Aposel 19:18 - Wantoat

¹⁸ Aminu kwaapzangga Jesue natake gatanimuya apanin ngang natapa kekeknga sikuu sanga sanga pake apuke gutongana tasikakingge yakapa puyukut.

Aposel 19:18 Referans Kwoze

Pas Polda Rom Nana Aminde Matayamukut San 10:10

Ngan. Aminu musiaatangu Jesue natapan siakan siwanu Anututa kawan amin noman siwik. Sike aminu waapata Jesue natake Buyambam tapana ngang yakapanu Anututa waiakngana asandekngamik.

Matyu 3:6

Kuke waiakngana yakapa Jonda yangga Jodanu waapane sauyamukut.

Lotutane Kap Taknga 32:5

Masande nata waiakngana gae yakapbum. Nata waiakngana dua takusopukum. Sike nata anzing yakum, “Nata waiakangana kuupbam Buyambam tapae yakapit,” ngang yake nata yakapa gata waiakngana kuupbam asandekngamukuyak.

1 Jon 1:9

Siwan ngana ninda waiaknganin yakapnanu Anututa wamu tupa yawan yukut takngae ita natanggamatawik. Natanggamatake kepi nomana aknga tawake tasike waiaknganinu kuupbam sandetnimik.

Aposel 19:17

Unzing tasiwan datang kuwawa aminu Efesas yot gapmane yukingu Judia nanaat Grik nanaatda natake Anutue akgwaupmapan kukut. Gwauke unetaya Jesu Buyambam tapaninde umana aknga yatangenawa buyambam siknga sikut.

Aposel 19:19

Kundu gaam wamawawa kundu gom zipmawawa kundu kona ba iak ba pitatapa pasiwawa ngang tasikakingu aminbamde kaine pakapu buu waiaknga pasinangge natdeke matakaking gogom pakapu wesipa saking. Wa wesipa sakinggane buyana usikingu sandu sandusim kendekgawa koko K50,000 sikut.

Jems 5:16

Unzingge ginda waiakngasa notzae yanikapnong. Sike ginda notza gatayamunangge tumuk wam iniwa Anututa maitna sandeyamik. Ninda atnataamang. Tumuk wamu aminu nomana apata yawik kaknga buya asaawik. Tumuk wamu wa binga kekeknga siknga. Aminu take siknga akgatayamik.