Aposel 16:25 - Wantoat

²⁵ Siwan unzing petakumat dakane Polkat Sailaskatda tumuk wamu yake Anutue kapna taikumayak. Taiwawat kaaut amin notna kuupbamda atnatayuking.

Aposel 16:25 Referans Kwoze

Jems 1:2

Siwan mate notnabam. Meya takngatu takngatuta ginde apa kakengu ginda apbaknganong.

Lotutane Kap Taknga 119:62

Sike petakumat dakaatangu na asenake gatane mama wamu noman takngae natake ganimbaknganggat.

Pas Polda Rom Nana Aminde Matayamukut San 5:3

Sike sanga waakngaekan dua bakngakamang. Aho. Ninda natake sanga aminda Jesue iwana dakngake meya takngatu takngatu ninde nimukaing kakngae apbakngakamang. Ninda atnataamang. Meya takngatu takngatu ninde apukaing kakngata nindane musipminu papa kekekawik. Kekekawan ninda Jesuat gitna gatake yutnim.

Lotutane Kap Taknga 77:6

Sike zikaane nata natdetdetbam pake yukum. Yuke tupa kap taisika tasikum takngae asinggan natayukum. Natayuke natdetdetbam pake ninae anzing yakwaikum.

Hibru 5:7

Siwan tupa Jesuta nisa gup take kepdakane yukut. Sike tapduu waomune ita tumuk wam yake Anutue inindatapbut. Inindatake ita kumzang siknga yanggamatakut. Sike gatu ita kwanamu kumzang sike tumuk wamu Anutu i gatangaman dua kupik kapae yatawakut. Sike ita Anutue gepbiatang yuwan kake Anututa itane tumuk wamna natapbut.

Efesas 5:19

Kaipakuwawan ginda notzae yaninangge natakengu miti kapde wamu takngatu takngatue natake yaninong. Yanike Buyambam tapaninde inimbakngake ginda miti kap tainong.

Kolosi 1:24

Siakan. Anututa na tapan nata itane puyana tasingamuke gin gatandamunangge tasiwawa ngana iwanata enake meya takngatu takngatu nae namukaing. Nae nama pake ngana nata apbakngake yuat. Dasingge? Jesuta meya buyambam pakut taknga binga nakaya ina unzakan papa sandewikge nataat. Natake nata Jesue aminabam gatayamunangge tasiwawa meya nae nama panangge dua gwaukgat.

Pas Polda Rom Nana Aminde Matayamukut San 12:12

Pasingamuke wamu ita tupa yawan kekekakut taknga buya aawan kaningge kayuke apbakngake yutnong. Yuwawa aminu Jesue iwana dakngake meya takngatu takngatu ginde damuwawa ngana ginda kekekake gitna take ma tewa pimapan. Aho. Ginda asinggan Anutue inindatake tumuk wam yanong.

Lotutane Kap Taknga 50:15

Ginda unzing tasiwawa meya takngatuta apan kakengu ginda nae take yaning. Yawa nata ginu asiknga gatandamit. Gatandama ginda natane umana yatangenatnong.”

Lotutane Kap Taknga 71:7

Sike aminbamda meya takngatu takngatu nata kakumu akaaingunin. Kake sanga unzing siknga ninde ba apik, ngang atnataaing. Siwan ngana gatakan na kekeknga siknga kakuya tasinggaak.

Lotutane Kap Taknga 34:1

Siwan nata Anutue asinggan inimbakngawit. Asinggan nata itane umana yatangenawit.

1 Pita 4:14

Siwan apmaau ginda Kraisde gepbiatang yuke tasiwawa danduke aminu kunduta ginde atdanisapdukaing. Ngana Anututane Waungu umana enane siknga yuak kapata gikat gatake yuaingge natake ginda apbaknganing.

Filipai 2:17

Sike nata gin pasiwa ginu Jesue natapa kekekanggau wa Anututa ie natapan sanga take singgak. Siwan nata Anututane puyana tasike gin gatandamuwawa ngana iwanata enake na apba nuwa kupit. Nata ie undanga ngang nataat. Puya pasiwa buya aawan ginda Anututane amina dakngake yuaing ngang natake apbaknganggat. Unzingge aminda na nuwa kupitde meya dua nataat.

2 Korin 6:10

Gatu aminda nae natapa aminu musia meya natake yuak kapa singgak ngana nata apbakngake yuat. Gatu aminda nae natapa aminu sangaapana wenaapa singgak ngana nata aminu buyambam gatayamunggat. Ngan. Nae natapa aminu sangae dapmagat tapa singgak ngana sanga Anututa tanomanuke nae tengamunggakge natake sangae dapmagat ngangu nata dua natake yuat.

Aposel 5:41

Yandakngake yanipewa kuking. Kusika aposel aminda anzing yaking, “Take takwakga Jesue maaknga ngang niniwa natamang ngana ninu Jesue gen gwaamutna kekekawan Anututa nindupan take singgak,” ngang yake aposel aminu akuyuk baniaatang tatanga siknga natapbing.

Lotutane Kap Taknga 119:55

Buyambam tapa, na zikaane gatane umandae atnatayuat. Natayuke gatane mama wamba tawanggat.

Lotutane Kap Taknga 42:8

Siwan ngana Buyambam tapata nae musip kwikwiu gunzit tapane natangamikge nataat. Natake zikaane nata musip gwaang natake kap taike gaak wam iniwit. Inike nata Anutue kayuk yutnanga aknga namunggakge tumuk wam iniwit.

Wamu Takeaknga Lukga Matakut Taknga 22:44

Kekekangamuke yuwawan Jesuta meya siknga natake tumuk wamu kekeknga siknga yanggamatawawan itane nepgamanda dakga binga kepdakane pimaking.

Lotutane Kap Taknga 91:15

Sike tapduu aminda nae tumuk wam yaningu nata atnatayamit. Sike meya takngatu waaminde apanu na iat yutnim. Iat gatake yuke waaminu apake umana kopsa yamit.

Lotutane Kap Taknga 77:2

Sike meya tapduk siwan nata tumuk wamu Buyambam tapae yakum. Yake nata zikaa kuupbam tumuk wamu asinikum. Siwan ngana musip kwikwik taknga dua takum.

Jems 5:13

Siwan aminu gikat nana tapatuta meya takngatu kakengu waapata Anutue tumuk wam inindatapsok. Sike tapatuta musia tatanga natake apbakngawiu waapata Anututane umana yatangenake kau takngatu taiyok.

Lotutane Kap Taknga 22:2

Anutu, nata gae gunzit tapane yanggawanggat. Siwan gatu zikaane kuut yanggawake na dua yuwa takanggak. Siwan ngana gata yake nae wamu dua natanggamunggayak.

Aposel 15:22

Siwan aminu aposel ngang yanikaing amikat gatu aminu akayuya amikat gatu moo amin ngangga wamu takngatukan yake iatnana aminu tapaata Polkat Banabaskat Antiok kuningge paking. Tapatu umana takngaaya. Takngatu Judas gatu umana takngatu Basabas ngang iniking. Iat kuningge tapatu umana Sailas ngang iniking. Judaskat Sailaskat wa tapaayau Jesue aminda kawanu aminu noman amin tapaat sikamayaunin.

Aposel 16:19

Teke kuwawan maya matek kayukingga kawa mani pakaingge kepi gwa sopukutna kake Polkat Sailaskat apanggaganuking. Panggaganuke kaipake aminu yotde akayuya dakngake yuaingge pake paut tasikaing komune pake kuking.

Aposel 16:33

Yaniwatna zikaa wagwenekan watana nap takngata zipa dakngakinggane daknga yangga sauyamukut. Sauyamana waaknga yapana kuutpaanda Jesue banip gwa sikingu yangga sauyamukumayak.