Jems 1:10 - Wantoat

¹⁰ Sike notninu Jesue amina tapatu sangaapana kaya apatane sanga Anututa kaiwan kungaman kakengu ita apbakngayok. Ginu atnataaing. Zongazonga tapunu take kaamangga zet sopukaing. Ina unzakan sangaapaninda zet sopuning. Siwan meya waakngata aminu waapae apuke kekekangaman ita apbakngawik.

Jems 1:10 Referans Kwoze

1 Pita 1:24

Siwan wamu takngatu Anututa yawan ayanikapsa aminu tapatuta natake anzing matakut, “Aminu kuupbamde natapa zongazonga binga singgak. Aminda ina tasibakngakaingge natapa zongazongatane tapuya binga singgak. Zongazongata akupiawan tapuyata apimapik.

1 Jon 2:17

Sike sanga wa aminda tasinangge ba tanangge natanggamatakaing kakngata pimanangge singgak. Siwan ngana aminu tapatuta Anutue banip tawake tasiwiu ita kayuu asinggan asinggan yuwik.

1 Timoti 6:17

Siwan gata aminu sangaapana kwaapzang pake yuaing aminu anzing yaniyo. Ginda yamandet sike gisane umanza yapangenatnangge ma tasiwam. Ngan. Ginda sangasa kwaapzangge apbakngake nin gatanimunanga unin ngangu ma natapam. Aho. Gindane sangasa zetgaman sopukengu ginu gatandamunanga dua. Wena. Ngana sanga kuupbamu ninda pake apbakngakamanggane yapii Anutu unin. Ginda iekan bakngake natayutnong.

Matyu 5:3

“Mamin amindaka Anutue kuna gataniman ngang baniaatang natake kukaingu Anututa aminu waakwakat gatake yutning. Dasingge? Anututa amin panangge tasinggak kakngae gepbiatang yuaing.

1 Korin 7:31

Ngan. Aminu sanga kepdakane nana akngae bakngake pakaingu wa aminda sanga waakngae asiknga bakngake kwaapzang panangge dua natapam. Ninu atnataamang. Sanga kepdakane nana asinggan kaamang kaknga wena sinanggenggak. Wena siwan inata kundu dakngawik.

Lotutane Kap Taknga 103:15

Sike ninu amindane kayuk yutnanga aknganinu dapaknga siknga zonga zongata yuaing binga. Ninu zonga zongatane palawa gwenduta binga dapaknga yuke akumnim.

Jems 4:14

Ginu sanga kwepna siwik kakngae dua nataaing. Sike ginu tapduu mateknga kundusim yuke akumning. Unzing minga dakatuta kepdakane epuke tapduu mateknga kundusim yuke wena singgak binga ginda wena sining.

Matyu 6:30

“Siwan zongazonga puyaangaatang apman akoke yuaingu kwepna zike katapatang saning. Sike zongazongata mani dua pasikaing ngana Anututa tasiwan kana take singgak. Siwan ngana Anututa gataniman dua dapnim ngang ginda dua natapa kekekawan

Filipai 3:8

Siakan. Nata Jesu Kraisde natake ita natane Buyambam tapana ngang natapa kekekanggak. Natapa kekekawan ita na gatangamuke sanga kuupbamu aminda tasike sanga waakngata nin gataniman Anutue nomune gitna yutnim ngang nataaing kaknga ita ayapbikut. Unzingge nata Krais waapa tanangge natake nata sanga wa tupa ie apbakngakum takngae apbitateke natapa sanga moo siknga mutewa kunanga aknga binga singgak.

Lotutane Kap Taknga 102:11

Na kayuu dapaknga siknga yuat. Unzing gunzitda bangee pukunggak binga. Siwan na zongazonga akupiakaingga binga yuat.

Lotutane Kap Taknga 37:2

Dasingge? Tapduu matekngasim yukengu wai aminu zongazongata kupiakaing binga sining, ba katau dakatutane tatakngita kupiakaing binga kungwake pimaning.

Lotutane Kap Taknga 39:6

Aminu kuupbam gunzit siwan katapdane wee kepdakane kaamang binga. Sike waaminu puyambam pasike sanga kwaapzang pakaing. Siwan ngana puyambamu pasikaingu buyana wena singgak. Sike aminbamda sangabam pandakngake unekan peaing. Siwan ngana akupanu sanga wa maminda papik?