Filipai 4:1 - Wantoat

¹ Sike mate notnabam! Nata ginde musip gwaang natandamuke gin dandupnangge musipmaatangu toknga siknga nataat. Nata ginde asiknga bakngake yuat. Siwan wamu wa gin daninggat takngae natake ginda Buyambam tapaninde kekeknga yutnong. O mate! Na ginde butaya siknga natandamunggat.

Filipai 4:1 Referans Kwoze

Filipai 1:27

Siwan nata andang yuke ba ginde kundopit. Ginda wamu take Kraisdane aknga katak tawake kepi nomana akngane sukunong. Ginda musipza takngatukan natayuke akekekake ginu kuupbamda unekan gatake wamu takeaknga tapa kekekawan

1 Korin 16:13

Siwan ginu katak siknga tagwautnong. Tagwauke Anutue kekeknga yuke musipza gitnata yutnong.

Lotutane Kap Taknga 27:14

Siwan gata Buyambam tapae banip sike kekeknga yuyo. Yuke musipbaatang natapi kekekayok. Kekekawan Buyambam tapata gatanggamikge natayuyo.

1 Korin 15:58

Siwan mate notna. Wamu waakngae natake ginda Anutue kekeknga yutnong. Yuke iwanzata gin pasiwa mainingge enake tasiwanu ginda akekekake yutnong. Yuke ginda natake puya Buyambam tapaninde pasikamang kakngata buya asaawik ngang natapa kekekawan ginda itane puya akngana kekeknga asinggan pasingamunong.

Filipai 1:8

Siwan nata ginde natayuke Jesu Kraisda ginde banip sike ita natane musipma tangenawan nata gin dandupnangge take siknga nataat takngae Anututa atnataak.

Hibru 10:23

Sike ninda wamu Anututa ninde nimukut takngata buya asaawikge apbakngake natayuamang. Natayuke wamu ita apmea nin gatanimunanga aknga atasiwik ngang yanikapmakamang. Sike wamu ninda yanikapmakamangu waaknga ninda gitna siknga take yutnim.

Pas Polda Rom Nana Aminde Matayamukut San 2:7

Siwan aminu kunduta sanga takeaknga tawake tasikaing. Tawake tasike semna dua natake wa aminda sanga Anututa apbakngake umana asiknga yapangenake kayuu asinggan yutnanga aknga yamikge natanggamatake tasikaing. Tasiwawa Anututa sanga wa aminda iat gatake kayuk asinggan asinggan yutning kaknga ayamik.

Wamu Takeaknga Jonda Matakut Taknga 8:31

Siwan Judia nana aminu kundu ie natapa kekekakuu wa aminu Jesuta anzing yanikut, “Wamu atdaninggat takngae gepbiatang yukengu ginu natane pandetna dakngawa siakan siwik.

2 Timoti 2:1

Siwan ga. Nata ga ganindamuba Jesue natapi kekeknga sikutde natake nata gae natapa natane waaknga singgakge ganinggat. Jesu Kraisda gae musip kwikwik natanggamuke kekekanggaman yuyo.

Filipai 2:26

Sike ita ginu gatuna dandupnangge musiaatangu toknga siknga nataak. Ngan. Ita mait sike yuwawan aminu tapatuta ie natake gin daniwan natapbingge meya natake ita gin dandupnangge natayuak.

Aposel 11:23

Kusika kundoke Anututa musip gwaangge gatayamuke tasiyaman kake apbakngakut. Bakngake musia tapa kekekawan Buyambam tapa wesim asinggan yutawaningge yanikut.

Aposel 2:42

Siwana yangga sauyamuba aposel amindane wam natake asinggan asinggan natdeke gwaamuking. Gwaamuke yusika bania buya takngatukan natake yuking. Yuke nanamu unekan pakapuke aminu tapatutane yotnane pakoke nakaking. Sike sipdune tapatutane yotnane koke nakaking. Ina unzakan tasiyuk nanamu napa puyuwana masande nanam takwan nake Anutue tumuk wamu asinggan asinggan iniking.

Lotutane Kap Taknga 125:1

Sike aminu Buyambam tapae banip sikaingu, waaminu tawanu Saion daka binga. Tawanu wandaka miyamunu dua siknga singgak. Kekeknga siknga yuak.

2 Pita 3:17

Siwan mate notnabam. Nata ginde musip gwaang natandamuke daninggat. Ginda kepi wai wa aminda tawake tasikaing kakngae tupa atnatapbing. Unzingge ginda gisae katak siknga tagwautnong. Ginda siakan wamde kekeknga yuaing ngana wai aminu waakwakga nin kaipakuwa wai waakngane pimanam ngang natake wa aminde akagwautnong.

Hibru 4:14

Siwan ngana Jesu Anututane waakngata nin gatanimuke ita enandang koke Anutue nomune yuke ita wamu ninda toknga waiaknganinde pananga aknga atanguwan kumbut. Unzingge ninda waapae natapna kekekawan itane umana yanikapmake tasikamang kaknga gitna siknga tanim.

Hibru 3:14

Ginu atnataaing. Tupa ninda Kraisde natapna kekekakut. Sike apmanu ninda natdetdeu waaknga gitna siknga take sukunanu Anututa ninde natake ninda sanga Kraisda nin gatanimunangge tasikut takngane sukukamang ngang natapik. Siwan ngana apmea ninda natdetdeu waaknga teke yusika kungwakengu ninda anzing natapnim. Tupa wamu ninda yake Kraisdane kepi akngane sukukamang ngang yakumang kakngata kem siwik.

2 Tesalonaika 2:15

Unzingge mate notna. Ginda kekekake Anututane wamu kuupbam ninda gentangan ba pas tangan ngang danidamukumangu ginda gitna pake yutnong.

Kolosi 4:12

Siwan gatu gindane notza tapatu umana Epafras ngang inikamang. Itaaya gaak wamu ginde daninggak. Sike ita puya Jesu Kraisdane aknga apasingamunggak. Pasingamuke asinggan ita gin gatandamunangge itane musiaatangu toknga siknga natake tumuk wamu Anutue ininggak. Inike Anututa gin papan kekekake gindane musipzaatangu Anutue baniu ginu kuupbamda natdeke itane kepi katak siknga tawake tasiningge natake ita tumuk wam ininggak.

Galasia 5:1

Ngan. Jesuta nin gatanimuke sanga Judia nana aminda inane miti kepi kwaapzangu kwatan siknga tawake tasikaing kakngane ita ninu sandekut. Unzingge ginda akekekake aminu dua kapewa ginu gatu danipakopa sanga waakngae gepbiatangu ma kopam.

Aposel 14:22

Kuku Jesuat nana dakngaking aminu une nana yaninggamatake musia papat kekekawan anzing yanikumayak, “Ginda Jesue natapa siakan sikut taknga kekeknga take yutnong. Anutue gepbiatang kopnanggekamang ngana tupanu dua koyuk kepi meyana kaya tapane gamok kunim,” ngang yanikumayak.

1 Tesalonaika 3:13

Sike Anututa unzing tasike gindane musipza tapan kekekawan masande Buyambam tapaninu Jesuat gatu inane amin takwakat gatuna kepdakane epning gwene ginda noman yuke gutongasa takngatu Anutu Naninde kaine wenata yutning.

Matyu 10:22

Sike ginda natane umana aknganae gepbiatang yuwawa danduke ginde musia zikaa siknga natandamuning. Natandamuke tasinggawa gikatnana mamin amin tapata kekekake yuwawan tanguwa kupiu kayuk yutnanga aknga pake asinggan yuwik.