Hibru 1:6 - Wantoat

⁶ Ngan. Tapduknga Anututane waaknga siknga tupa ayukut tapa sangabamdane yapii Anututa initewan kepdakane epikge natake ita inane angelana anzing yanikut, “Ginu kuupbamda waapae gepbiatang koke asiknga inimbaknganong,” ngang yanikut.

Hibru 1:6 Referans Kwoze

Kolosi 1:18

Sike ita ninu inane aminabamdane tupan tapanin. Ita akumbut katangga gatuna enake akupsa aminu matmat katangga gatuna enatninggane tupan tapa dakngake yuak. Ngan. Aminu kuupbamdane tupan tapa dakngawikge ita gatuna enakut.

Lotutane Kap Taknga 97:7

Siwan aminu anutu pupukngae munu puke inike umana yapangenakaingu waaminu asiknga maakaning. Anutu pupuknga wa kuupbamda Anutue gwetake munu putning.

Kolosi 1:15

Siwan ninda kaininda Anutu kananga dua ngana Kraisdane nomna kaininda gwa kakumang. Kake ie natapna ita Anutu binga daknganggak. Sike tapduknga Anututa sangabamu dua tasike tekut gwene Krais waapata ayukut. Yuke ita Anututane sanga kuupbam kayukut.

1 Pita 3:22

Siwan Jesu waapata gatuna enake enandang kopbut. Koke ita Anutuat gatake yuwat angela umana kaya siwan kekekngana kayata kawa ita umana buyambam siknga take Anututane kataknga siyaapane yuwan kake itane gepbiatang koke yuaing.

Wamu Takeaknga Jonda Matakut Taknga 1:14

Siwan umana Wam Taknga ngang inikut tapata amin dakngake nin banakan katang yuwawan take sikngaapa ngang kakumang. Ita Anututane waaknga buyakan tapata yukut. Ge take sikngaapa yuwikge Nanata yakut. Siwan musiane kwikwiknga wapat siakan wapat dopan yukut.

Pas Polda Rom Nana Aminde Matayamukut San 8:29

Dasingge? Anututa tupa siknga musip gwaangu ninde natake itane aminabam daknganimde ninu pakut. Ninu inane waaknga siknga apata nomana siknga yuak binga yutnimde natake ninu pakut. Pake itane waakngata aminu buyambamdane paana tupan tapa dakngake yuwikge Anututa ninu pakut.

1 Jon 4:9

Sike ita ninde butaya siknga natanimunggak kaknga yeutnimunangge natapbut. Yeutnimunangge natake ita waaknga awia tapatukan ngana dua kotnakut. Dua kotnake initewan waaknga waapata kepdakane epbut. Epuke ita sanga ninde tasinimik kakngata gataniman kayuk yutnanga aknga take ninda kayuk asinggan yutnimde natake initewan apbut.

Wamu Takeaknga Jonda Matakut Taknga 1:18

Siwan aminu keunenana tapatuta Anutu kainata dua kakut. Tapduu ayuamang kopatang kaya unzakan dua kaamang. Itane waaknga buyakan tapa Nanaat gatake yuamayakga Anutue yakapan natapbumang.

Hibru 10:5

Unzingge tapduknga Kraisda kepdakane epbut gwene ita Anutue anzing inikut, “Gata gae kaap sangamuningge take siknga dua nataayak. Ngana nata kep aminde gup tapitde take siknga natake gata aminde guu wa tandakngatekuyak.

Wamu Takeaknga Jonda Matakut Taknga 3:16

“Ngan. Anutue waaknga awiapatakan yuak. Ngana Anututa aminbamu kepdakane nana aminde butaya siknga natayamukut. Butaya siknga natayamuke waaknga awia waapa dua kotnakut. Dua kotnake keune nana aminda wena siningge dua natapbut. Aho. Aminu itane waaknga awia waapae natapa kekekawiu wa aminda wena dua sike kayuk yutnanga aknga pake asinggan asinggan yutningge take natake dua kotnakut.

Hibru 1:5

Siwan tupa Anututa inane angelana tapatue natake, “Apmanu ga nata tapa aminbamdane kaine gata natake waaknga binga dakngaya,” ngangu dua inikut. Gatu angela tapatue Anututa natake, “Nata itane nana binga dakngake yuwit. Siwan ita natane waaknga binga dakngake yuwik,” ngangu dua yakut. Wena siknga. Ngana wamu waaknga ita inane waaknga asinikut.

Matyu 24:14

Siwan wamu Anututa amin panangge tasinggak kakngae wamu take aaknga keu kuupbam yakapa aminu kuupbamda maakngita natapana tapduknga asandewik,” ngang ninikut.