Wamu Takeaknga Jonda Matakut Taknga 13:8 - Wantoat

⁸ Iniwan yake, “Gata natane kepina ma saukngamim. Na asiknga bitanggat,” ngang inikut. Iniwan yake inike, “Nata ga dua saukgamanu ga naat gatake yutnanga dua,” ngang inikut.

Wamu Takeaknga Jonda Matakut Taknga 13:8 Referans Kwoze

Taitus 3:5

ita gatanimuke toknga aknga waiaknganinde pananga aknga sandetnimukut. Ninda sanga nomana aknga tasikumang gamu ita nindupan take siwan ngana waiaknganinu ina banipda siwan sandetnimunangge natake Anututa yawan aminu akgatanimuya apaninu Jesu Kraisda Anututane Waunga gatukande siknga nimukut. Siwan ninu Waungu wa nimukut tapatane gepbiatang yuwatna ita kekeknga aknganata sautnimuke pasiwan sanga aminu kayuk binga dakngake yutnim taknga musipmikatang tamukut. Tamuban buya aake pasiwan ninu Anututane dongane aake aminu kayuk binga dakngake yuamang. Siwan kepi waakngakan tawake tasike Anututa gatanimuke waiaknganinde toknga pananga aknga sandetnimukut.

Aposel 22:16

Ge mamaya siknga ma yuwim. Tumuk wam yake Jesuta gatanggamuke waiakngaka sandekgamikge iniwina yangga saukgamit,’ ngang naniwan waaknga tasikum.”

Hibru 10:22

Unzingge ninda Anutue wesimu take kunim. Ngan. Ninda nindane musipmikatangu Anutue natanggamatake ita nin gatanimik ngang natapna kekekawan ie wesimu take kunim. Siwan Jesuta inane dakngata nindane waiaknganinu gwa sandetnimukut ngang natake ie wesimu take kunim. Kuke ninda nisa natapna natdetdetninu kakaa siknga siwan yangga dopna wenata ninu sautnimukingge ninda Anutue wesim take kunim.

Efesas 5:26

Ngan. Kraisda ninde tangge wa kungwanimukuu ita ninu itane aminabamdane waiaknganin sandetnimunangge natake tasikut. Nindane waiaknganin sandetniman yanggata sautnimukaing binga inane wam takngata nin papan nomatanimde natake ita ninde tangge kungwanimukut.

1 Korin 6:11

Siwan aminu gikat gatake yuaingu kunduta tupa aminu wai wa binga dakngake yuking. Ngana Anutunindane Waung Kapata musipza papan nomatawa ginu sanga Buyambam tapaninu Jesu Kraisda ninde tasinimukut takngae banip siking. Ginu ie banip sikingge Anututa ginu inae papan ginu itane aminabam dakngaking. Dakngake ginu itane nomune amin noman dakngake kepi nomana akngane sukuningge natake ita waiakngasa sandetdamukut.

Wamu Jonda Mia Kake Matakut San 7:14

Nanikwaiwan nata ie yake anzing inikum, “Na dua nataat. Gata gika atnataayak,” ngang inikum. Iniwa ita na anzing nanikut, “Aminu waakwau meya buyambam iwande kataune paking. Pake ngana wa aminda akekekake dua pimakingge keu ninda ayuamang komune apuke yuaing ngang nanikut. Sike wa aminda tauknga sipsip mateu wagwendane dakngata sauwa tauknga kwaknga sikaing.

Kolosi 2:23

Siwan mama wamu wa bingata ninu gatanimunanga dua. Aho. Mama wamu waakwakga nindane musipmin pangenawan ninda puya kekeknga siknga tasike sanga nindane musipmikatang enakaing kaknga yaitapaakusinangge tasinim. Unzingge ninda mama wamu waakwakge natapna natdetdetna take binga singgak. Siwan ninda sanga wai nisane musipmikatang enakaingu kuupbam yaipapaakusinangge natakengu mama wamu wa tawake tasinim. Tasina ngana buya dua aawik. Wena.

Kolosi 2:18

Siwan ginda dua katewa aminu tapatuta wamu ginde temapa yawik. Dasingge? Aminu tapatuta mia takngatu takngatu ba kawik. Kakengu ita mia wa kakutde apbakngawik. Bakngake natdetdeu wa ita mia kake pakutde natake inane umana moo siknga yatangenawik. Ngan. Natdetdeu wa inane musiaatangga enakgak kakngaakngae natake gin yaipapaakusinangge natake daniwik. Danike asikaya ginda gisatakan Anutue take kundopning ba dasing ngang danisapduwik. Aho. Ninda angela akwakgekan inindatapnanu take siwik ngang daniwik. Siwan ngana ginda dua katewa wamu wa binga daniwik. Wena.

Wamu Takeaknga Jonda Matakut Taknga 3:5

Iniwan yake anzing inikut, “Nata siakande siknga ganinggat. Aminu tapatuta musia dua tapan tekwamban yangga dua sauke mayata engang tangaiwan kayukapa aakgak binga Waungga aminu waapae musia dua tangenawan kayuk dua dakngakengu ita Anututa amin panangge tasinggak kakngae gepbiatang kopnanga dua.

Matyu 26:33

Pitata yake anzing inikut, “Guwa kupi ganduke kuupbamda pimatning ngana na unzing dua pimapit,” ngang inikut.

Matyu 21:29

‘Dua kuwit,’ ngang inike ngana mateknga kundusim yukenga musia tapan tekwamban kuke pasingamukut.

Matyu 26:35

Iniwan yake anzing inikut, “Nata gaat kuut nisipa kumzimde yawanu nata gatane umanda dua takusopuwit. Wena siknga,” ngang yawan pandetna kuupbamda unzakan yakumang.

Matyu 16:22

Niniwan natake Pitata take kwaim saak taku tuwanguke kaanga anzing inikut, “Aana. Anututa musia kwikwiknga natanggamuke gatanggaman meya wa gae dua apan,” ngang iniwan

Wamu Takeaknga Jonda Matakut Taknga 13:6

Unzing sautnimutakuke Saimon Pitae apan Pitata anzing inikut, “Buyambam tapa. Asikaya gata natane kepina sauya,” ngang inikut.

Lotutane Kap Taknga 51:2

Gata tasiwi natane waiakngana kaikane sandewi wena siyok. Unzing nata yangga sauwa wasapma wena singgak binga. Ngan. Gata natane waiakngana kuupbam sandekngami nata amin nomanda yuwit.

Lotutane Kap Taknga 51:7

Gata natane waiakngana sandekngami nata dundumna amin dakngake yuwit. Gata yanggata binga saukngami aminu wasapna wena siknga binga dakngake yuwit. Dakngake yuwawa natane waiakngana gatane kaikane wena siknga siwik.

Wamu Takeaknga Jonda Matakut Taknga 13:9

Iniwan yake anzing inikut, “Aana. Natane kepinakan ma saukngamim. Gata kataknga gatu gwapaknga ngang kuut saukngamuyo,” ngang inikut.