Efesas 5:3 - Wantoat

³ Siwan ginda Anututane aminabamu gwa dakngake yuaing. Unzingge ginda sanga yasewa aknga ma tasiwam. Ngan. Sanga wai kuupbam amindane sangaapanae geenguke ba sanga inata inata wa binga ma tasiwam. Asikaya ginda Anututane aminabamu dua dakngaking ba dasing? Aho. Ginda gwa dakngake yuaing.

Efesas 5:3 Referans Kwoze

Kolosi 3:5

Unzingge ginda sanga wai kepdakane nana gindane musipzaatang natake tasikaingu kuupbam tanguwa kupsok. Ngan. Sanga yasewa tasiya aknga gatu sanga wai maakngana kaya kuupbam ginda apbitapenong. Gatu aminu kundutane sangaapanae geengukaing kaknga kuut apbitatenong. Dasingge? Aminu tapatuta amindane sangaapanae geenguwiu waapata sanga kepdakane nana akngae natanggamatake Anutue masa asimik. Asimuke ita aminu anutu pupukngae natanggamatakainggane dongaat nana tapatu binga dakngawik.

Efesas 5:5

Ginu atnataaing. Aminu tapatuta sanga yasewa aknga tasike ba wai takngatu tasiwiu waapata Kraisdane daman gwene dua yuak kapanin. Gatu aminu tapatuta amindane sangaapanae geenguwiu waapata Anutue masa imuke sanga kepdakane nana akngae gepbiatang koyuak kapanin. Aminu waapata aminu anutu pupukngae natanggamatakaing amindane dongaat nana tapatu binga dakngawik. Unzingge ninda aminu waapae natake ita Anututane daman gwene dua koke yuak ngang anggaman natapnim.

1 Tesalonaika 4:3

Wamu waaknga danike Anutue banip takngae natake anzing danidamukumang. Ginda Anutuekan natanggamatake aminu noman siknga amin daknganong. Dakngake sanga yasewa tasikaing kaknga gatukande bitake tenong.

1 Korin 6:18

Unzingge ginda sanga yasewa aknga tasikaingge akagwautnong. Ninu atnataamang. Waiaknga aminda pasikaingu kuupbamu buya aawan aminu wai wa pasikainggane gupna dua pasiwan maining. Ngana aminda yasewa aknga tasiwiu waapata inane gupna tasiwan maiwik.

1 Tesalonaika 4:7

Siwan Anututa nin papan ninda aminabam dakngake sanga noman gan tawake tasinimde pakut. Ninda sanga wai waaknga tawake tasinimde dua. Wena siknga. Unzingge ginda sanga takeakngakan tawake tasinong.

1 Korin 6:13

Siwan aminu tapatuta musia enayaaknga tawanangge natapiu waapata anzing ba yawik, “Nanamu aminde napayutnae sanga. Siwan amindane napayutna nanamde sanga,” ngang ba yawik. Yawanu siakan siwik ngana Anututa sanga wa kuut pasiwan wena sisan. Unzingge ninu anzing yanim, “Nindane gupminu yasewa akngae sanga dua. Aho. Ninu Anutue sanga. Siwan ita nin toiban kepi nomana aknga tawake tasinim.”

Efesas 5:12

Nata wamu sanga waiaknga wa aminda kusopuke tasikaing kakngae yanangge apmaakanggat.

Matyu 15:19

Sanga musiaatang natdetdet gutonga takngatu takngatu natake amin zipmakaing ba yasewa pasikaing ba kukae pakaing ba wam yaningge kuku kem wam yakaing ba sapdut wam yakaing.

Wamu Jonda Mia Kake Matakut San 2:21

Siwan maya waapata musia tapan tekwamban waiakngana bitatewikge natake nata tapduu kundusimu kakgan sike yukum. Yuwawa ngana waapata puya gutonga wa pasinggakge dua bitanggak.

1 Korin 10:8

Siwan sanga wai waaknga tasiwawa kake Anututa aminu kundu yaniwan apu wa aminu kuupbam gunziu gwendunekan zipa 23,000-da kumbing. Sike ninu sanga wai waaknga dua tasinim.

Wamu Jonda Mia Kake Matakut San 22:15

Sike ngana aminu sanga wai takngatu takngatu tasikaing aminda you anggapmane akopnanga dua. Ngan. Aminu gaam ba gom ba pitatapa pasikaing amikat gatu aminu yasewa tasikaing amikat gatu aminda amin zipa kumbing amikat gatu aminu anutu pupukngae tumuk wam yanikaing amikat gatu aminu sanga kem takngae banip sike kem panzike tasikaing amikat ngangga Anututane yotbam gapmae kepman gan yutning.

Wamu Jonda Mia Kake Matakut San 21:8

Siwan ngana aminu iwanae akgwauke masa nae namuke waiakngaatang pimakingga gapma buyambamu katau toknga suu aakatapda binga isikonggak dakaatang pukuke yutning. Ngan. Wa amikat gatu aminu amin zipa kumbing gatu yasewa aknga tasiking amin gatu aminu gaam ba gom ba pitatapa ngang pasiking amin gatu aminu anutu pupukngae tumuk wam yanikaing gatu aminu kem wam yakingu kuupbamda gapma wandakane pukuke yutning. Sike aminu waakwau tupa gwa kumbing ngana gapma wandakane pukukingu wa gatu kupa sipmaya dakngawik.”

Wamu Jonda Mia Kake Matakut San 2:14

“Ngana apmanu na gae wamu kundu kaya. Aminu gaat gatake yuaing amikat nana kunduta wamu tupa siknga aminu tapatu umana Belam ngang iniking kapata tangenakut taknga gitna takaing. Siwan Belamu waapata aminu tupan tapa umana Belek ngang iniking kapa inindamukut. Inindamuban Beleu waapata enake Isrel nana amindane musia pangenawan wa aminda Anututane wam sandeking. Sandeke kaau aminu kunduta anutu pupukngae sakingunin naking. Siwan gatu sanga yasewa aknga tasiking.

1 Korin 5:1

Wamu takngatu aminbamda natake naniking kakngae natake daninggat. Aminu gikat nana tapatuta yasewa aknga inata kundu tasike yuakge yakaing. Aminu waapata maya tapatu nanatane maatna ngana ita maatnae take yuak. Sike sanga wa bingata Jesue aminabamde banakanu tupa dua apbut. Siwan gatu aminu Anutue dua nataaing amikat nana tapatuta sanga wai wa binga dua siknga tasikut. Wena siknga.

Wamu Jonda Mia Kake Matakut San 9:21

Siwan aminu waakwakga aminu kundu atzipa kupa gatu gaam ba gom ba pitatapa ngang pasike gatu yasewa aknga tasike gatu amindane sangaapana kukae pake ngang pasiking. Ngana musia dua tapa tekwamban sanga wa tasiking kakngae masa dua imuking.

2 Pita 2:3

Siwan kem wamu gin danindamutning aminu waakwakga puya tasike mani buyambam panangge natapning. Natake kem wamu kwaapzang danindamuke gindane sangaapasa kaiwa kundamuningge tasining. Wa aminde Anututa tupa siknga toknga aknga yamunangge gwa yawan yukut. Ngan. Ita wa yawan yukutde natake dapuna dua pekgak. Aho. Ita kayuke wa aminde toknga yamunangge kayuak.

Hibru 12:16

Siwan aminu gikat nana tapatuta sanga yasewa aknga ma tasiwan. Ba sanga Anututane akngae natapan sanga moo siwan ita sanga tupa siknga Isota tasikut taknga tawake ma tasiwan. Ginu atnataaing. Tupa Anututa wamu Isotane nana gatangamikge yawan kekekakut. Siwan wamu waakngata buya aawana masande Iso waapata nanatane kwatangi pakengu ita Anututane wamu waakngaaya kuut papikge yakut. Ngana nanamu sipdukan panangge natake sanga wa masana papiu kuupbamde masa imuke yakut.

2 Korin 12:21

Sike nata ginde gatuna apuke ginda waiakngasa tupa tasiking kakngae masa dua imuke musipza dua tapa tekwamban sanga musia enayaaknga tawake ginda sanga yasewa aknga tupa tasikaking kakngane sukuning. Sukuwa dandukengu nata gin banakan yuke Anutue apmaakawit. Sike ginde musipma meya siknga natake nata kwanamu asiwit. Nata ie natagwaanguke ginde nangaakan natayuat.

Taitus 2:3

Siwan maya aminuake gwa siya aminu gata yanike kepina nomana ina unzakan sukuningge gata yanindamumso. Yanindamumbi sapdut wamu dua yawam. Yangga toknga akngae gepbiatangu dua yuwam. Aho. Wa aminda wamu noman gan yanindamuke maya kekeknga yuaing amin yanike musia panomanuwa musip gwaangu apnae gatu waaknga yapanae kuut natayamunong.

2 Timoti 3:2

Apuwawa aminda inaekan natanggamataning. Sike mani buyambam panangge take siknga natapning. Sike yamandet sisukuke inane umana yapangenake sapdut wamu asinggan yaning. Sike nana mingae wam sandetning. Sike aminu akgatayamuning aminde dua yanimbaknganing. Sike sanga takeaknga ayaitapaakusining.

Aposel 15:20

Aho. Teke pas sandu matake kaau anutu pupukngae upat yamukaingu dua naningge ba yasewa tasikaingge yandaknganim. Gatu kaau aminda guyakngane wapa kupik ba gatu dak ngangu dua sake naningge yandaknganim ngang yakut.

2 Pita 2:14

Sike wa aminda maya gikat nana kundue geenguke yasewa asinggan tasinangge natanggamatakaing. Gatu aminu kepi nomana akngane sukunangge kekeknga dua nataaingu wa aminda ayanindatdaukaing. Ngan. Kepi kem panzike amindane sangaapana kaiwan kuyamuning kakngae katak siknga natdeke tasikaing. Siwan wa aminu Anututa apasiwan maining.

2 Pita 2:10

Ngan. Wai aminde toknga akngata ayuyamunggak. Siwan aminu sanga wai musia enayaaknga tawake yasewa aknga tasike gatu aminu tupan tapaapatane wamde semna nataaing aminde natake Anututa toknga siknga yamunanga aknga teyaman wa aminde yuyamunggak. Siwan aminu wa kem wam taknga danindamukaing aminda yamandet sike inane sanga akngaekan natanggamatakaing. Natanggamatake aminu umana kaya apaapa yanisapdutnangge dua gwaukaing.

1 Pita 5:2

Ginu puya tasike aminu Anututa inae pake gindane kataune pekuu wa ginda katak siknga kayutnong. Notzata daniyapiba tasiwanu take dua siwik. Siwan dua daniyapiba ginu gisa banipda siwan puya waaknga tasinangge takekan natapnong. Take natake mani buyambam panangge natake ginda kemu ma panziwam. Wena. Gindane musipza puya waaknga tasiningge enawan tasinangge asiknga bakngake tasinong.

Taitus 1:11

Unzingge gata yanindakngawi unzingu ma yaniwam. Dasingge? Wa aminda mani amindane kaitnangge natake sanga ninda tawake tasinanga dua aknga yanindamukaing. Unzing yanindamuke dongu ina paandane aminu kwaapzang sikngatane natdetdetna pasiwa maikaing.

Taitus 1:7

Ga atnataayak. Anututane aminabam kayuak kapa wa Anututane puya kayuaunin. Unzingge ita kepina noman gan sukuyok. Ita aminde kaine nomana siknga yuyok. Ita yamandeu dua siwan. Gatu musia toknga zetgaman ma natapan. Gatu yangga toknga aknga asinggan dua tangoke datdaptawan. Ita musia toknga siknga dua natake yaniyapiban. Gatu mani kwaapzang panangge kemu ma panziyuk mani papan.

1 Timoti 3:3

Ngana ita yangga toknga akngae natanggamatake asinggan tangoke datdaptake kwikwiknga wam teke amak wam yawan kakengu gata waapa ma tapim. Ba ita asinggan yanganuwik ba amindane sangaapanae geenguwan kakengu waapa ma tapim. Wena.

1 Timoti 2:10

Sike mayata yake nata Anutue gepbiatang koke yuat ngang yawiu waapata inane gupna tasigwaangutnangge dua natanggamatake kepi nomana tawake amin gatayamunangge tasiyok.

Filipai 1:27

Siwan nata andang yuke ba ginde kundopit. Ginda wamu take Kraisdane aknga katak tawake kepi nomana akngane sukunong. Ginda musipza takngatukan natayuke akekekake ginu kuupbamda unekan gatake wamu takeaknga tapa kekekawan

Pas Polda Rom Nana Aminde Matayamukut San 16:2

Ita aminu kwaapzang gatayamuke na kuut gatangamukut. Unzingge maya waapata apan kakengu ginda natake ninu Buyambam tapanindane aminabam dakngake yuamang aminde dongune nana tapatu ngang natapnong. Natake aminu gisane dongune nana aminde take natayamuke katak toikaing binga ginda maya waapae take natangamuke toitnong. Toike ita sanga tapatue meya natapanu ginda katak gatangamunong.

Pas Polda Rom Nana Aminde Matayamukut San 6:13

Ginda kagwauke waiakngata ginu dua panggaganuwikge gwautnong. Gwauke sanga musia enakaing kaknga dua tawake katakzaat genzat musipzaatang gatu natdetdetzaatang gatu maakzata nataaing kakngaat gatu kaisata akaaing kakngaat ngangu wai wa kuupbamu ma tasiwam. Wena siknga. Ginda yamandet dua sike Anutue gepbiatang koyuke ie banip tawake tasinong. Tasike sanga nomana akngakan tasike yutnong. Asikaya ginda waiakngasae kumnanga akngaakatang yuking ngana dua teke epu kepman kuke yuaing ba dasing?

Pas Polda Rom Nana Aminde Matayamukut San 1:29

Tasike wa aminda sanga nomana dua aknga asinggan tasiwawa buyambam siknga sikut. Sike yasewa tasike notna pasiwa maiwa notnae sangaapanae geenguke musia wai natake musia zikaa siwan amin zipa kupa yumdekan yanganuke iwan dakngake sapdut wamu ayawawa waiakngana buyambam siknga singgak.

Aposel 20:33

Siwan nata gikat gatake yusika aminu tapatutane manina ba tauknga ba tanangge dua natapbum.

Wamu Takeaknga Lukga Matakut Taknga 16:14

Siwan Ferisi aminda mani panangge take siknga nataing aminda Jesuta wamu kuupbamu wa yakuu natake nomna maiwa yuking.

Lotutane Kap Taknga 119:36

Gata musipma tangenawi nata wamba waaknga tawananggengu take natapit. Natake sanga kwaapzangbam papitde dua natapa kuwik.

Lotutane Kap Taknga 10:3

Wai aminda yamandet sike sanga wai musiaatang nataak kaknga tawake tasinggak. Tawake tasike aminu sangabamde geengukgak kapa apbaknganggak. Apbakngake ita Buyambamtapa inisapduke ie masa imunggak.

1 Timoti 6:10

Siakan. Natdetdeu wa sangaapa kwaapzang panangge nataaing kaknga wa sanga wai kuupbamdane yapii unin. Ngan. Aminu kundutane musia natdetdeu waakngae enawa wa aminda Anututane kepi teke apbotasukuking. Botasukusika meya buyambam siknga paking.

Wamu Takeaknga Lukga Matakut Taknga 12:15

Inike gatu aminbamu wa yukingge anzing yanikut, “Ginu waapata nanik kakngae gwauke sangasa buyambam panangge ma natapam. Aminu sangana buyambam kakengu sanganata gatangaman kayuk yutnanga dua,” ngang yanikut.