Aposel 1:13 - Wantoat

¹³ Siwan aminu waakwakga Jerusalem kundoke you gwendu engatangan tasiking gwene asinggan kokaking gwene kopbing. Sike you wagwene aminu buyambamu wa kopbinggane umana Pita Jon Jems Endru Filip Tomas Batolomyu Matyu Jems Alfiasdane waaknga gatu Saimon yawa enak singgak amin tapa gatu Judas Jemsdane waaknga ngangga unekan yuking.

Aposel 1:13 Referans Kwoze

Aposel 20:8

Siwan you wam yanikut gwenu you engatangan mitapbing gwene lamu kwaapzang pewa yasiking. Yasiwawa wamu yanikut.

Wamu Takeaknga Lukga Matakut Taknga 22:12

Iniwat you buyambamu gwendu enandang yuak gwene tebol gatu siana kaya gwendu yeutdaman gitda nanaminu undang tandakngason,” ngang yanike yanipewan kukumayak.

Wamu Takeaknga Makga Matakut Taknga 14:15

ita you bokngan mitapbingu buyambamu gwendu engatangan yuak gwenu yeutdaman kason. Wagwene tebo gatu sia ngangu gwa pandakngake pekingu wagwene gitda nanaminu tandakngason,” ngang yanikut.

Wamu Takeaknga Makga Matakut Taknga 2:14

Siwan keu wakom teke ita kusika kawawan Liwai Alfiasdane waaknga takis papsa apata takis mani peainggane opis gwene pukwike pawawan kakut. Kake anzing inikut, “Ga pandetna dakngawiyakge apu nawamso,” ngang iniwan ita enake kuku tawakut.

Jems 1:1

Na Jems. Na Anutuat Jesu Kraiskatdane puya amina tapatu dakngake yuat. Nata pas asanu ginu Anututane aminabamu kepna kepna yuaingu kuupbamde matandamunggat. Matandamuke gaak wamu ginde daninggat.

Aposel 12:17

Akasatnawa ngana Pitata katakngita gena umutningge tuwangu tasikenga Buyambam tapata kaaut yot katangga initake epukuut takngae wam yanikut. Yanikenga anzing yanikut, “Gindaya Jems gatu Jesuat nana kuupbam atdaninggat taknga ngang yaninong,” ngang yanike kepman epukuke gatu keu komdune kukut.

Aposel 2:38

Yanikwaiwa Pitata yake anzing yanikut, “Ginu inandek inandek waiakngasae masa imana Jesu Kraisdane umanae yangga sautdamuningge tasinong. Siwan Anututa waiakngasa sandetdamikge tasinong. Tasiwa Anututa Waung Kapana tendaman banipzaatang pukuke papan kekekaning.

Pas Jutda Matakut San 1:1

Na Jut. Na Jesu Kraisdane puya amin tapa. Na Jemsdane uyapna apata pas asanu matanggat. Nata ginu aminu Nanin Anututa yandawamban ie kuke itane aminabam dakngake yuaing aminde matandamunggat. Siwan Anututa ginde musip gwaang natandaman Jesu Kraisda ginu toikgak.

Galasia 2:9

Siwan Anututa musia kwikwiknga nae natangamuke puya wa namukut takngata anggaman siwan kaking. Kake Jems gatu Sifas gatu Jon ngangga naat gatu Banabaskat musipminu buya takngatukan natake notna notna dakngake ninda katakngin ipbumang. Ipmake nitda aminu keu komduine nana aminde kuwatda wa aminda Judia nana aminde kuningge yawa kekekakut. Sike aminu Anutue aminabam dakngake yukingga wa aminde natake nindane tupan amin takwak ngang yaking.

Galasia 1:19

Yuke ngana aminu tupanu Jesue kwiiknga dakngakingu tapatu nata dua kakum. Sike Jems Buyambam tapanindane uyapnakan kakum.

Aposel 15:13

Yaniwat puyuwana Jemsda enake anzing yakut, “Mate notna! Wamu takngatusim daniwa natapnong.

Aposel 4:19

Kopat yanike giu Jesue ma yaniwat ngang kaanga yaniking. Kaanga yaniwana waapaatda yake anzing yanikumayak, “Ginu dasing nataaing? Nitda ginde gen gwaamutda Anututa nindupan take siwik? Ba Anutue gen gwaamutda nindupan take siwik ba dasing nataaing?

Aposel 4:13

Waapaatda banakan yuke dua gwauke yaniwawat natake aminu waapaatda moo amin papia you dua tasikumayak ngana wamu waaknga ngang ninikamayak ngang natake pauu wagwene yuking aminda nangaakan natapbing. Nangaakan natasika, “O! Aminu waapaatda Jesuat gatake yuya amin,” ngang anggaman natapbing.

Aposel 2:14

Siwan ngana aposel aminu katau kuut musaat gatu kepianganu tapatuatda unekan gatake yuke Pitata dandam tangan yuke wa apbing aminu wamu apaa anzing yanikut, “Mate! Judia amin! Jerusalem yuaing aminu kuupbam daniwa natapnong!

Wamu Takeaknga Jonda Matakut Taknga 21:2

Saimon Pita gatu Tomas sike itane umana takngatu bokngan aakumayakat nana tapatu siwan Nataniel you gapmandu Kena Galili kep komune yuak gapmane nana siwan naat paanaat nitdane naniu tapatukan umana Sebedi ngang inikamang. Sike nikat gatu Jesutane pandetna tapaaya ngangga unekan gatake yukumang.

Wamu Takeaknga Jonda Matakut Taknga 18:17

Initakakopan maya gwabok gwaune kayuak kapata Pita anzing inikut, “Asikaya gakaya aminu waapatane pandetna,” ngang iniwan yake, “Aho na dua,” ngang inikut.

Wamu Takeaknga Jonda Matakut Taknga 11:16

Unzing yawan Tomas umana takngatu Didimas ngang inikumang. Umana wa tana tekwamban bokngan aakumayakat nana tapatu. Sike aminu waapata ninu anzing ninikut, “Ayok. Ninu iat gatake kuwatna nisipa kumna,” ngang yakut.

Wamu Takeaknga Makga Matakut Taknga 14:33

ita Pita Jems gatu Jon ngang papan iat gatake kuking. Kusika ngana ita meya siknga natake

Wamu Takeaknga Makga Matakut Taknga 9:2

Siwan masande tapduu katau kuut musa kautduanganu gwendu ngang kawa sandewana Jesuta Pitaat Jems gatu Jon nganggan pake ita tawanu mamaya siknga dakatune yanipakopbut. Yaniwan koke yuwawa Jesuta aminu inata kundu dakngawan kainata kaking.

Wamu Takeaknga Makga Matakut Taknga 5:37

Inikenga dua kapewan aminbamu iat kuking. Pita gatu Jems gatu Jon Jemsdane uyapna nganggakan iat kuking.

Matyu 9:9

Siwan Jesuta uneta apu nanduwawan na aminu takis panggat tapa umana Matyu ngang nanikaing. Nata takis mani peainggane opis gwene pukwike pawawa nanduke anzing nanikut, “Ga pandetna dakngawiyakge apu nawamso,” ngang naniwan enake kuku tawakum.

2 Jon 1:1

Na aminuake kwaknga kayaapa Jesue aminabam kayuya amin tapata pas asanu matanggat. Ginu Anututa papan inane aminabam dakngake yuaing amikat gatu aminu gikat gatake yuaing amikat ngangge nata pas asanu ginde matandamunggat. Sike nata ginde musip gwaang siknga natandamunggat. Sike natakan dua. Aho. Aminu kuupbamu Anututane siakan wamde atnataaing aminu kuutda ginde musip gwaang natandamukaing.

1 Korin 15:7

Siwan masande ita kuke Jemsdane kaine anggaman siwan kakut. Sike masande ita kuke aminu inane kwiiknga dakngakingu kuupbamdane kaine anggaman siwan kaking.

Wamu Takeaknga Jonda Matakut Taknga 14:22

Jesuta unzing niniwan aminu nikatnana tapatu umana Judas ngang inikumang. Judas Iskeriot yot gapmane nana apatane tange tapatu. Ita Jesu anzing inikut, “Aana. Dasingge gata ninde apnangge nataayak ngana gata anggamanu gae natapa siakan dua singgak aminde dua apsa,” ngang inikwaikut.