Wamu Takeaknga Jonda Matakut Taknga 12:3 - Wantoat

³ Nawatna Mariata yangga kapanga kaya take siknga takngatu umana nart ngang yanikaingu manina buyambam sikngata usikuu tekngatusim takapu Jesue kepine tukngwamban pukukut. Tukngwamban pukuwan Mariata gwapak danggamnata pasiwa kuking. Siwan yangga waakngatane kapanga take siknga akngata you wagwene tawamban sandekut.

Wamu Takeaknga Jonda Matakut Taknga 12:3 Referans Kwoze

Wamu Takeaknga Jonda Matakut Taknga 11:2

Siwan Maria waapa masande yangga kapanga take siknga aknga pake Jesutane kepine saukngamukut tapanin. Saukngamuke inane gwapak danggamnata pasiwa kuwa kupia sikut. Itane nokgana Lasarasda mait sikut.

Wamu Takeaknga Jonda Matakut Taknga 11:32

Tawatakuwawa Mariata Jesuta yukut komune apu Jesu kake kepine gwetake anzing inikut, “Buyambam tapa! Gata ane yukuyak gamu nokganata dua kupan,” ngang inikut.

Wamu Takeaknga Lukga Matakut Taknga 7:46

Siwan gwapakngane wel yangga takngatu dua tukngwangamuyak ngana maya aapata yangga kapanga take sikngaakngata kepinane saukngamunggak.

Wamu Takeaknga Jonda Matakut Taknga 11:28

Matata unzing yake kuku uyapna Maria yatawakut. Yatawamban apan wamu wepda anzing inikut, “Ayanindamumsaapa gwa apuke gae yanggawanggak,” ngang inikut.

Lotutane Kap Taknga 132:2

Devitda wamu takngatu Anutue natake yawan kekekakut. Ngan, ita Isrel amindane kekeknga sikngaapae natake wamu waaknga yawan kekekakut.

Wamu Takeaknga Lukga Matakut Taknga 10:42

Puya takngatuekan nataayak gamu take siwan. Uyapbata puya waakngae natake yuwawan teng ngang ininanga dua siwik,” ngang inikut.

Wamu Takeaknga Jonda Matakut Taknga 19:39

Iat Nikodimas aminu tupa zikaane ita Jesue apbut tapaatda sandeke takepbumayak. Siwan Nikodimas waapata katau dakaaya umana mel gatu alo ngang yanikainggane inuknga kupiawan pekingu pake aiwa pimapa undanggan kwaidotdonguke Jesue gupnane pasiwat kapanga take siwikge pakapbut. Itane meyana 75 ngang buyambam.