Aposel 2:11 - Wantoat

¹¹ Siwan kunduta Judia nana dua aake ngana Mosesdane mama wam natake gwaamuke notnin dakngake yuaing. Siwan kundu Krit kep komune nana. Kundu Arebia kep komune nana ngangga yuamang. Siwan ngana aminu waakwakga wamine wamine Anututa puya kekeknga pasikut takngae yawa nataamang.” Wamu waaknga aminbamda unekan apu yuke yaking.

Aposel 2:11 Referans Kwoze

1 Korin 12:10

Sike tapatuta duya takngatu takngatu tasiwik. Sike aminu tapatuta Anutue wam yanikapmake notnatane musia papan kekekaning. Sike tapatuta sanga aminda tasikaing kaknga usanzike natapan yapii anggaman siwik. Siwan ita natake sanga waaknga Anututa dua tangenakgak ngang yake sanga waaknga Setenda tangenakgak ngang yawan noman siwik. Siwan aminu tapatutane musia Waungga tangenawan ita wamu inata kundu yapii dua nataak ngana ita moo genanetakan yawik. Sike tapatutane musia tangenawan ita wamu wa inata kundu notnata yawan natake ie yapii natdeke yaniwik.

Hibru 2:4

Siwan Anututa wamu waaknga tapan kekekawikge natake ita ina banipda siwan aminu wa ninde ninikapbing amin kekekayaman duya takngatu takngatu pasiking. Pasiwa kake ninda wa amindane wamde natapna siakan sikut. Siwan Anututane Waung Kapata Anutue banip tawake natdetdeu inata inata wa aminde inandek inandek yamukut. Yaman pake wa aminda puya inata takngatu takngatu pasike yuaing.

Taitus 1:12

Siwan aminu Krit kep dakane nana tapatu anutu pupukngae wam yakapsa amin tapata tupa siknga wamu takngatu anzing yakut. Krit nana aminda kem yakaing amin dakngake yuaing ngang yakut. Aminu wai siknga amin yuke nanamu tapdukbamu asinggan kwaapzang nake ngana puya pasinangge natapa maiwan semna semna natake yuaing ngang yakut.

Lotutane Kap Taknga 26:7

Munu puke nata kap takngatu taike gae gaak ganiwit. Ganike nata aminu kuupbam puya gata noman taknga tasinggayakge yanikapit.

Taitus 1:5

Tupa gata Krit kep yangga banakan yuak gakane yuwawi nata ga gapmake kukum. Gapmake kuwawa gata puya nitda tangenake tasikumak kaknga tasiwi sandewikge natake ga gapmake kukum. Kuwawa gata puya waaknga tasike take aminu kundu yotna gapmandu gapmandune nana kundu papi Anututane aminabam kayuke yutnong. Unzing nata ga tupa ganikum takngakan tasiwiyakge nata ga gapmake kukum.

Aposel 27:12

Sapdukngamuke keu waomu gotda asinggan puyawawan sip gwenu teyutnanga dua ngang natake aminbamda keu waomu ateke kunangge yanggatapbing. Yanggatapa ngana tapatu tapatutakan apbitaking. Siwan ngana yanggatake keu ayuamang kom teke yanggabam gwene kuwatna gotbamu kekeknga siknga dua apuwawan kusika kautdu Finiks ngang inikaing saak kuke keu andakata umuban takekan yuwatna gotbamda undang puyake bitawana kunim ngang yanggatake yuking.

Aposel 27:7

Kopna kuke ngana gotda unzakan apuwawan wikake siknga kuwatna tapduu kundu atnipbikut. Nipbiban kusika Naindas keu yangga banakan yuak komune wesimu kukumang. Kuwatna gotda sipde nomna saak kekeknga siknga puyapan akukumang saak kunangge apmeptake kautdu saak kukumang. Kusika Krit keu yangga banakan yuak komune kundoke kautdu Salmoni ngang inikaing saak kuke yapbike kukumang. Kuke keu wandakata umuban kautdu saau wikake siknga kukumang.

Lotutane Kap Taknga 136:4

Wa awiaapatakan duya buyambam takngatu takngatu asinggan asinggan pasinggak kapanin. Asinggan asinggan ita ninde musip gwaang siknga natanimuke yuak.

Lotutane Kap Taknga 111:4

Buyambam tapata amindane natdetdetna pangenawan waaminda noman taknga tasinggakge asinggan asinggan natayutning. Asinggan siknga Buyambam tapata ninde musip kwikwik natanimuke ninde butaya natayuak.

Lotutane Kap Taknga 107:21

Unzingge nata natapa waaminda Buyambam tapae gaak ininingge nataat. Asingganu ita butaya natayamuke duya takngatu takngatu aminu kuupbamde tasike gatayamukutde gaak ininingge nataat.

Lotutane Kap Taknga 107:15

Unzingge nata natapa waaminda Buyambam tapae gaak ininingge nataat. Asingganu ita butaya natayamuke duya takngatu takngatu aminu kuupbamde tasike gatayamukutde gaak ininingge nataat.

Lotutane Kap Taknga 107:8

Unzingge nata natapa waaminda Buyambam tapae gaak ininingge nataat. Asingganu ita butaya natayamuke duya takngatu takngatu aminu kuupbamde tasike gatayamukutde gaak ininingge nataat.

Lotutane Kap Taknga 96:3

Ginda itane umana kopsa akngae aminu kepna kepna nana dongu kuupbamde yanikapnong. Yanikapmake puya gwaang gwangu buyambamu ita tasinggakge yanikapnong.

Lotutane Kap Taknga 89:5

Buyambam tapa, angela yekaune yuaingga noma nomana tasikuyakge kau taikaing. Taike ita gatane umanda yatangenakaing. Sike waakwakga kap taknga taikaingu gata siakan wam takngakan tawanggayakge taikaing.

Lotutane Kap Taknga 78:4

Nindane waatdakaninda natapningge wamu waaknga dua takusopunim. Aho. Ninda engangu kayuu aatning kaa ayaninim. Ninda Anututane kekeknganae puya kekeknga pasike duya takngatu takngatu pasikutde ngang yaninim.

Lotutane Kap Taknga 77:11

Apmanu Anututa puya buyambam taknga aknga pasikutde gatu natapit. Ngan, nata sanga buyambam inata inata tupa pasikuyakge gatuna natatakuuwit.

Lotutane Kap Taknga 71:17

Anutu, gata tupa na waatdakane nanindamukuyau apu apman kaa unzakan, ge apmanu gata sanga nomanomana tasikuyakge yanikapmanggat.

Lotutane Kap Taknga 40:5

Anutu, Buyambam tapana, gata puya nomanu kwaapzang nin gatanimunangge tasikuyak. Aminu ga binga tapatu wena. Gata asiknga yapbikuyak. Sike nata gae wamu amin yanike puya gata tasinggayakge gatu natdetdet takngakaatde yaniwiu mateknga dua. Mate! Sanga wa kwaapzang siknga. Gata sangabamu nin gatanimunangge pekuyau kendetnanga dua.

Galasia 4:25

Sike tawanu umana Sainai ngang inikamangu wa aminu Arebia kep komune nana Hegatane dongune aake yuaingga tawanu wandakatane umana Hega ngang inikaing. Siwan aminu Jerusalem yot gapmane apmanu ayuaingga mama wamde gepbiatang yuaing. Unzing aminu Hega puya amina ngana maatna dakngakut tapae dongune aakingu wa aminu puya toikga panggaganuwa wa aminde gepbiatang yuking ngang natake wa aminu mama wamda panggaganuwan ie gepbiatang yuaing ngang natapnim.

Galasia 1:17

Dua inikwaike nata aminu tupanu Jesue kwiiknga dakngakingu Jerusalem yot gapmane yukingge dua kukum. Aho. Nata Damaskas yot gapmaneta Arebia kep komune ninatakan kukum. Kuke yusika nata Damaskas yot gapmae gatuna kukum.

1 Korin 12:28

Ngan. Anututa ginu inane aminabam dakngake yuaikat nana kundu papan puya inata inata pasikaing. Tupanu aminu kunduta Jesutane kwiiknga dakngake pasikaingu umana aposel ngang yanikamang. Siwan kunduta Anutue wam yanikapsa amin dakngake pasikaing. Sike kunduta Anutue wam yanindamukaing. Gatu kunduta duya takngatu takngatu pasikaing ba amindane maitna sandeyamukaing ba notna gatayamukaing ba kayuya amin dakngake pasikaing ba wamu inata kundu yapii dua nataaing kangane yakaing.

Aposel 2:10

“Kundu Frisia kep komune nana. Kundu Pamfilia kep komune nana. Kundu Isip kep komune nana ngangga yuamang. Siwan kundu Libia kep Sairini kep inengan yuak komune nana ngangga yuamang. Siwan kundu Rom yot gapmane nana ngangga yuamang.

Aposel 2:12

Yake asatnake nangaakan natake anzing yaking, “E mate! Sanga wa tasike yakaing kakngae yapii dasing natapnangge,” ngang yaking.

Aposel 27:13

Yanggatake yuwana gou kwikwiknga siknga puyapbut. Puyapa gwa yakumang kaknga apme kunim ngang yake sanga sip gwen tanggaganuwan yuak gaka kaiwa asakopan gotde gwauke Krit kep komde kwaim tapa tawatake kukumang.