Aposel 21:30 - Wantoat

³⁰ Unzingu apaa siknga yanggamatamapa kuwan unenana aminda natake unekan apbing. Apu yuke Pol yot takwan gwene yukuu tanggaganupa kepman take puke yot gwendane gwabou kuupbam yapukusiking.

Aposel 21:30 Referans Kwoze

Aposel 26:21

“Nata nina unzing siknga tasiwawa notna Judia nana aminda nae semna siknga natake na yot takwan gwene tanggaganupa atnutapa kupitde tasiking.

2 Korin 11:26

Sike tapdukbamu asinggan nata puya tasitakuke kepi mamaya siknga apane kunggat. Sike kuwawa sipdu sipdune yanggata paptake na paa kaitake kunggak. Gatu sipdu sipdune wai aminu kepiapane sukuke natane sangaapana kaiwa kuningge natake na paa nuwa kumbum. Gatu aminu kundu natane notna Judia kep komune nana ngana sipdu sipdune na nutnangge natake paa tasiwa maikum. Gatu aminu Judia kep komune nana dua ngana keu komdune nana aminda na tasiwa maiwitde natake gatu gatu tasiking. Ngan. Nata yot gapma gapmane tasitakuke ba kepiapane kuke keu amina wena komune kuke ba sip gwen take yanggabam gwene kusika nata wai paa sikum. Sike aminu kundu natane iwanata nae apa nata kawawa notna binga dakngawa ngana wa aminda na paa tasiwa maikum.

Aposel 19:29

Apaa siknga yanggamatamapa kuwan you wanggapmane nana kuupbamu bania enawan nangaakan natake aminu tapatu Gaias gatu tapatu Aristakas ngang yaniking. Sike waapaau Masedonia nana Polkat gatake sukuking tapaaunin panggaganuke paut tasikaing komune kaipakuking.

Wamu Takeaknga Lukga Matakut Taknga 4:29

Natake enake Jesu katakngata take you wanggapmatane damedakane mutnangge takuking.

Matyu 21:10

Yake tasiwawa Jesuta Jerusalem gapmane kopan aminu you wanggapmanenana kuupbamda asatnake anzing yaking, “Aminu aapa mamin,” ngang yawa

Matyu 2:3

Siwan buyambam tapa Herotda natake asatnawan aminbamu Jerusalem nana kuupbam asatnaking.