Wamu Takeaknga Jonda Matakut Taknga 7:1 - Wantoat

¹ Siwan masande Judia nana amindane takeakwau atanguwa kupikge tasiwawa Jesuta Judia kep komune kunangge apbitakut. Undang kunangge apbitake ita Galili kep komu banakan sukukut.

Wamu Takeaknga Jonda Matakut Taknga 7:1 Referans Kwoze

Wamu Takeaknga Jonda Matakut Taknga 4:3

Siwan Jesuta unzing tasiwan Ferisi aminda gwa nataaing ngang natake ita Judia kep teke Galili kep komune gatuna kukut.

Matyu 21:38

“Kuke wesim kuwawan kake ina anzing yaking, ‘Aminu aapata nanatane kwatangi apmea papik. Ayok. Tangutna kupan puya angana ninda tana,’ ngang yaking.

Wamu Takeaknga Jonda Matakut Taknga 7:19

Tupa siknga Mosesda ginde bamzae mama wam yamukut. Ngana gikat nana tapatuta mama wamu waaknga dua tawake tasike ginda na atnuwa kupitde tasikaing,” ngang yanikut.

Matyu 10:23

Sike ginda zikaa natake you gapmandune wai tasindamanu ginu datang you gapmandune kunong. Nata ginu siakande siknga daninggat. Ginda Isreldane yot gapmane puya dua pasiwa puyuwawan na aminbamdane notnaapata asapit,” ngang ninikut.

Aposel 10:38

Wamu waaknga anzing, ‘Anututa Jesu Nasaret nana kateke Waung Takwakat kekeknga aknganaat kuut asimukut. Asiman yotna yotna kuke aminbam gatayamukut. Anutuat iat gatake yuke aminu Setenda pasiwan maikinga pasiwat takaking.’

Wamu Takeaknga Jonda Matakut Taknga 4:54

Siwan Jesuta Judia kep komuneta Galili kep komune apbut gwekatang duya waaknga tasiwan takngaaya dakngakut. Tupa duya takngatu keu wakomunekan tasikut.

Wamu Takeaknga Jonda Matakut Taknga 1:19

Sike Judia nana amindane tupan takwakga wam yake Anutue yot takwan gwene pasiya aminu kunduat gatu wa amindane puya amin notna Liwaitane dongune aaking aminu kunduat ngang yanipewa kuke Jerusalem yot gapma teke kuku Jonu anzing inikwaiking, “Ga mamin tapa,” ngang iniking.

Wamu Takeaknga Jonda Matakut Taknga 8:40

Nata siakan wamu kuupbam Anututa yawan natapbumu waakngakan nata ayakapbum. Siwan ngana ginda na atnuwa kupitde tasikaing. Ebrahamda unzingu aminu nomanu tapatu tanguwa kupikge dua tasikut.

Wamu Takeaknga Jonda Matakut Taknga 8:37

Na atnataat. Ginu Ebrahamdane dongune aake yuaing. Ngana natane wamu ginde musipzaatangu dua yuakge ginda na nuwa kupitde tasikaing.

Wamu Takeaknga Jonda Matakut Taknga 7:25

Siwan Jerusalem nana kunduta anzing yaking, “Dasingge? Aminu aapa atanguwa kupikapanin.

Wamu Takeaknga Makga Matakut Taknga 11:18

Siwan Anutue yot takwan gwene pasiya amindane takeakwakat mama wam yanindamumsa amikatda wamu waaknga natake tuwanguke kepi takngatu Jesu tanguwa kupikge kanangge tasiking. Dasingge? Aminbamda itane wam natapa musia asenawan kake Jesue akgwauking.

Wamu Takeaknga Jonda Matakut Taknga 6:1

Siwan Jesuta duya takngatu takngatu pasiyuk mait aminde maitna sandeyamukut.

Wamu Takeaknga Jonda Matakut Taknga 7:11

Judia nana aminda tapduk takwanu wagwene Jesue tawatakuke aminu waapa zandang yuak ngang yaking.

Wamu Takeaknga Jonda Matakut Taknga 7:13

Unzing yawawa ngana Judia nana amindane takeakwakge akgwauke aminu tapatuta ie wamu anggaman dua yakut.

Wamu Takeaknga Jonda Matakut Taknga 7:35

Yawan Judia nana aminda ina anzing sapduke yaking, “Ita zagwak kuwan ninda dua kanim? Asikaya nindane notninbamu maa siknga Grik aminde kep komune yuaing aminde kuke Grik amin yanindamutnangge yanggak ba dasing.