Wamu Takeaknga Jonda Matakut Taknga 1:1 - Wantoat

¹ Kepat sangabamu enane yuaikat dua tasike tekut gwene aminu tapatu umana Wam Taknga ngang Anututa inikut. Iat Anutuatda gatake yukumayak. Ge waapaatdane yapiina buya kundukan.

Wamu Takeaknga Jonda Matakut Taknga 1:1 Referans Kwoze

Wamu Takeaknga Jonda Matakut Taknga 17:5

“O nan. Tupa kepdaka dua aawawan naat gaat unekan gatake yuwatda natane umana aknganata buyambam sike yukut. Sike apmanu naat gaat gatake unekan gatunit yutzim. Unzing yuwatda gata umana akngana gatuka tangenawi buyambam siyok. Unzing tupa sikut binga.

Wamu Jonda Mia Kake Matakut San 19:13

Sike tauknga mamaya gomu ita tasikuu dakgan sikutna kakum. Sike itane umana takngatu Anututane wamna ngang iniking.

Kolosi 1:17

Sike tapduu ita sangabamu dua tasike tekut gwene ita ayukut. Yuke ita inane kekeknga aknganata sanga kuupbam papan kekekake yuaing.

Wamu Takeaknga Jonda Matakut Taknga 1:14

Siwan umana Wam Taknga ngang inikut tapata amin dakngake nin banakan katang yuwawan take sikngaapa ngang kakumang. Ita Anututane waaknga buyakan tapata yukut. Ge take sikngaapa yuwikge Nanata yakut. Siwan musiane kwikwiknga wapat siakan wapat dopan yukut.

Wamu Takeaknga Jonda Matakut Taknga 1:2

Siwan yakap sikngaatang unekan gatake yukumayak.

Wamu Jonda Mia Kake Matakut San 1:8

Siwan Buyambam tapaninu Anutu kekeknga siknga yuak kapata anzing yakut, “Na Anutu awia tapatutakan yuat,” ngang yakut. Sike waapata tupa siknga yuwawan apu apman apunggak. Siwan ita asinggan asinggan ayuak.

Filipai 2:6

Ita Anutu siknga yuke itane umana buyambam ngana sanga waakngae dua natanggamatake

Matyu 1:23

“Maya mateu tapatu wawi tapatue dua kukut tapata musiaapa siwik. Sike engangu wawi wa tangaiwik kapatane umana Emanyuel. Tana tekwamban, ‘Anutu nikat gatake yuamang,’ ngang inining.” Ngang wa yakapbut taknga buya unin siwikge natake angelata Josep unzing inikut.

Wamu Jonda Mia Kake Matakut San 21:6

Nanike ita gatu anzing nanikut, “Nata puya waaknga gwa tasiwa puyukgak. Na Anutu awia tapatutakan yuat. Na sangabamdane yapii siwan puya kuupbamu nata tangenake tasikumu atasiwa puyukgaunin. Sike aminu yanggae natapanu nata yangga aminda tangoke kuyuu asinggan yutnanga aknga zike ie ima tangopik. Sike nata yangga wa moo siknga ima waapata mani dua muke usike tangopik,” ngang nanikut.

Hibru 13:8

Sike ginda Jesu Kraisde natapnong. Waapata asinggan asinggan yuak. Yuke ita natdetdeu tupa natapbut takngae dua bitatewik. Aho. Tupa gatu apman gatu apmea ngangu waapata natdetdeu takngatukan natake tasinggak.

1 Jon 5:20

Siwan gatu ninu atnataamang. Anututane waakngata apuke natdetdeu ninde nimukut. Niman ninda Anutu siakan tapae atnataamang. Natake ninda Anutu siknga apaat gatu inane waaknga sikngaapa Jesu Kraiskat musipminu takngatukan natake unekan binga gatake yuamang. Siwan Anutu waapa Anutu siknga. Siwan kayuk asinggan yutnanga akngae toiknga unin.

1 Timoti 3:16

Siwan Anututane wamu tupa ita ina natake tekuu wa ninda tawake tasikamang kakngae natapna wamu gwaam siknga singgak. Siwan aminu tapatuta wamu nata wa yanggat taknga yaitapaakusinanga dua. Wena. Sike wamu ninda ie natapna wamu gwaam siknga singgak kaknga anzing, “Ita nisa gup takut. Waung Kapata wamu aminda ie temapa iniking kaknga tanguwan kumbut. Siwan angelata i kaking. Wamu ita nin gatanimukut taknga take aminu keu komduine nana Anutue dua natapbing aminde yanikapbing. Aminu kepdakane nana aminda ie natapa akekekakut. Anututa ie enandang initakopan itane umana buyambam siknga sikut.”

Wamu Takeaknga Jonda Matakut Taknga 16:28

Tupa na Nanaat gatake yukumak. Siwan nata i teke kepdakane epbum. Sike apmanu na kepdaka teke gatuna Nande kuwit,” ngang ninikut.

Wamu Jonda Mia Kake Matakut San 1:17

Nata unin kake na itane kepine wesim pimake na akupsa amin binga dakngakum. Siwan ngana ita katakngi siyaapata na napmake anzing nanikut, “Ga ma gwaumbim. Na sanga kuupbamdane yapii. Sike nata aminu kuupbam kayuat.

Wamu Takeaknga Jonda Matakut Taknga 20:28

ngang iniwan yake, “Aana,” ngang yake gatu, “Anutuna,” ngang inikut.

Taitus 2:13

Siwan Anututa kekeknga siknga nin gatanimuyaapa Jesu Krais unin. Sike waapata umana enane siknga siwan yuak kakngane yusika gatuna kepdakane epik. Sike ita unzing epik kakngae natake apbakngake kayuke kepi gae wa matanggamunggat taknga tawake tasinim. Ninu kepi waaknga tawake tasinimde natake Anututa musip kwikwik kakngana yeutniman anggaman sikut takngata musipmin papan nomatanggak.

Hibru 7:3

Siwan wamu itane minga nana ba itane dongae dua mataking. Aminu tapatuta Anututane wapatangu tapduknga mingata tangaikut gwende natake dua matakut. Gatu tapduknga ita akumbut gwende dua natake matakut. Wena. Siwan waapata Anututane waaknga binga dakngake ita Anututane puya tasike yuwawan wamu ita wena sikut taknga wena kaamang.

Wamu Jonda Mia Kake Matakut San 3:14

“Siwan gata wamu kundu Anututane amina Leodisia yot gapmane yuainggane tupan tapae anzing matangamuyo,” ngang nanikut. “Na siakan wamde yapii. Siwan nata Anututane wamu kuupbam noman gan yakapmanggat. Na Anututa sangabamu tasike tekutdane yapii na. Sike nata gae natake wamu kundu ganiwa natapso.

Efesas 3:9

Ngan. Anututa natake nata aminu kuupbamdane natdetdetna papa kakaatningge natake puya waaknga nae namukut. Nae naman nata tasike natdetdeu wa tupa Anutu sangabam tasike tekut tapata inane musiaatang natake tekut taknga yanikapitde puya namukut.

Wamu Jonda Mia Kake Matakut San 1:2

Inikapan natake wamu Anututa Jesu Kraisde inikapbut takngae natake Jonu waapata buu anggomune wamu waakngaat gatu sanga mia akngane kakut takngaatde natake matakut.

1 Jon 5:7

Siwan yangga saukngamukut takngaat gatu daknga tukngwakut takngaat gatu Waungkat ngangga sanga takngatukan yeutnimukaing. Sike sanga wa takngaat takngatuatda yeutnima kana siakan singgak.

Pas Polda Rom Nana Aminde Matayamukut San 9:5

Siwan nindane baminu Ebrahamdane waaknga Aisak ngang inikinggane waaknga Jekop ngang inikingu waapatane waakngabamda waakzak sitake sitake apu apu apmanu ninu Judia nana aminu buyambam sike yuamang. Siwan aminu akgatanimunggak kapae Krais ngang inikamangu waapata nisa gup pake nikat nana tapatu dakngake aakut. Wa aakut tapa Anutu siknga enane siknga yuak kapanin. Ge ninda waapatane umana asinggan asinggan yatangenatnim. Siakan.

Wamu Takeaknga Jonda Matakut Taknga 1:18

Siwan aminu keunenana tapatuta Anutu kainata dua kakut. Tapduu ayuamang kopatang kaya unzakan dua kaamang. Itane waaknga buyakan tapa Nanaat gatake yuamayakga Anutue yakapan natapbumang.

Lotutane Kap Taknga 45:6

Anutu, ga king kapa dakngake asinggan asinggan yuayak. Gata amindabamu kepi noman taknganekan kayuayak.

Wamu Jonda Mia Kake Matakut San 2:8

“Siwan gata wamu kundu Anututane amina Smena yot gapmane yuainggane tupan tapae anzing matangamuyo,” ngang nanikut. “Na aminu sangabamde yapii gatu aminu kuupbam kayuat tapata yanggat. Tupa nata akumbum ngana nata gatuna gweake kayuk yuat. Nata gae natake wamu kundu ganiwa natapso.

2 Pita 1:1

Na Saimon Pita. Na Jesu Kraisda tapan itane kwiiknga dakngake itane puyana tasinggat. Tasiwa nanduke aminda aposel ngang nanikaing. Siwan nata pas asanu ginu Jesu Kraisde natapa kekekanggak aminde matandamunggat. Siwan Anutuninu Jesu Kraisda nin gatanimuke kepi nomana siknga tawake ninu kuupbamdane musipmin pangenawan ninu Judia nana amikat gikatda ie natapna kekeknga singgak. Siwan sanga wa ninda ie banip sikamang kakngae natapna take siknga singgak.

Wamu Jonda Mia Kake Matakut San 1:11

Yanggamatake anzing nanikut, “Sanga kuupbam gata kawiyau wa gata buu gomdune matayo. Matake tewi Anututane amina yotna yotna katau kuut musa kautdu gapmaatane umana Efesa gatu Smena gatu Pegaman gatu Taiataira gatu Sadis gatu Filandelfia gatu Leodisia ngang yanikaing gapma gapmane yuaing aminde tewi kuyok,” ngang nanikut.

Wamu Takeaknga Lukga Matakut Taknga 24:53

tapdukbamu asinggan Anututane yot takwan gwene yuke Anutue umana yatangenaking.

Wamu Takeaknga Jonda Matakut Taknga 8:58

“Aho,” ngang yake anzing yanikut, “Nata siakande siknga daniwa natapnong. Ebrahamda dua aakut komune nata ayukum,” ngang yanikut.

Kolosi 1:15

Siwan ninda kaininda Anutu kananga dua ngana Kraisdane nomna kaininda gwa kakumang. Kake ie natapna ita Anutu binga daknganggak. Sike tapduknga Anututa sangabamu dua tasike tekut gwene Krais waapata ayukut. Yuke ita Anututane sanga kuupbam kayukut.