Hibru 4:10 - Wantoat

¹⁰ Ngan. Aminu tapatuta Anututane damanu wa ayuwantakananga gwene kopiu waapata inane puyana tasiwan puyuwan ayuwantakawik. Unzing tupa Anututa inane puyana tasiwan puyuwan ayuwantakakut binga waapata ayuwantakawik.

Hibru 4:10 Referans Kwoze

Wamu Jonda Mia Kake Matakut San 14:13

Siwan epuke nataawa wamu takngatu enandangga epuke anzing yawan natapbum, “Gata wamu takngatu anzing matayo, ‘Buyambam tapaninde natapa kekekawan apman ba tapduk bamu masan ngangu akumningu aminu waakwau aminu takekan yuke apbakngananga aminu unin,’ ngang matayo.” Sike Waung Kapata anzing yanggak, “Ngan. Wa aminu Anututane puya kwatan bamu tasikaingu ateke wa aminda apbakngake ayuwa takawik. Dasingge? Wa aminda puya tasikaingu waaknga buyana asaakgak. Sike buya asaakgau waakngata wa amikat gatake keu ayuwa takawik komune kuning,” ngangu wamu waaknga yawan natapbum.

Hibru 10:12

Ngana Kraisda awia sipdukan sanga Anututa ninu kuupbamdane waiaknganin sandetnimikge asimukut. Asiman Anututa nindane waiaknganinu wa sandetnimukuu tapduk bamu asinggan yuwik. Unzingge Krais waapatane umana buyambam siwan ita koke Anututane kataknga siyaapa saak pukwike yuak.

Wamu Takeaknga Jonda Matakut Taknga 19:30

Tewa kopan Jesuta yangga waaknga bupbuyake tangokenga, “Gwan tasiwa puyukgak,” ngang yakut. Ita unzing yake akgwetawan weenata asakowan akumbut.

Hibru 1:3

Sike waaknga waapata nindane natdetdetnin papan kakaawan Anututane yapii anggaman siknga siwan nataamang. Siwan waaknga waapa Anutu siknga unin. Itane wamna kekekngana kaya. Siwan wamu ita yakut takngata sanga kuupbamu enandang nana gatu kepdakane nana kuut papan kekekakaing. Papan kekekawa ita ninu aminu kuupbamdane waiaknganinde toknga panimukut. Panimuke waiaknganin sandetnimunangae kepi tasinimuke ita enandang gatuna kopbut. Koke ita Anutu enane siknga yuak kapae kataknga siyaapa saak pukwikut. Pukwiwan itane umana enane siknga yuak.

Hibru 4:9

Unzingge ninu atnataamang. Ninu Anututane aminabamda apmea ayutnatakawik.

Wamu Jonda Mia Kake Matakut San 6:11

Yanggamatawa aminu tapatuta apuke tauu mamaya kwaknga sasanu wa aminde inandek inandek yamukut. Yaman pake tasiwa wa aminu anzing yanikut, “Masande iwanzata aminu gindane Jesue amin notza kundu gatu gindane puya amin notza kundu ngangu atzipa kumning. Unzing gisa dasipbing binga wa aminu atzipa kumning. Ngana notza kuupbamu dua zipa puyuwik. Aho. Tupa Anututa ina natake nata kapewa aminu zipmanggawa kuku namba anzing tapik ngang yawan kekekakut. Siwan notza zipmanggawa kuku namba ayakut dakane tapik. Siwan ginda tapduu mateknga kundusim yuwa takawan kuku tapduu namba wa yakut dakanekan tapik gwenda apik. Apan kake ita wa aminde toknga ayamik,” ngang yanikut.