Filipai 3:1 - Wantoat

¹ Siwan mate notnabam! Wamu takngatuat ayuakge wa nata daniwit. Ginda Buyambam tapaninde natake apbaknganong! Siwan wamu tupa nata danikum taknga gatuna daninangge musipmaatangu meya dua nataat. Aho. Nata gin gatandamunangge natake wamu waaknga gin daniwa natake ginda dua pimaning.

Filipai 3:1 Referans Kwoze

Filipai 4:4

Sike ginu Buyambam tapaninde natake apbaknganong. Ngan. Nata gatuna daniwit. Ginu ie natanggamatake apbaknganong.

Pas Polda Rom Nana Aminde Matayamukut San 5:11

Ita akgataniman Anututa ninde musip kwikwik natanimunggak. Unzingge ninda Anutue asiknga inimbakngakamang.

Jems 1:2

Siwan mate notnabam. Meya takngatu takngatuta ginde apa kakengu ginda apbaknganong.

1 Pita 4:13

Aho. Ginda natake Kraisda meya buyambam pakutde ninu kuut ina unzakan pakamang ngang natake apbaknganong. Apbakngake tapduknga Jesuta gatuna apan ita aminu umana buyambam siknga kayaapa ngang anggaman siwik gwene ginda asiknga baknganing.

1 Tesalonaika 5:16

Siwan ginda asinggan baknganong.

Filipai 4:8

Siwan mate notnabam! Nata wamu takngatuat daninangge nataat. Ginu sanga siakan takngaekan natanggamatanong. Ngan. Sanga nomana aknga ba sanga take aknga ba sanga dudumna aknga ba sanga musip gwaang ie natapnanga aknga ngangge natanggamatanong. Sanga ie apbakngananga aknga ba itane umana yatangenatnanga aknga ba sanga kuupbam take siknga aknga wa ginda ie siknga asinggan natanggamatake yutnong.

1 Pita 3:8

Siwan wamu takngatuat nata gin daninangge nataat. Ginu kuupbamda musipza takngatukan natake yutnong. Yuke ginu notzae butaya natayamunong. Natayamuke musip gwaangu notzae natayamunong. Ngan. Ginu notzae musipzaatang takekan natapnong. Natake yamandeu ma siwam.

2 Korin 13:11

Siwan mate notnabam. Wamu takngatusipat ayuak. Ginda apbakngake yutnong. Yuke kepi nomana siknga akngane sukunong. Sukuke natane wamu katak siknga natapnong. Natake ginu kuupbamda musipza takngatukan natake yutnong. Yuke ginu musipza kwikwikngata yutnong. Yuwawa Anutu musip gwaang gatu musip kwikwikgane yapii. Ita gikat gatake yutning.

2 Pita 3:1

Sike mate notnabam. Nata musip gwaangu ginde natandamuke pas asan matandama saaya daknganggak. Sike nata gindane natdetdetza nomana aknga papa kekekawa ginda natdetdeu nomana siknga pake yutningge natake nata pas sandu tupa ginde matandamukum. Sike apmanu nata gatuna natdetdetza papa nomataningge natake nata pas asanu ginde matandamunggat.

Efesas 6:10

Siwan nata wamu takngatuat ginde daniwa natapnong. Ginda kekeknga Buyambam tapanindane aknga take ie kekeknga siknga yutnong.

Wamu Takeaknga Lukga Matakut Taknga 1:47

Anutu na gatangamunggak kapae banip gwaang nataat.

Lotutane Kap Taknga 37:4

Gata Buyambam tapaekan bakngayo. Bakngawi sanga gata nataau ita asiknga gamik.

Lotutane Kap Taknga 32:11

Ginu aminu noman yuaing amin, ginda Buyambam tapae musip gwaang natangamuke sanga kuupbamu noman ita tasinggak kakngae inimbaknganong. Ginu aminu kuupbam Anutue kaine noman gan natake yuaingga, apbakngake umana yatangenatnong.

Filipai 3:3

Ginu atnataaing. Anututane Waung Kapata nindane musipmin pangenawan ninda Anutu inimbakngake Jesu Kraisdane umana yatangenakamang. Yatangenake sanga wa Anututa wam yawan kekekakut takngae natapna siakan siwan ninu inane amina siknga dakngake yuamang. Siwan ngana aminu kunduta inane sanga akngae natake inane umana yapangenake Anututa nindane sanga waakngae natake ninde take natapik ngang yakaing. Sike ninda wa amindane sanga akngae natapna sanga moo binga singgak.

Matyu 5:12

Tupa siknga Anututane wam yanikapsa aminde toknga unzakan yamukaking. Toknga unzing damuwawa ngana banipzaatang apbakngake yutnong. Dasingge? Anututa takeaknga enandangu ginde atdamik,” ngang yanikut.

Lotutane Kap Taknga 149:2

Ginu Isrel nana amin, ginu musip gwaangu Anututa gin pasikutde natangamunong. Ginu Saion nana amin, ginda king kapasae apbaknganong.

Lotutane Kap Taknga 97:1

Buyambamtapa kingu tupan tapa. Kepdaka ga asiknga bakngayo. Sike ginu keu yangga banakan yuaing dakandakasimu musip gwaang natapnong.

Lotutane Kap Taknga 42:4

Na tapduu tupa take yukum komde nataat. Natapa musipmaatang meya singgak. Tupa na aminbampat unekan sukukumang. Siwan na tupan kuke yanipake Anutue yot gwene pake kukum. Ninu unzing kuyuuk ataibakngake kap taiyuuk Anutue gaak inikumang. Inike ninu unekan yuke tapdukngane munu puke inimbakngakumang.

Lotutane Kap Taknga 5:11

Siwan ngana aminu kuupbamu gae gepbiatang koke yuaing aminu take nataaingu waaminda apbakngake kap gwaang taike yutning. Gata take siknga kakuya tasinggayakge aminu kuupbamda gae asiknga bakngake gatane umanda yatangenakaing.

1 Tesalonaika 4:1

Siwan mate notnabam! Buyambam tapaninu Jesuta nin pakutde ninda ginde kekeknga wamu takngatuat danina natapnong. Tupa ninda danidamuke ginda kepi anzing tawake tasiwawa Anututa dandupan take siwik ngang danidamukumang kakngakan ginda tawake atasikaing. Siwan kepi wa tawake tasining kakngata buyambam siknga siyok.

Lotutane Kap Taknga 33:1

Ginu aminu noman taknga tawake tasikaingu ginda sangabamu Buyambam tapata tasinggakge apbaknganong. Siwan ginu Anututane wamna natake tawakaing aminu ginda Anututane umana yatangenatnong. Sanga waaknga aminu nomana aknga tawakaingga tasikaing.