Aposel 2:45 - Wantoat

⁴⁵ Natake aminu tapatuta sangae dapmake yuwawan kakengu sangana pewa kunduta apu usuwa mani pake aminu sangae dapbing aminde usanzike yama takekan siking.

Aposel 2:45 Referans Kwoze

1 Jon 3:17

Siwan aminu sangana babanu kaya tapatuta kaawan itane notna tapatuta sangae dapmake yuwan kake ngana akotnake dua gatangamik. Kotnake dua gatangamuke ngana na Anutue banip gwaang natangamunggat ngang yawanu siakan dua siwik.

Aposel 4:34

Siwan Jesuat nana aminu kundu sangaapana kaya aminda kepna kaya ba yotna gwegwenu kwaapzang. Ge wa aminda aminbam yayawamba apu sangaapana usiwa mani pake aposel aminde yamuking. Yama aposel aminda aminu sangae dapbing aminu Jesuat nana aminde usanzike yamuking. Usanzike yamuwawa Jesue aminabapat nana aminu tapatuta sanga tapatue dua dapbut. Takekan yuking.

Wamu Takeaknga Lukga Matakut Taknga 18:22

Iniwan natake yake anzing inikut, “Ga sanga takngatuekan dapmanggayakge gata sangaapaka aminde yami usiwa manina pake sangaapana wena aminde yamuyo. Unzing tasiwinu take siknga kayuk yutnanga akngaka enandang yukgamuwawan gata apu na nawamso,” ngang inikut.

2 Korin 9:9

Sanga waakngae natake ayanikapsa aminu tapatuta wamu takngatu Anututane wapatang anzing matakut, “Aminu waapata sanga kwaapzang siknga aminu sangaapana wena aminde yamutakunggak. Unzingge ita sanga amin gatayamunanga akngae dua dapik,” ngang matakut.

Aposel 11:29

Siwan wamu waaknga ngang yakapan natake Jesuat nana aminda notna Judia kep komune yuaing amin gatayamunangge yaking. Yake inandek inandek mani apmang usanzike yaman pakaing kaknga yamunangge yaking.

Matyu 19:21

yake anzing inikut, “Gata kayuk yutnangge take natakengu ga kuke sangaka yami usiwa manina pake sangana wena aminde yamuyo. Unzing tasiwinu take siknga kayuk yutnanga akngaka enandang yukgamuwawan ga apu na nawamso,” ngang iniwan

Wamu Takeaknga Lukga Matakut Taknga 19:8

Siwan Sakiasda dandam tangan yuke Jesu Buyambam tapa anzing inikut, “Buyambam tapa. Apmanu sangana usanzike kaukaut peke kautdu sangana wena aminde yamuke kautdu aminu kait tasiyuk payamukum aminde yake sipmaat sipmaat yamit,” ngang inikut.

Lotutane Kap Taknga 112:9

Ita sangana wena aminde sanga kwaapzang yamunggak. Siwan noman takngana asinggan asinggan tasiwik. Tasiwan kake aminu kunduta umana kayaapa ngang natake umana yatangenatning.

Wamu Takeaknga Lukga Matakut Taknga 16:9

Nata daniwa natapnong. Keu andakane nana aminda wai pasiyuk mani pakaingga ginda tasiwa sangae dapsa aminda ginde notza daknganing. Siwan manisata gatandamunanga dua siwik gwekatang ginu pake paku you asinggan yuak gwene dapmamban yutning,” ngang yakut.

2 Korin 9:1

Siwan ginu sanga wa Anututane aminabam gatayamunangae atnataaing. Unzingge nata wamu mamaya ie dua matawit.