Hibru 3:7 - Wantoat

⁷ Siwan wamu takngatu aminu tapatutane musia Anututane Waung Kapata tangenawan natake Anututane wapatang matakut takngae natake nata ginu daniwa natapnong: “Apmanu gunziu anggwene ginu natane wama natakengu

Hibru 3:7 Referans Kwoze

Hibru 3:15

Siakan. Wamu takngatu anzing yuak, “Apmanu ginda Anututane wam natakengu ginda yamandeu ma siwam. Tupa gindane bapusata Anutue masa imuking kaknga ginda ma tawake tasiwam.”

Wamu Jonda Mia Kake Matakut San 3:20

Siwan na gwabok gwaune yuke nata ga ganinangge yawandewan gwabok tangukgat. Sike aminu tapatuta natane guyaknga natake gwabok zikngamanu nata akopit. Akoke nata iat gatake yuke nanamu nasim.

Hibru 4:7

Siakan. Anututa tapduu aminu kunduta daman gwenu ayuwatakaningge kopning komde natapan gunziu gwendukan binga dakngawan ita apmanu akopning ngang yawan yukut. Ngan. Masande nakanu kwaapzang kuwan puyuwana aminu tapatu umana Devit ngang iniking. Itane musia Anututa tangenawan Deviu waapata wamu nata wa yanggat taknga Anututane wapatang anzing matakut, “Apmanu gunziu anggwene Anututane wamna natakengu ginda yamandeu ma siwam,” ngang matakut.

Wamu Takeaknga Jonda Matakut Taknga 10:27

Natane sipsipma ninae wamu atnataaing. Siwan nata ie atnataat. Siwan aminu waakwau na nawaba

Lotutane Kap Taknga 81:13

Sike ninane aminabamu natane wam natapningge take siknga nataat. Siwan nata Isrel nana aminda na baniu asinggan tawaningge nataat.

Hibru 3:13

Siwan apmanu tapduu ayuamang komune ginda tapdukbamu asinggan wamu take notzae yanike wa amindane musia pangenatnong. Pangenawa waiakngata ginu kem panziwan aminu gikat nana tapatuta yamandeu dua sike waiakngaatangu dua pimapikge tasinong.

Matyu 17:5

ngang yayuwawan undang yuking aminu minga kwaknga dakatuta apu wamakusikut. Wamakusike yuwawan minga wandakaatangga wamu takngatu Anututa anzing yawan natapbing, “Waapa natane waaknga. Waapae na musipmaatang apbaknganggat. Na i kawa take siknga singgak. Siwan ginda itane gen gwaamutnong,” ngang yawan natapbing.

Lotutane Kap Taknga 81:11

Siwan ngana natane aminabamu natane wamu natapnangge apbitaking. Siakande siknga, Isrel nanata natane wamu tawanangge dua tasiking.

Wamu Takeaknga Jonda Matakut Taknga 10:3

Sipsipde gwabok gwaune kayuak kapata sipsipde toikngata apan kake gwabou atzikngamik. Atzikngaman koke sipsipnatane umana yawawan sipsipnata ie wamna atnataaing. Ita sipsipnatane umana yake yayawamban apu masene tawake epu kepman kukaing.

Wamu Takeaknga Jonda Matakut Taknga 5:25

Siakande siknga nata daninggat. Tapduu gwendune aminu zikaa akngaatang yuaingu na Anututane waakngae wam natapning. Siwan aminu wamu wa atnatapning aminda kayuk yutning kaknga apaning. Ngan. Tapduk wa paning gwenu gwa dapakanggak.

Wamu Takeaknga Jonda Matakut Taknga 10:16

apme aminu kundu kaipakapa damanaatang kopa toiba nae gen gwaamutning. Gwaamusika donga takngaaya dua dakngake toiknga tapaae gena dua gwaamutning. Natane aminda donga takngatukan yuke toiknga tapatue wamban gwaamutning.

Hibru 9:8

Siwan sanga wa tasikingge Anututane Waungata ninu anzing yeutniman kake nataamang. Tapduknga yot takwanu wa tupan gwene koke puya tasike yuking komune ninda yot takwan siknga Anututa yuak gwene kopnimde kepi wena sikut.

Matyu 22:43

anzing yanikut, “Ayok. Dasingge Waung Takwan Tapata Devitdane musia tangenawan Devitda, ‘Buyambam tapana,’ ngang inike anzing yakut,

Aposel 28:25

Sapduwa yanganuke tasitake kuking. Siwan dua kunangge tasike ngana kuwawa Polda wamu takngatuat anzing yanikut, “Anututane Waung Kapata wamu siakan siknga ngang iniwan natake wamu yakapsa aminu Aisaiata genaneta baminu anzing yanikut,

Wamu Takeaknga Makga Matakut Taknga 12:36

Anututane Waung Takwan Tapata Devitdane musia tangenawan Devitda anzing yakut, ‘Anutu Buyambam tapata buyambam tapana anzing inikut. Gata umanda kayaapa dakngake yuayakge natane kataknga siyaapane pukwike yuwawi nata iwanda panggaganuke pewa gae gepbiatang koyutning,’ ngang iniwan natapbum,” ngang yakut.

Aposel 1:16

Yuwawa sipdune Pitata banakan katang enake anzing yanikut, “Mate notna! Aminu tapatu umana Judas ngang inikumang kapatane umana Jesuta yawan waapaat nikat Jesuat gatake yuke puya pasikumang. Pasisika ngana waapata kepi yeuyaman apu Jesu kaautde takuking. Siwan tupa siknga Waung Takwanda Devitde musia tangenawan ita Anutue wamu takngatu buk gopatang matakut. Siwan wamu wa matakut takngata buyana gwa aakut.

Aposel 8:29

Kendetake pukuwawan Waung Takwanda Filipde anzing inikut, “Kuke ikwawa gamanda wa kaikgak wangane inengan yuyo,” ngang iniwan

Hibru 10:15

Siwan Anututane Waungata wamu waaknga tapan kekekawikge ita anzing ninikut,