Aposel 23:7 - Wantoat

⁷ ngang yanggamatawan aminu Ferisiat nana amikat gatu Sadyusiat amikatda yanganuke paut gwenu tasikingune usanzike dongu takngaaya yuking.

Aposel 23:7 Referans Kwoze

Aposel 14:4

Siwan ngana maya wawi you wanggapmane nana aminda waitdeke dongu takngaaya dakngaking. Dakngake dongu takngatu Polkat Banabaskat gatayamuwawan takngatu Judia nana amin gatayamuwawan ngang tasiking.

Matyu 10:34

“Nata apuke amau kepdakane kuupbam zipbutnangge apbum ngang ginda ma natapam.

Lotutane Kap Taknga 55:9

Nata kaawa aminu yumdekan yot gapmaatang amakaing. Unzingge Buyambam tapa, gata wamu yaningu pasiwi buyami siwan pasiwi sopunong.

Aposel 23:6

Unzing yanikenga ita kawawan aminu wa paut tasiking aminu dongu takngaata yuking. Aminu kundu Sadyusi sike aminu kundu Ferisi ngang kake apaa anzing yanikut, “Mate notna! Na Ferisi amikat nanaapa. Na Ferisi aminu tapatutane waak. Ge na aminu akungwake gatu gweatning kakngae banip singgatde na takuwa wam yawitde tasinawakaing,”

Aposel 23:8

Sike dongu Sadyusiat nana aminda yake aminu kungwakengu dua enakaing ngang yake angela ba Waung ba ngangu wena ngang yakakingunin. Siwan dongu Ferisiat nana aminda yake sanga wa kuupbam kaya ngang yakaking unin.