Hibru 1:11 - Wantoat

¹¹ Siwan masana sanga gata wa tasike tekuyau kuupbamda wena siwa ngana ga awiapatakan asinggan yuwiyak. Ngan. Sanga wa kuupbamda tauu bumi binga daknganing.

Hibru 1:11 Referans Kwoze

Wamu Takeaknga Makga Matakut Taknga 13:31

Sanga kuupbam ena kakaa banakan komune yuaikat gatu kepdakane nana kuut wena asinanga ngana natane wama wena dua siwik,” ngang yakut.

Wamu Jonda Mia Kake Matakut San 21:1

Sike nata mia kawawa sanga kayukga ena kakaa banakan komune tupa nanatane tangine aawa kakum. Sike keu kayuk gakata tupa nanatane tangine aawan kakum. Ngan. Sanga tupa ena kakaa banakan komune yuking gatu keu tupa yukut daka ngangga wena gwa sikinga kakum. Sike yanggabam gwen kaya kuut wena sikutna kakum.

Wamu Takeaknga Lukga Matakut Taknga 21:33

Sanga kuupbam ena kakaa banakan komune yuaikat gatu kepdakane nana kuut wena sinanga ngana natane wamu wena dua siwik,” ngang yanikut.

Matyu 24:35

Sanga kuupbam ena kakaa banakan komune yuaikat gatu kepdakane nana kuut wena asinanga ngana natane wama wena dua siwik,” ngang ninikut.

Hibru 12:27

Siwan wamu “sipduat gatuna pamakaiwit” ngang yakut takngae natake ninu anzing natapnim. Anututa sanga kundu pasiwan wena sining. Ngan. Sanga tupa tuwanguke tasikuu kuupbamda wena sining. Wena siwa ngana sanga kundu kekeknga siknga yuaingu wa pamakaitnanga dua. Aho. Kekeknga asinggan yutning ngang natapnim.

Lotutane Kap Taknga 90:2

Siwan Anutu, ga asinggan asinggan yuayak. Tupa yukuyak ngang masan kaa ayuya. Sike tapduu tawanu kuupbam wena siwan gata sangabamu kepdakane nana dua yawi yuking komune ga ayukuyak.

Lotutane Kap Taknga 10:16

Buyambamtapa Kingu asinggan asinggan yuwik. Yuke ita katum aminu inane kep komune yuke ie masa imukaingu yanikwasiwan kuke gatukande wena sining.

Wamu Jonda Mia Kake Matakut San 20:11

Siwan nata kawawa sia dakatu tupan siknga apaapata pukwike kayuaing binga kwaknga daka kakum. Sike buyambam tapata sia wandakane pukwike kayuwawan kakum. Siwan kepat gatu ena kakaa banakan kopatda aminu buyambamu waapae nomune gitna yutnanga dua. Aho. Waapa ateke kuke kusika akusopuwa kakum.

Wamu Jonda Mia Kake Matakut San 2:8

“Siwan gata wamu kundu Anututane amina Smena yot gapmane yuainggane tupan tapae anzing matangamuyo,” ngang nanikut. “Na aminu sangabamde yapii gatu aminu kuupbam kayuat tapata yanggat. Tupa nata akumbum ngana nata gatuna gweake kayuk yuat. Nata gae natake wamu kundu ganiwa natapso.

Wamu Jonda Mia Kake Matakut San 1:11

Yanggamatake anzing nanikut, “Sanga kuupbam gata kawiyau wa gata buu gomdune matayo. Matake tewi Anututane amina yotna yotna katau kuut musa kautdu gapmaatane umana Efesa gatu Smena gatu Pegaman gatu Taiataira gatu Sadis gatu Filandelfia gatu Leodisia ngang yanikaing gapma gapmane yuaing aminde tewi kuyok,” ngang nanikut.

Lotutane Kap Taknga 29:10

Buyambam tapata King kapa yuke yanggabam gwenu kuupbam kuyana kayuak. Ita King kapa asinggan asinggan yuwawik.

Lotutane Kap Taknga 102:26

Ena kakaa kopat kepat wena siknga asisan. Siwan ngana ga asinggan asinggan yuya. Sanga waapaau taukga bumi sikaing binga sisan. Siwan gata sanga waapaau kake aminda tauknga bumi siwa peke kayuk pasikaing binga gata sanga waapaau pasiwi gatukande sopuke gatu dua yutzan.

Hibru 8:13

Siwan wamu kayuu Anututa wa yakuu ita wamu tupa yawan kekekakut taknga sandeke yakut. Yake ita wamu tupa nana waaknga tanguwan kumbut. Unzing sanga bumi gwa siwan kakengu ninda apmupena kukaing binga ita wamu tupa nana waaknga gwa sandekut.