Biblia Todo Logo
Bib sou entènèt

- Piblisite -




Aposel 19:27 - Wantoat

27 Sike wamu waakngata sitakuke kuwawanu ninu puya pasikamang kakngae sapdukngamuning ngangge natagwauke daninggat. Sapdukngamuke Atemis anutu kekeknga siknga apanindane yot takwan kawa moo gwen binga siwik. Sike ninu Esia kep komune yuamang gatu aminu kepna kepna nana amindaaya ie gwetake inindatakamang kapatane umana akngata apmainangge singgak,” ngang yanikut.

Gade chapit la Kopi




Aposel 19:27
11 Referans Kwoze  

Natake tasiwanu aminu kundu natdetdetna wena siwan apbotasukukaing aminda Anututane siakan wamde dua siknga natapning. Dua natake ninda miti wam tawake tasina sangaapa buyambamda ninde asapning ngang kem siknga natake ayanganutning.


Siwan aminu kepdakane yuaingu kuupbamda kaapzongu wagwende tumuk wam iniking. Sike wa amindane umana tupa siknga tapduu Anututa sangabamu dua tasike tekut komune sipsip mateu masande aminda tanguwa kumbuu wagwendane buk gomune Anututa dua matakut. Aho. Buu wagomune aminu kayuu asinggan asinggan yutning amindane umanakan matakut.


Siwan nata gwapaknga gwendu kawa apbinga temake tanguwa kumbut. Ngana watana gwa takakutna kakum. Sike aminu kepdakane nana kuupbamda kaapzongu wagwende nangaakan natake itane gepbiatang koyuking.


Sike ninu atnataamang. Ninu Anututane waaknga yapana dakngake yuwatna ngana aminu kuupbamda Setendane kekeknga akngae gepbiatang yuainggen.


Siwan masande Polda akunangge natapan kekekakut. Natake kep komaya Masedonia kep gatu Akaia kep ngang yanikaing komaane sukutake kuku uneta Jerusalem kunangge natapan kekekakut. Natake anzing yakut, “Jerusalem kukenga Rom yot gapmane asiknga kuwit,” ngang yakut.


“Ginu mama wam yanindamumsa amikat Ferisi amikat ginu genza gwakngayasa kaya! Ginda toknga aknga apaning! Ginda Anututa amin panangge tasinggak kakngae gwabou aminbamde nomune yapukaing. Gisa undangu dua koke aminda kopnangge tasiwa ngana ginda dua kapewa kokaing,” ngang yanikut.


Siwan wamu Anututa amin panangge tasinggak kakngae wamu take aaknga keu kuupbam yakapa aminu kuupbamda maakngita natapana tapduknga asandewik,” ngang ninikut.


Yanindamuwawan nakanu gweaya sikut. Siwan aminu kep wa komune yukingu notna Judia nana amikat gatu keu waomune nana amikatda Buyambam tapaninde wam taknga atnatapbing.


Siwan wamu waaknga yawan puyuwana angela tapatuta apuke angela waapaat yawatakapbut. Sike ita wamu apaa anzing yanggamatakut, “Aminu tapatuta kaapzongu wagwen gatu itane wee gwen ngangge tumuk wam yanike katewan aminda tuwangu wagwendane damanane ba katakngine matawik.


Swiv nou:

Piblisite


Piblisite