Wamu Takeaknga Lukga Matakut Taknga 1:72 - Wantoat

⁷² Aminu wa gatanimik kapata apu tasiwan Anututa nindane baminde butaya natake gatayamikge yawan kekekakut takngae dua botawik. Asiknga gatanimik.

Wamu Takeaknga Lukga Matakut Taknga 1:72 Referans Kwoze

Lotutane Kap Taknga 106:45

Ita butaya siknga natayamuke pasap wamu tupa yaniwan kekekakutde gatuna natapan sikut. Siwan musia tapatekngwamban musip kwikwik natayamuke natdetdet naatangu meya wa asinggan paningge apbitakut.

Pas Polda Rom Nana Aminde Matayamukut San 11:28

Siwan Isrel nana aminu waakwakga wamu nata Jesue yanikapbum takngae masa imuke tasiwawa Anututa wa aminde iwana dakngakut. Dakngawan nata ginu keu komduine nana aminde kuke danikapbum. Ngana Anututa aminu wa masa imukainggane bamna tupa siknga papan itane aminabam dakngake yuaking. Unzingge ita wa pakut amindane dongune aaking aminde butaya natayamunggak.

Lotutane Kap Taknga 111:5

Natayuke ita nanamu asinggan aminu ie akgwaukaing aminde yamunggak. Ita wam taknga yaniwan kekekakut takngae asinggan asinggan natayuke ita dua siknga botanggak.

Lotutane Kap Taknga 98:3

Siakan, ita wamu ina yawan kekekakut takngae natake Isrel nana aminde butaya natayamuke dua kapekut. Dua kapewan aminu kepna kepna nana kuupbamda kawawa Anutuninda amau tasike yapbike ninu gatuna pakut.

Lotutane Kap Taknga 105:42

Siakan. Ita wamu takngatu tupa puya amin tapana Abrahamde kekeknga yawan kekekakut takngae natanggamatake sanga wa kuupbam tasikut.

Pas Polda Rom Nana Aminde Matayamukut San 9:4

Siwan nindane baminu Anututa papan aminabamu tupa siknga dakngaking. Dakngake Anututa wa amikat gatake yuking. Sike Anututa gatayamunangge natake ita wam kwikwik yaniwan kekekakut. Yaniwan kekekawan masande wa amindane waakzak sitake apu apu masan aaking aminde ita mama wamna yamukut. Yamuke ita kepi kayuk wa aminda inindatapningge kepiaknga yeuyaman kaking. Sike Anututa wa aminde sanga apmea siyaman take yutning kakngae wam yaniwan kekekakut.