Wamu Takeaknga Lukga Matakut Taknga 1:79 - Wantoat

⁷⁹ gata kuku tasike aminu akumnanga aknga gepbiatang yuya aminde kakaa yeuyamuya. Siwan kepdakane yuwatna musip kwikwikge kepi yeutnimi kanim,” ngang Sekaraiata waaknga Jonde natake unzing yakapbut.

Wamu Takeaknga Lukga Matakut Taknga 1:79 Referans Kwoze

Matyu 4:16

Wa aminda kakaa buyambam taknga gwa kaaing. Sike aminbam zikaa akumnangaatang yukingge waenga sike kakaa yamukut,” ngang Aisaiata yakapbut taknga buya unin aakut.

Aposel 26:18

Na ganitewa kuku aminu kepman nana zikaa atang yuke pasikaing aminu yanikapi natake zikaa aknga teke kakaa akngane apning. Apuke Anutuekan yuke Setendane kekeknga akngae apbotake tening. Teke nae natapa kekeknga siwan kake Anututa waiakngana apme sandeyamik. Sandeyaman aminu tupa Anututa papan aminabam dakngake yuaing amikat unekan gatake yutning,’ ngang unzing nanikut.”

Efesas 5:8

Siakan. Tupa ginda zikaa akngane sukuking ngana apmanu ginda Buyambam tapanindane aminabam dakngake kakaa akngane yuaing. Unzingge ginda kakaa akngane sukunong.

Wamu Takeaknga Jonda Matakut Taknga 12:46

Mamin amindaka nae natapa siakan siwiu wa aminda zikaa aknga teke kakaa akngaatang yutningge natake na kepdakane epbum.

Wamu Takeaknga Jonda Matakut Taknga 8:12

Siwan Jesuta aminbamu gatu anzing yanikut, “Na. Na kakaa aknga kepdakane nana aminde yamuyaapa dakngake yuat. Aminu na nawambiu waapata zikaa dakaatang dua sukuwik. Wena. Gunzitda isiwan kekekake enakaing binga aminu kakaa nata wa yamunggat takngane yuwiu kayuk yutnanga aknga pake asinggan asinggan yuwik,” ngang yanikut.

Wamu Takeaknga Jonda Matakut Taknga 9:5

Tapduknga nata kepdakane yuat kopatangu nata kakaa aknga kepdakane nana aminde ayamunggat,” ngang ninikut.

Lotutane Kap Taknga 107:14

Sandeyamuke Buyambam tapata papan zikaa dakaatang yukingu ateke apbing. Siwan sen takngata wamayamukingu ita asandeyaman kaautde gatu dua yuking.

Lotutane Kap Taknga 107:10

Sike aminu kundu kaautde pekingu paku zikaa siknga komduatang peking. Aminda sen taknga akngata wamayamuke paku kaautde peke meya buyambam yamuking.

Wamu Takeaknga Jonda Matakut Taknga 1:9

Siwan umana Wam Taknga ngang inikut tapata siakan siknga kakaa akngane yukut. Ge kakaa waakngata keu andakane epu isitakuwawan kuupbamda kaking.

Lotutane Kap Taknga 23:4

Anutu, nata damene zikaa dakaatang kuke ngana gata gatangami akumnanga akngae nata dua gwaumbit. Dasingge? Ga naat gatake yuamak. Nata ga gandupa gusou sipsipde kakuya tasikaingga pakaing kapaapa apanggayak. Unzing kake natane musipma kwikwikngata yuwit. Nata wai sinanga dua.

Wamu Takeaknga Lukga Matakut Taknga 2:32

Tasiwi ita apu dongu kundune nana Anutue dua nataaing aminu kakaa akngaka yeuyamunangge gwa apunggak. Apuke gatane aminda Isrel nana amindane umana buyambam siwikge apan kainata kaat, waapan,” ngang wamu waaknga Simionda Anutu inimbakngayuk Jesu betake yukut.

Pas Polda Rom Nana Aminde Matayamukut San 3:17

Kepi musia kwikwiknga aminde natayamunanga akngae dua tawake tasikaing.

Lotutane Kap Taknga 44:19

Siwan ngana gata ninu amina wena, kaap zonggakan yuaing komune pasiwi maikumang. Siwan ninu zikaa siknga dakata usikwatanimukuyak.

Lotutane Kap Taknga 25:12

Mamin aminda Buyambam tapae gwaukaing? Aminu wa Buyambam tapae gwauke Buyambam tapatane wamna tawambanu, Anututa kepi nomantapa yeuyamik. Yeuyaman waapane kuninggen.

Aposel 10:36

Ginu atnataaing. Anututa ninu Isrel nanae wamu takngatu Jesu Kraisda tasiniman Anutue notna gatu dakngake yutnimde wam taknga ninde tewan apbut. Ita aminbamdane Buyambam tapa.