Aposel 13:33 - Wantoat

³³ Kap taikamangge buk gopatang kau namba 2-aknga taikamangga anzing yanggak, ‘Apmanu nata ga tangenawa Kayuyaapa dakngake yuayak.’

Aposel 13:33 Referans Kwoze

Lotutane Kap Taknga 2:7

Siwan Kingu waapata anzing yakut, “Apmanu nata wamu Buyambam tapata nanikuunin yakapit. Ita na King dakngawitde natake anzing nanikut, ‘Ga natane waaknga. Nata gatane nangga dakngake yuat.

Hibru 5:5

Ina unzakan Kraisda puya waaknga ina dua takut. Aho. Anututa anzing inikut, “Apmanu ga nata tapa aminbamdane kaine gata natane waaknga binga dakngawi nata gatane nangga binga dakngake yuat,” ngang inikut.

Wamu Takeaknga Jonda Matakut Taknga 2:22

Unzingge masande Anututa matmat gapmaneta Jesu gatu tangenawan pandetnata wamu tupa wa yakut takngae gatunin natdekumang. Siwan Anutue wamu mataking kakngaat gatu Jesuta wamu wa yakut takngaatde natapna siakan sikut.

Aposel 2:24

Kumbut ngana gatu gweawikge kepi umutnanga dua siwan Anututa akumbut katangga gatu tangenakut.

Aposel 2:32

Siwan Jesu waapata kupana Anututa gatu tangenawan ninda kaininda kana siakan sikut. Siwan ninu waakngae yanike yuamang.

Aposel 9:20

Une yuyuk zetgaman Judia amindane miti yot gwegwene koke Jesue yanike Jesu Anutue waak ngang yanikut.

Aposel 13:30

Unzing teking ngana Anututa gatu tangenakut.

Aposel 13:34

Siwan Anututa Jesu akumbut katangga tangenawan kekeknga asinggan asinggan yusika dua bukatawik ngang daninggat taknga natake wamu takngatu Anututa yakutde natake yawa natapnim. Anututa anzing yakut, ‘Nata Devit inike sanga take siknga tasinangge yawa kekekakut taknga atasindamit,’ ngang yakut.

Aposel 13:37

Apbukatakut ngana aminu wa Anututa akumbut katangga tangenakut tapa dua bukatakut.