Wamu Takeaknga Lukga Matakut Taknga 1:17 - Wantoat

¹⁷ “Tupa siknga Anutue wam yakapsa aminu Ilaijata kekeknga siknga tasikut binga Anututane kwiiknga dakngake kekeknga aknganane pasiwik. Pasike waaknga nanata kuma yuaing kaknga zipbuke pakapu unekan pewik. Sike ita pasiwan yamandet pasiya aminda kwikwiknga yuya amindane natdetdetna nomana gatu pake yutning. Siwan ita pasike yaniwan aminbamda tanomanuke Buyambam tapata apikge yutning,” ngang inikut.

Wamu Takeaknga Lukga Matakut Taknga 1:17 Referans Kwoze

Matyu 11:14

Sike ginda wamu waaknga atnatapnanggengu atnatapnong. Jonda apu puyana tangenawan, ‘Ilaijata gatuna apik,’ ngang tupa siknga ngang yakapbing kakngata yutake apu buyana unin aakut.

Wamu Takeaknga Lukga Matakut Taknga 1:76

Siwan engang! Ga takawi aminbamda gae yake enane siknga yuak kapatane yanikapsa amin tapa ngangu gae yaning. Sike ga Buyambam tapae tupan kuke itane kepina tandakngaya.

Wamu Takeaknga Jonda Matakut Taknga 3:28

Ginu wamu nata tupa wa yakum taknga gwa natapbing. Na Anututa tapan Krais gatandamuyaapa dua dakngake yuat. Wena. Siwan ngana Anututa nanitewan tupanu nata gamok gatanimuya apae tupan apbum.

Lotutane Kap Taknga 78:8

Asikaya waaminu bapunata tasiking takngakan tasinang. Sike waakwakgane bapuna yamandet sike Anututane wamu ayamasandeking. Siwan ie baniu kekeknga dua siking. Gatu itane wam takngaaya asinggan dua tawaking.

Wamu Jonda Mia Kake Matakut San 20:4

Siwan nata kawawa sia buyambam dakandakane aminu tupan tapaapata pukwike kayuwa kakum. Sike Anututa puya wa aminde aminu kuupbamdane wamna usanzitningge yamukutna kakum. Sike nata kawawa aminu kwaapzangu tupa Anututane wamu gitna take Jesue umana yakapmake kaapzongu wagwen gatu itane weena ngangge tumuk wamu dua yanike yuwawa aminda itane tuwangu wa amindane damanane ba katakngane dua mataking. Sike wa amindane iwanata enake guyakngi matapamaba kuking. Siwan wa amindane uyungata yuwa kakum. Sike wa aminu gatu gweake kayuk yuwa kakum. Sike wa aminda Kraiskat gatake aminbam kayuke tasiwawa kuku nakanu 1,000-da apik.

1 Pita 2:9

Ngana Anututa ginu inae gwa pakut. Papan ginu itane aminabam dakngake yuaing. Ngan. Ginu Buyambam tapanindane puya amina dakngake yuaing. Yuke ginu itane dongabam dakngake yuaing. Siwan Anututa ginde natake ginu zikaa akngane yuking ngana teke ginda itane kakaa take akngane kopningge natake ginu yandawakut. Sike ginda natake ita ginu yandawamban ie kukingge ginda apbakngakaing. Apbakngake sanga take siknga ita wa gatandamukut takngae natake aminu buyambam yanikapnong. Sike ginda wamu waaknga yanikapningge natake ita ginu inae pakut.

Kolosi 1:12

Natayuke ginda Naninde inimbaknganing. Ita nin kekekaniman ninu aminu itane aminabam dakngake kakaa akngane sukukaing amikat gatake sukunim.

Lotutane Kap Taknga 111:10

Sike aminu tapatuta natdetdet amin daknganangge natakengu waapata Buyambam tapae akgwaumsok. Sike wa akgwaukgak kakngata amindane musia pangenawan natdetdet amin dakngawik. Unzingge ninda itane umana asinggan asinggan yatangenatnim.

2 Timoti 2:21

Siwan aminu tapatuta waiakngana gatukande bitatekengu ita amin gwaang dakngake Buyambam tapanae puyana tasinangge tandakngawik. Ngan. Dis gwendue apbakngake nanamu wagwekatang peke nanggak. Ina unzakan. Aminu waapae Anututa apbakngake inane puya asimik.

Pas Polda Rom Nana Aminde Matayamukut San 9:23

Dasingge? Ita ninde butaya siknga natanimunggak kaknga aminbamde yeuyamunangge natapbut. Natake ninde musia kwikwiknga natanimunggak kakngane yutnimde natake ita ninu pake ninu Judia nana kundukan dua yaniwakut. Aho. Ita keu komduine nana kunduat kuut yayawakut.

Aposel 10:33

Naniwan zaatgaman aminu gae yanipewa kuke ganiwa gata take siknga apuyak. Ge ninu Buyambam tapaninda wamu nin niniwiyakge ganikuunin niniwi natapnimde ninu pakapu yuamang,” ngang Pita inikut.

Wamu Takeaknga Jonda Matakut Taknga 1:34

Sanga wa nina kake aminu waapa Anututane waaknga ngang gwa yakapmat,” ngangu Jonda unzing yakut.

Wamu Takeaknga Jonda Matakut Taknga 1:13

Ge minginda ninu bokngiwa Anutue waaknga dakngakumang ngangu dua yakamang. Gatu ita waak zak siwat aake Anutue waaknga dakngakumang ngang dua yakamang. Anututakan yawan ie waaknga dakngakumang.

Wamu Takeaknga Lukga Matakut Taknga 1:16

Kekekangaman ita tasiwana Isrel nana aminu buyambamda Anutue gepbiatang koyutning,” ngang inikut.

Lotutane Kap Taknga 10:17

Buyambam tapa, gata aminu meya takngatu takngatu pake yuainggane tumuk wamnae atnataayak. Wamna natake gata musia papi kekekanong.

1 Jon 2:28

Ngan waatdakana. Ginda Jesuat gatake yutnong. Iat gatake yuwawa tapduknga ita gatu apik gwene ninda natake ita waiaknganinu gwa sandetnimukut ngang natake apbakngake nomnane kunim.

Matyu 3:4

Siwan Jonda tauknga kaau gwendu kamel ngang inikainggane danggamita tasikingunin taukngae tasike simbuna tambut. Siwan ita nanamde apmakat iningokat nakut.

Matyu 3:3

Jonu waapae Anututa yawan natake wamu ayanikapsa aminu Aisaiata anzing matakut, “Aminu tapatu keu amina wena komune yuke anzing yanggamatanggak. ‘Takeapatane kepina tandaknganong. Buyambam tapatane kepina tanomanutnong,’ ngang yanggamatanggak,” ngang Aisaiata matakut.