Wamu Takeaknga Lukga Matakut Taknga 1:46 - Wantoat

⁴⁶ Siwan Mariata anzing yakut, “Nata Buyambam tapanindane umana akngana yatangenakgat.

Wamu Takeaknga Lukga Matakut Taknga 1:46 Referans Kwoze

Lotutane Kap Taknga 35:9

Buyambam tapata unzing gatangaman kakengu musipmaatangu apbakngawit. Ngan, ita na tapan take yuat takngae natake nata musip gwaang natangamit.

1 Korin 1:31

“Aminu tapatuta apbaknganangge natakengu ita sanga Buyambam tapaninda tasinimukut takngaekan natake bakngayok,” ngang matakut.

Filipai 4:4

Sike ginu Buyambam tapaninde natake apbaknganong. Ngan. Nata gatuna daniwit. Ginu ie natanggamatake apbaknganong.

Pas Polda Rom Nana Aminde Matayamukut San 5:11

Ita akgataniman Anututa ninde musip kwikwik natanimunggak. Unzingge ninda Anutue asiknga inimbakngakamang.

1 Pita 1:8

Siwan ginda Jesu kaisata dua kaking ngana ginda ie musip gwaang natangamukaing. Ginu kaisata apmaau dua kaaing ngana ginda ie natapa kekekanggak. Sike ginda ie natapa kekekanggak kaknga buya aawan Anututa ginde musip kwikwik natandamuke waiakngasane ginu sandekgak. Siwan ginda sanga wa ita gin sandekgak kakngae natake ginda asiknga bakngake musipza iaknga siknga natake yuaing.

Filipai 3:3

Ginu atnataaing. Anututane Waung Kapata nindane musipmin pangenawan ninda Anutu inimbakngake Jesu Kraisdane umana yatangenakamang. Yatangenake sanga wa Anututa wam yawan kekekakut takngae natapna siakan siwan ninu inane amina siknga dakngake yuamang. Siwan ngana aminu kunduta inane sanga akngae natake inane umana yapangenake Anututa nindane sanga waakngae natake ninde take natapik ngang yakaing. Sike ninda wa amindane sanga akngae natapna sanga moo binga singgak.

2 Korin 2:14

Siwan ngana nata Kraisde gepbiatang yuwawa Anututa na gatangamuke nanitakuwan take siknga kunggat. Kuwawa Anututa na nanitakuwan kuke puyana pasiwa buya asaakgak. Buya aawan itane wamnata keu kuupbam tawamban sandekgak. Unzing kapanga take siknga akngata keu kuupbam tawamban sandewan aminu buyambamda natake apbaknganing binga Anututa gatangaman itane wamna yanitakuke tasinggat.

1 Tesalonaika 5:23

Anutu musip kwikwikge yapii ita ina ginu pasiwan aminu noman siknga amin daknganingge take nataamang. Dakngake yuwawa ita gindane natdetdetzaat gatu musipzaat gatu gupzaat ngangu take siknga kayuwawan gutongasa wena siknga siwik. Siwan tapduknga Buyambam tapaninu Jesu Kraisda gatuna apik gwene ita dandupan ginu takekan siwik.