Aposel 7:45 - Wantoat

⁴⁵ Siwan Anututa bamin gatayamuke Kenan kep komune nana amin yanikwasipewan kuwa Josuata baminde takeapana dakngakut. Iat bamikatda unekan gatake amake une nana yawamba keu waomu ateke kuwawa wa aminda inae taking. Take Anutue yot takwanu wagwen waitdeke gwaamutakapbing. Gwaamutakapuke gatu mitapa yuwawan masan siknga Devitda aakut. Aake buyambam takake Isrel nana amindane takeapa dakngakut. Dakngake tasiwan Anututa kawan take siknga sikut.

Aposel 7:45 Referans Kwoze

Lotutane Kap Taknga 44:2

Gata gika siknga kekekngakata dongu takngatui yanikwasiwi kuwawan kepna pake nindane bapuninde yamukuyak. Siwan une kekeknga yuking. Ngan, gata dongu waakngata waiaknga tasikingge yake meya yamukuyak. Siwan ngana nindane bapunin gatayami take siknga yuking.

Aposel 13:19

Siwana pakapu Anututa gatayaman Kenan kep komune kuke keu wa komune yuking aminu dongu katau kuut musa kautdu takngaaya zipa kumbing. Zipa kupa Anututa keu wandaka baminde yaman paking. Yaman pake kep toik dakngake nakanu 450 ngangu une yuking.

Hibru 4:8

Siwan tupa siknga aminu tupan aminu tapatu umana Josua ngang iniking kapata ina amin yanipakuwan keu ayuwatakawik komune kuking gamu masande Anututa tapduu aminda ayuwatakaning gwende dua yawan.

Lotutane Kap Taknga 78:55

Keu waomune apuke dongu kundune nana ita yanikwasipewa kuwawa inane dongata pakapu yuking. Pakapu yuwana ita keu usanzike dongu Isrel nanae yamutakukut. Siwana yotna mitake une take yuking.

Lotutane Kap Taknga 80:8

Siwan tupa gata wain nap taknga Isip kep komune take takapbuyak. Takapuke gata aminu dongu kundune nana keu waomune ayanikwasiwi kuwana gata wain nap taknga waamindane kep komune kwaikuyak.