Wamu Takeaknga Jonda Matakut Taknga 3:8 - Wantoat

⁸ Got takngata puyatake unda undang kuwawan ga gakngaikan natake ngana wa zandanggaka enake apuke gatu zagwakga kunggakge ga dua nataayak. Ina unzakan. Aminu kuupbam Waungga musia pangenawan kayuk dakngake yuaing amindane yapii kananga dua ngana aminu waakwau apasikaing kaknga akaning,” ngang inikut.

Wamu Takeaknga Jonda Matakut Taknga 3:8 Referans Kwoze

1 Korin 2:11

Ninu atnataamang. Aminu tapatuta sanga notnata musiaatang nataak kakngae natapnanga dua. Wena. Sanga waakngae notnata inatakan atnataak. Ina unzakan aminu tapatuta sanga Anututa musiaatang nataak kakngae natapnanga dua. Aho. Anututane Waung Kapatakan atnataak.

Aposel 2:2

Yuwawa gakngatda yekapatang siwan natapbing. Natawawa gou buyambamdane gakngat binga siwan natapbing. Natapa gakngau waakngata you wa yuking gwekatang epu buyambam sikut.

1 Jon 2:29

Ginda atnataaing. Jesuta nomana sikngaapa yuakgen. Ita unzing yuak ngang natakengu aminu kepi nomana akngane sukukaing aminda Anututane waaknga yapana dakngake sukukaing ngang ginda natapa siakan siyok.

Aposel 4:31

Tumuk wamu waaknga Anutu iniwana you unekan gatake wa yuking gwenu saa sikut. Saa siwan Anututane Waung Kapata musiaatang pukuke papan kekekake wa aminda Anutue wamu aminbam yaninangge dua gwauking.

1 Korin 12:11

Siwan sanga wa kuupbam Waungu Tapatutakan pangenakgak. Ita pangenake sanga ina banipda siwan natake ita puya usanziyaman aminu kuupbamda inandek inandek puya inata inata pasikaing.

Wamu Takeaknga Jonda Matakut Taknga 1:13

Ge minginda ninu bokngiwa Anutue waaknga dakngakumang ngangu dua yakamang. Gatu ita waak zak siwat aake Anutue waaknga dakngakumang ngang dua yakamang. Anututakan yawan ie waaknga dakngakumang.

Lotutane Kap Taknga 107:29

Ita tasiwan got taknga atzakngawan, yangga gwenu kuma yukut.

Lotutane Kap Taknga 107:25

Dasingge, Buyambam tapata yawan gou buyambam puyapbut. Puyake tasiwan yanggabam gwenda sambui buyambam siknga enakut.

Lotutane Kap Taknga 135:7

Ita sopa tawikge minga kepna kepna kuupbam tasiwan aakgak. Siwan ita tasiwan yapasik siwawan sopa tanggak. Siwan gatu ita tasiwan got takngata gwatdu gwatdu puyatake kunggak.

Wamu Takeaknga Jonda Matakut Taknga 3:7

Gata wamu nata ganinggat takngae nangaakan ma natapim. Ginu yanggaat Waungkatda unzing dua gatandaman kayuu gatu dua dakngakengu Anutue gepbiatang kopnanga dua.

Wamu Takeaknga Jonda Matakut Taknga 3:9

Iniwan Nikodimasda yake anzing inikut, “Sanga wa dasing binga siwik,” ngang iniwan