Aposel 12:7 - Wantoat

⁷ Kayuwawa Buyambam tapae angelanata apan kakaa kaaut yot katang sikut. Siwan angelata Pita tanguke anzing inikut, “Zet enat,” ngang iniwan senu kuut takngaat awamangamuking kakngaatda waipimakumayak.

Aposel 12:7 Referans Kwoze

Aposel 5:19

Pewa ngana zikaane Jesutane angelata apu gwabok ziyamuke koke yanipewan epu kepman kuking. Ziyamuke angelata anzing yanikut,

Aposel 16:26

Natayuwawa miyamunu zetgaman sikut. Sike kaaut yot gwendane gwak daka daka papan taiking. Papan taiwawan kaut yot gwendane gwabok gaka daka ina zipamaba kuking. Zipamaba kuwawa kaautde yuking aminu senda kuupbam wamapeking ngana ina waipimaking. Waipimamba ngana dua epu datang kuking.

Lotutane Kap Taknga 146:7

Ita amin iwande gepbiatang koyuke tasingupeekaingu akgatayamunggak. Gatayamuke ita aminu waakwau nanam tomde yuaingge ayamunggak. Sike Buyambam tapata kautde yuaingu sandepakepan kautde dua yuting.

Lotutane Kap Taknga 107:14

Sandeyamuke Buyambam tapata papan zikaa dakaatang yukingu ateke apbing. Siwan sen takngata wamayamukingu ita asandeyaman kaautde gatu dua yuking.

Lotutane Kap Taknga 34:7

Angela Buyambam tapatane tapata aminu Buyambam tapae gepbiatang yuaing aminde inengan yuak. Yuke ita gatayamuwawan meya takngatuta dua pasiwan maining.

Aposel 10:30

“Tapduu anzing komune binga sanga takngatu nae singaman kawa tapduu gweaat gwenduat gwa kuk. Waomune bangee 3 klou yotnaatang tumuk wam yake yuwawa aminu tapatuta pakapu noma saak yukut. Wa pakapu yukut tapa tauknga waenga siknga ziwan yuke anzing nanikut,

Efesas 5:14

Unzingge wamu takngatuta anzing yanggak, “Ga aminu apmanu dapun pekgau ga asenayo! Ngan. Ga akumbuyak katangga enawi Kraisda gatane natdetdetda tapan kakaawik.”

Aposel 2:24

Kumbut ngana gatu gweawikge kepi umutnanga dua siwan Anututa akumbut katangga gatu tangenakut.

Wamu Takeaknga Lukga Matakut Taknga 24:4

Wena kake nangaakan natake apbotake yuke kawawa aminu tapaata inengan yukumayak ngang kawa taukngata waenga siknga zikumayak.

Wamu Takeaknga Lukga Matakut Taknga 2:9

Kayuwawa Anututane angelata anggaman apan wa aminda kawawa Anututane kakaa aknganata waenga siknga siwan akagwauking.

Aposel 12:23

Yawa Herotda apbakngake Anutue tangge yutnangge dua bitake inane umana aknga tangenawawan waomzimune Anutue angela tapatuta apu Herot tanguwan kanikanimda isinggawa akumbut.

Lotutane Kap Taknga 116:16

Buyambam tapa, siakande siknga na gatane puya aminda dakngake puya gatane akngaka apasinggat. Unzing tupa mingata pasikut binga. Gata nau na wambingu waikngami take yuat.

Wamu Jonda Mia Kake Matakut San 18:1

Sike sanga wa kawa puyuwana nata mia kawawa angela tapatuta enandang teke epan kakum. Sike waapata kekeknga siknga kayuwawan itane kakaa buyambam takngata keu kuupbam kakaawan kakum.

Hibru 1:14

Asikaya angelata Anututane puya amina dua dakngake yuaing ba dasing? Ngan. Angelata Anutue puya pasingamuwawa ita yanipewan kuke aminu kundu Anututa waiakngana sandeyamuke papan iat gatake kayuk asinggan yutning amin gatayamunangge angelata kuke pasikaing.

Aposel 12:6

Siwan zikaane Herotda Pita wam yawikge dua take takukut komune Pita senu takngaata wamake tewa kaaut yot katang amak aminu tapaae banakan gan dapuna pekut. Pewawan amak aminu kunduta gwabok bam gwaune yuke kayuking.

Lotutane Kap Taknga 68:6

Sike gatu aminu inatakan yuaingge donga yaman undang take yutning. Siwan itakan kautde yuaing aminu sandepewan yotna paku take yutning. Siwan ngana yamandet sikaing aminu yaniwan paku keu gunzit toknga siknga yasinggak komune yutning.

Matyu 2:13

Siwan aminu waakwakga gwa kuwana Josepda mia takngatu kawawan angelata anggaman singaawan kakut. Kaawan waapata anzing inikut. “Enat! Tupantapa Herotda engang waapa tangutenangge natake apmaatzim tawambik. Ge ga enake engakat mingaat papi Isip kep komune datakunong. Datakuke undang yuwawa apmea nata daniwa ginu gatu ane apnong,” ngang inikut.

Aposel 12:8

Waipimambat anzing inikut, “Simbuka wamake kepi taukga pasing,” ngang iniwan unzing tasikut. Tasiwan, “Got taukga tasike na nawamso,” ngang iniwan