapduk waomune Waung Kapata Jesue musip tangenawan apbakngake Jesuta Anutu anzing inikut, “O Nan. Ga kepat enandangkatdane buyambam tapa. Nata ga ganimbaknganggat. Pandetnata kekeknga akngakae pasikaingge yapii natdetdetninu kaya ngang yaya aminde gata takusopuke natdetdetninu mateknga ngang yaya aminde yeuyamunggayak. Ngan Nana. Gata take natake unzing tasinggayakge ganimbaknganggat,” ngang inikut.

Wamu Takeaknga Lukga Matakut Taknga 10:21 Referans Kwoze

2 Korin 4:3

Siwan wamu wa yanikapmanggat takngae natake aminu kunduta ie natapa kusopuknga binga siwiu wa aminda waiaknganae toknga pananga kepi apane sukukaing aminu unin.

Efesas 1:11

Ninu atnataamang. Anututa sanga ina banipda siwan tasinangge yawan yukut taknga atasiwik. Sike ita aminu Kraisde natapa kekekawiu wa inae panangge yawan yukut taknga atasike pakut. Tasike ita ninu inae papan aminu kuupbamde gamok ninda Kraisde tupan natapna kekekakut. Siwan ninda sanga ita nin gatanimukuu waakngae natake itane umana akngana asiknga yatangenatnim.

Wamu Takeaknga Makga Matakut Taknga 10:15

“Nata siakande siknga daninggat. Aminu tapatuta Anututa amin panangge tasinggak kakngae gepbiatang kopnangge ngana waatdaka binga dua dakngakengu ita undangu kopnanga dua. Wena siknga,” ngang yanikut.

Matyu 21:16

“Ga wamu wa yakaing kaknga atnatayak ba dasing,” ngang iniwa Jesuta anzing yanikut, “Ngan, na gwan natat. Sike Anututane wapatang anzing matakut, ‘Gata yanindamumbi waatdakaat engakatda umanda yatangenakaing,’ ngang matakuu dua kendekingge nanikaing ba dasing,” ngang yanikut.

Matyu 16:17

yake anzing inikut, “Saimon, Jonatane waaknga. Aminu keunenana tapatuta dua wamu waaknga gae yeukgamuk. Aho. Nana enane siknga yuak kapata yeukgaman kake yanggayakge apbakngayo,” ngang inikut.

Lotutane Kap Taknga 8:2

Siwan gata natake waatdakaat engangkat kuutda gatane umanda yatangenatningge yawi kekekakut. Yawi kekekawan damanu kekeknga siknga gatane iwandaat gatu gae wam sapdukaing aminkatde kepi wamake umuyamunggayak.

Wamu Takeaknga Lukga Matakut Taknga 15:9

Takenga ita notnabam gatu yotna nana ngang yayawamban apa anzing yaniwik, ‘Natane manina sandu wena gwa sikut ngana apmanu tawasika gwa tatde gikat naat apbaknganim,’ ngang yaniwik.

Wamu Takeaknga Lukga Matakut Taknga 15:5

Dua kake tawasika kakenga asiknga bakngake gwaamnane teke gwaamutakuwik.

Wamu Takeaknga Jonda Matakut Taknga 11:41

Siwan sup gwenu ikotakweking. Ikotakwewana Jesuta enandang kake tumuk wamu anzing yakut, “Nan! Gata natane tumuk wamu gwa natayakge ganimbaknganggat.

Lotutane Kap Taknga 25:14

Anututa notna ngangu aminu ie gepbiatang koyuaingge nataak. Siwan ita kepi noman takngna tawaningge yanindamukgak.

Lotutane Kap Taknga 24:1

Keu andakaat gatu sangabamu ane yuaingu wa kuupbam Buyambam tapatanekan. Kepna kepna gatu aminu yotna yotna yuaingu wa kuut itanekan.

Matyu 3:7

Siwan Judianana aminda miti wamu inata takngatu natake dongu takngaaya dakngake yukinggane dongu takngatu Ferisi amin ngang yaniking. Siwan dongu takngatu Sadyusi amin ngang yaniking. Siwan dongu wa takngaakatnana aminu buyambamda yangga sauyamikge apuwawa kake Jonda anzing yanikut, “Gomokga amin yasiwan kungwakaing binga ginda unzing pasikaing. Dasingge? Anututane musia toknga aknga yapbitnangge datakuke nata yangga sautdamitde apukaing? Aminu tapatuta toknga wa masan apik kakngae daniwan natake datakukaing ba dasing?” ngang yanikut.