Efesas 5:17 - Wantoat

¹⁷ Sike aminda sanga wai kwaapzang tasikaingge natake ginda sanga aminu natdetdetna wenata tasikaing kaknga ma tasiwam. Aho. Ginda sanga Anututa take nataak kakngae natdetnangge tasinong.

Efesas 5:17 Referans Kwoze

Pas Polda Rom Nana Aminde Matayamukut San 12:2

Siwan ginda sanga aminu Jesue masa imukaing aminda wai takngatu takngatu pasikaing kaknga ma tawake tasiwam. Wena. Anututa musipza papan nomatawa ginda Anutue banip tawake sanga nomana siknga aknga Anututa kawan take singgak kakngakan tawake tasinong.

1 Tesalonaika 5:18

Ginda sanga kuupbam meya ba take ba ginde apanu Anutu inimbaknganong. Ina unzakan aminu Anututa tapan Krais akgatanimuya apanin dakngake yuak kapa Jesuta kepi waakngakan tawake tasike yeutnimukut. Kepi wa yeutnimukut taknga Anututa ginda tawake tasiningge take nataak.

Kolosi 1:9

Siwan tapduknga nitda wamu waaknga natapbumak gwenuneta apu apman apan nitda Anutue tumuk wamu gin gatandamikge asinggan inikamak. Inita ita gindane musipza papan kakaawan ginda itane banipde take natapning. Natake natdetdeu nomana siknga papa buyambam siwik.

Efesas 5:15

Siwan ginda gisae katak tagwautnong. Tagwauke aminu natdetdetna wenata tasikaing kaknga ginda ma tasiwam. Aho. Ginda gisane natdetdetza anggaman natake sukunong.

1 Pita 4:2

Bitateke waapata sanga wai musia enayaakngane dua sukuwik. Aho. Ita asinggan Anutue banip tawambik. Tawake tasiwawan kuku tapduknga ita akupik gwenda apik.

Kolosi 4:5

Siwan aminu Anutue masa imukaingu kepman nana aminde banakan yuke ginda natdetdetza anggaman natake sukunong. Sukuke ginda tapdukngane siknga zet tasinong. Sike tapduknga ginda amin gatayamunanga wa gwenda ginu dapbimsak.

Wamu Takeaknga Jonda Matakut Taknga 7:17

Sike aminu tapatuta Anutue gen gwaamutnangge natapiu waapata wamu nata ayanggat takngae natake wam waaknga Anututa yanggak ngang anggaman natapik. Jesuta inae natdendetnata siwan yanggak ngang dua natapik.

Lotutane Kap Taknga 111:10

Sike aminu tapatuta natdetdet amin daknganangge natakengu waapata Buyambam tapae akgwaumsok. Sike wa akgwaukgak kakngata amindane musia pangenawan natdetdet amin dakngawik. Unzingge ninda itane umana asinggan asinggan yatangenatnim.

Lotutane Kap Taknga 119:27

Gatane mama wamba natdewitde nanindamumso. Siwana nata duya takngatu takngatu gata tasikuyak kakngae natanggamatawit.