Aposel 16:17 - Wantoat

¹⁷ Maya mateu waapa Polkat nikat niwakut. Niwake ninde asinggan siknga anzing yanggamatakut, “Aminu aakwau Anutu enane siknga yuak kapatane puya amina. Aminu aakwakga kayuk asinggan yutnanga akngae ninikaing,” ngang yakut.

Aposel 16:17 Referans Kwoze

Wamu Takeaknga Jonda Matakut Taknga 14:6

Iniwan yake anzing inikut, “Nata ginu danipakuwa kuke undang kunim. Sike siakan wamde yapii na. Siwan ginu kayuk yutning kaknga atdama kayuk asinggan yutning. Siwan nata aminu tapatu dua initakuwanu ita kuke Nande dua kuwik. Ita inatakan undang kunanga dua.

1 Pita 2:16

Siwan ginda aminu tapatu dua katewa ita gin panggaganuke gindane natdetdetza kaipakuwik. Ginu dua kateke ginda natake aminu tapatuta ninu dua panggaganuke nindane natdetdetninu dua kaipakunggak ngang natake sanga musia enayaaknga take tawake tasinim ngangu ma natapam. Aho. Ginda Anutue banip tawake itane puyana asinggan tasinong.

Wamu Takeaknga Lukga Matakut Taknga 4:41

Siwan waung wai takwakga aminu kuupbam peke kuking aminde kaanga yanike dua kapewan yaking. Dasingge? Ie Krais ngang natake yanggamatake Jesu anzing iniking, “Ga Anututane waaknga,” ngang iniking.

Wamu Takeaknga Lukga Matakut Taknga 4:34

“A! Ga Jesu! Nasaret nanaapa! Ga ninde dasing tasinimunangge apunggayak,” ngang yanggamatake, “Gata apu ninu apasiwi mainimde ba apunggayak? Nata gae Anututane aminu dudumnaapa ngangu gae atnataat,” ngang inikut.

Wamu Takeaknga Lukga Matakut Taknga 1:79

gata kuku tasike aminu akumnanga aknga gepbiatang yuya aminde kakaa yeuyamuya. Siwan kepdakane yuwatna musip kwikwikge kepi yeutnimi kanim,” ngang Sekaraiata waaknga Jonde natake unzing yakapbut.

Lotutane Kap Taknga 57:2

Na Anutu enane siknga yuak kapae yatawamba gatangamikge yanggat. Ita musiaatang nae natake tasingamik kaknga atasiwik kapanin.

Aposel 19:13

Siwan Judia nana aminu katau kuut musa kautdune tapaat nana tapatu umana Siva ngang iniking. Sike Siva waapa Judia nana amindane miti puyae tupan tapa dakngake yukut. Siwan aminu waakwakga asinggan sukuke waungu wai aminde musiaatang pukuke pakingu sandeyamuking. Sike sipdune waungu wai tapatu sandetnangge tasike Jesue umana akngane inikwasitnangge anzing iniking, “Aminu umana Polda Jesu ngang wam yake wamnaaya yakapmanggak kapae kekeknga akngane ganikamang,” ngang yayuk tasiking.

Aposel 18:26

Sike ita dua gwauke Judia nana aminde miti yot katang koke wamu yanikut. Yaniwan Prisilaat apna Akwilaatda natake Apolos take yotnane takoke Anututane kepi noman siknga aknga yeukngamukumayak.

Wamu Takeaknga Lukga Matakut Taknga 20:21

Tasike anzing inikwaiking, “Yanindamusaapa. Ninda natapna gatane wamu siakan singgak. Siwan gata wamu noman gan yanindamuke yawa naninang ngang natake dua gwaukgayak. Wena. Gata sanga wamu siakan gan yanindamukgayak,” ngang iniking.

Wamu Takeaknga Lukga Matakut Taknga 1:77

Gata kepina tandakngake Buyambam tapanindane aminabamu wamu takngatu anzing yaniya. ‘Nata waiakngasa sandetdama iwanzae gepbiatang yutnanga dua,’ ngang yaniya.

Wamu Takeaknga Makga Matakut Taknga 12:14

Kuke anzing iniking, “Yanindamumsaapa. Ga siakan wamde toiknga ngang nataamang. Siwan gata ninindamuke yawa naninang ngang natake dua gwaukgayak. Wena. Siakan wamban gata maya wawi Anututa take nataak kakngakan yanindamukgayak. Ga dasing nataayak? Ninu Judianana aminda takis mani gavmanu Sisae imukengu ninda Anutue mama wam sandetnim ba dasing,” ngang iniking.

Wamu Takeaknga Makga Matakut Taknga 1:24

“A! Ga Jesu! Nasaret yot gapmane nanaapa! Ga ninde dasing tasinimunangge apunggayak ngang yanggamatake gata apu ninu apasiwi mainimde ba apunggayak? Nata gae Anututane aminu dudumnaapa ngangu gae atnataat,” ngang inikut.

Matyu 22:16

Yakenga waakwakgane pandetna kunduat Herotde wamna natapsa aminu kunduat yanipewa kuking. Yanipewa kuke tapatuta Jesu anzing inikut, “Ninindamumsaapa. Gata kewam dua nininggayak ngang natapna siakande singgak. Gata Anutue kepi tawanim taknga siakande siknga ngang ninindamuke yawa naninang ngang natake dua gwaukgayak.

Matyu 8:29

apaa siknga anzing inikumayak, “Anututane waaknga! Gata ninde dasing tasinimuya? Apmanu tapduu dua siwawan ngana gata apuke ninde toknga nimunangge apunggayak ba dasing,” ngang inikumayak.

Lotutane Kap Taknga 78:35

Inike gatu anzing natdeking, Anutu nin ninduyuak kapanin. Anutu enane siknga yuak kapa nin gatanimunggaunin ngang natapbing.

2 Pita 2:2

Siwan ngana aminu kwaapzangga sanga wai musia enayaaknga aminu waakwakga tangenaking kakngae bakngake tawake tasining. Tasiwawa kake aminu kunduta botake yangga amin ngana sanga gawaknga tasikaing ngang natake siakan wamde kepi sapduke danining.