Aposel 16:26 - Wantoat

²⁶ Natayuwawa miyamunu zetgaman sikut. Sike kaaut yot gwendane gwak daka daka papan taiking. Papan taiwawan kaut yot gwendane gwabok gaka daka ina zipamaba kuking. Zipamaba kuwawa kaautde yuking aminu senda kuupbam wamapeking ngana ina waipimaking. Waipimamba ngana dua epu datang kuking.

Aposel 16:26 Referans Kwoze

Aposel 4:31

Tumuk wamu waaknga Anutu iniwana you unekan gatake wa yuking gwenu saa sikut. Saa siwan Anututane Waung Kapata musiaatang pukuke papan kekekake wa aminda Anutue wamu aminbam yaninangge dua gwauking.

Aposel 5:19

Pewa ngana zikaane Jesutane angelata apu gwabok ziyamuke koke yanipewan epu kepman kuking. Ziyamuke angelata anzing yanikut,

Aposel 12:10

Natake epu kuke amak amin tupan tapa ayapbike masan tapa kuut ayapbikumayak. Yapbike kuku ain gwabok gakane kundopbumayak. Wandaka tekengu kepman epu yot gapmane akukaingunin. Kuwawat gwabou wandaka ina ziyamukut. Ziyaman epu kepman kuke kuku initake kepi mateknga kundusim kukenga angelata Pita teke zetgaman kuwana

Aposel 12:7

Kayuwawa Buyambam tapae angelanata apan kakaa kaaut yot katang sikut. Siwan angelata Pita tanguke anzing inikut, “Zet enat,” ngang iniwan senu kuut takngaat awamangamuking kakngaatda waipimakumayak.

Lotutane Kap Taknga 146:7

Ita amin iwande gepbiatang koyuke tasingupeekaingu akgatayamunggak. Gatayamuke ita aminu waakwau nanam tomde yuaingge ayamunggak. Sike Buyambam tapata kautde yuaingu sandepakepan kautde dua yuting.

Matyu 28:2

Kuwawat ngana miyamunu buyambam siwan Anututane angelata enane sikngaatangga epu sup gwen ikotakweke wagwene engatangan pukwikut.

Lotutane Kap Taknga 102:20

Kake ita nataawan iwanata aminu kundu papa kaautde pewa yuke meya pakaingga kwanam siwa natapbut. Natake ita waaminu kotda akumningge gwa yawan kekekakut ngana sandeyaman kepman pukuke dua kumning.”

Wamu Jonda Mia Kake Matakut San 11:13

Siwan tapduu waomzimunekan miyamunu buyambam siknga siwan yotbamu wa gapmatane yot gwegwenu kautdusimban awaike pimake aminu kwaapzang siknga 7,000 ngangu atzipa kumbing. Siwan aminu ayukingu wa kuupbamda kumzang siknga gwauke Anutu enandang yuak kapatane umana yatangenaking.

Lotutane Kap Taknga 79:11

Gata kaut aminda kwanamu gae sitningge natapso. Sike gikane kekekngaka buyambam taknganeta aminu iwanata atzipan kumningge yakingu gatuka papso.

Wamu Jonda Mia Kake Matakut San 6:12

Siwan nata kawawa sipsip mateu wagwenda gatak gatau dakatuat dauwan katau kuut musa kautdu dakatu ngang sikut. Siwan nata kawawa miyamunu buyambam siknga kepdakane siwan kakum. Kawawa gunzit gwenu zikaa siknga katakumbi binga siwan kakum. Kawawa yekau yapii gwenu gamana siknga dak binga siwan kakum.

Lotutane Kap Taknga 68:6

Sike gatu aminu inatakan yuaingge donga yaman undang take yutning. Siwan itakan kautde yuaing aminu sandepewan yotna paku take yutning. Siwan ngana yamandet sikaing aminu yaniwan paku keu gunzit toknga siknga yasinggak komune yutning.