Hibru 8:9 - Wantoat

⁹ Wamu kayuu nata yawiu wa wamu tupa nata gindane bamsae yamukum taknga binga dua yawit. Aho. Tupa nata wa amin yanipakuwa wa aminda Isip kep kom teke kuking. Kuke keu komdune yuwawa nata gatayamunangge yawa kekekawan ninane wama yamukum. Yama pake ngana wa aminda natane wama dua tawake tasiking. Dua tawake tasiwa kake nata wa aminde masa yamukum,’ ngangu Buyambam tapata unzing yakut.

Hibru 8:9 Referans Kwoze

Galasia 4:24

Siwan engangu wa tapaau pangaikumayakge tuwanguke yawa natapnim. Ninda maya wa tapaatde tuwanguke wamu takngaaya Anututa yawan kekekakut takngaatde natapnim. Maya tapatu umana Hega ngang iniking kapa wa maya puya amin tapa. Sike itane waakngata puya toikngae gepbiatang yuking kakngae natake ninda anzing natapnim. Anututa inane mama wamna tawanu Sainai dakane epuke Mosesde imuke yawan kekekawan itane aminabamda wamu waakngae gepbiatang yuking.

Wamu Takeaknga Makga Matakut Taknga 8:23

Iniwa natake Jesuta kai akusiya waapatane katakngine take yotde kwaim saak takukut. Takuke aapna kaine suke katakngita wasike anzing inikwaikut, “Gata sanga akayak ba dasing,” ngang inikwaiwan

Aposel 13:11

Ge natapso. Apmanu Buyambam tapaninda gutnanggenggak. Guwan kaikata zikaawan kepi kunanga dua. Siwan komdusim yusika gatu take siwik,” ngang Polda unzing iniwan zetgaman kai kuut gweaat zikaakumayak. Kaina zikaawat apmaatde binga amin papan kaitake tukuningge wasiyawanggut.

Aposel 9:8

Unzing yuwawa Solda apimakuuneta enake kaina zike kawan ngana kaina zikaa siwat iat gatake sukuking aminda kataknganeta ipmatake Damaskas katang take kopbing.

Lotutane Kap Taknga 105:43

Ngan, aminabamu ita yanipake kukut. Kuke apbakngake taitake kuking. Sike waaminu inae gwa yawan yukingge asainggamatake apbakngayuuk kepi kuking.

Lotutane Kap Taknga 78:57

Sike waakwakga yamandet siyuuk ie wamu sandeking. Unzing bapunata tupa tasiking taknga binga tasiking. Waakwau unzing kweem dakata gutonga siwan sakut daka song mumsa binga.

Lotutane Kap Taknga 77:20

Siwan ga tupan kayuke kuwawi gatane amindabamda masan gawaking. Gata puya waaknga Moses kat gatu Aron katde yamukuyak, siwan waapaatda kakuya pasikumayak.

Aposel 7:36

Initewan kuke waapata duya takngatu takngatu Isip kep komune pasike yangga gwenu umana Gamana gwen ngang inikaing. Wagwenu kwaipatang pasike Isip kep kom teke i tupan kuwawan Isrel nana aminda masene tawaking. Tawake kupapatang nakanu buyambam siknga 40 ngang yuwawa Mosesda undang duya takngatu takngatu pasiwan kaking.