Jems 4:10 - Wantoat

¹⁰ Sike ginda unzing tasike Buyambam tapanindane kaine ninu aminu wai amin dakngake yuamang ngang natake tasinong. Tasiwa dandupan take siwan ita gindane umanza yapangenawik.

Jems 4:10 Referans Kwoze

Lotutane Kap Taknga 147:6

Sike ita aminu inane umana dua yapangenakaingu ita wa amindane umana ayapangenakgak. Siwan ngana wai aminu ita kapzang siknga yaipakepu peak.

Matyu 23:12

Aminu tapatuta inane umana tangenawiu itane umana apimapik. Sike aminu tapatuta inane umanae yumdekan ngang natapiu umana buyambam siwik,” ngang ninikut.

1 Pita 5:6

Unzingge ginu kuupbamda Anutu kekeknga siknga yuak kapae gepbiatang koyutnong. Koyuwawa masande tapduknga ita yawan yukut gwene Anututa gindane umanza yapangenawik.

Wamu Takeaknga Lukga Matakut Taknga 14:11

“Aminu tapatuta inane umana atangenawiu Anututa tasiwan apimapik. Sike aminu tapatuta inane umana dua tangenawiu Anututa enane siknga tangenawik,” ngang yanikut.

Lotutane Kap Taknga 113:7

Ita sangana wena amin gatayaman ita gatu dua tasingupeeke takekan yuaing. Ita sangae dapmakaing aminu waakwau katak gatayaman takekan pake yuaing.

Wamu Takeaknga Lukga Matakut Taknga 1:52

Ita buyambam tapa dakngake enane yuya aminda pimatningge tasike umana wenaapa yuya aminu tangenakut.

Wamu Takeaknga Lukga Matakut Taknga 18:14

“Unzingge nata siakande daninggat. Wai aminu waapata Anutue kainane amin nomanda yotna kukut. Siwan Ferisi aminu waapata tumuk wamu yakenga yotna umana wena dakngake kukut. Siwan mamin amindaka umana buyambam siwikge tasiwan Anututa tasiwan waapata apimapik. Siwan ngana mamin amindaka na umana wena. Ge take amunandang yuwit ngang natapiu Anututa tasingaman umana buyambam siwik,” ngang yanikut.

Lotutane Kap Taknga 27:6

Unzingge na iwanata na umupbasining ngana ayapbimbit. Siwan nata apbakngake kumzang yanggamatake sanga imukaing binga Anutue yotnane tasiwit. Tasike nata kap taike umana yatangenawit.

Lotutane Kap Taknga 30:1

Buyambam tapa, gata na gwa take iwana dua kapewi na tasiwa maiwa nanduke bakngaking. Unzingge nata gatane umanda kumzang yatangenawit.

Lotutane Kap Taknga 28:9

Anutu, gikane aminda meya akngana sandeyamuyo. Sandeyamuke waaminde sanga take aknga tasiyamuyo. Sike gata waamindane kuyana dakngake katak siknga kakuya asinggan asinggan kayuyo.