Wongeela Yohaannis 15:12 - WAADAA LAMMATAA

¹² Akkuma ani isin jaaladhe, isinillee akka wol jaalattan ajanyi tiyya tana.

Waadaa Haarawa

¹² Ajajinni kiyya akkuma ani isin jaaladhe, isin'llee ufii keessan akka wol jaalattaniif.

Kitaaba Woyyuu

¹² Akkuma ani isin jaaladhe, isinillee akka wol jaalattan ajanyi tiyya tana.

Wongeela Yohaannis 15:12 Referans Kwoze

1 Ergaa Yohaannis 4:21

Ka Rabbiin jaalatu, obboleessa ufii akka jaalatu seera akkanaa Rabbiitu nuu kenne.

Wongeela Yohaannis 13:34

Akka wol jaalattan, akkuma anillee isin jaaladhe, isinillee akkasuma akka wol jaalattan ajaja haarawa isinii kenna.

1 Ergaa Phexiros 4:8

Jaalalti cubbuu hedduu waan dhossituuf, waa maraa dura jabeessa'aa wol jaaladhaa'a.

1 Ergaa Yohaannis 3:23

Ajanyi isaallee kana, akka maqaa Ilma isaa Yesuus Kiristoositti amannuuf akka wol jaalannuuf.

Gara Worra Rooma'aa 12:10

Jaalala obbolumma'aatiin isin wol jaaladhaa'a; Wol kabajjaa'a.

Gara Worra Efesoonii 5:2

Akkuma Kiristoos isin jaalate, kenna'aa fi ciincaa urgaayaa uf godhee Rabbiif uf kenne, isinillee jaalalaan jiraadhaa'a.

1 Ergaa Phexiros 3:8

Waa maraanuu isin martinuu yaadaan tokko ta'aa'a. Rakkoon nama biraa akka waan keessan ta'eetitti laakkayaa'a. Akka obboleewwaniititti wol jaaladhaa'a, gara-laafeyyi'iif kasoo ta'aa'a.

1 Ergaa Phexiros 1:22

Dhuga'aaf ajajamma'aa jaalala obbolumma'aa ta uf tuullumma hin qabneen lubbuu teessan qulqulleessa'aa gara'aan jabeessa'aa wol jaaladhaa'a.

1 Gara Worra Tasaloonqee 4:9

Waan wol jaalachuu obboleeyyanii isinii barreessuun hin barbaachisu. Wol jaalachuun akka isin barbaachisu isinuu Rabbiin irraa waan barattaniirtaniif.

1 Gara Worra Tasaloonqee 3:12

Gooftaan keenna Yesuus Kiristoos woyyoota maraa woliin hennaa dhufu, afoo Waaqa Abbaa keennaa, woyyootaa fi worra mudaa hin qabne isin taasisee, onnee keessan akka dhaabu akkuma nullee isinii taane Goofta'aan waan wolii qabnu jaalala maraafuu ta'uun isinii haa guddisu, haa eda'ullee.

2 Gara Worra Tasaloonqee 1:3

Obboleeyyan tiyya! Hennaa maraa waan keessaniif Rabbiin galateeffachuu nu barbaachisa; amantaan keessan guddisee guddata'aa, jaalalti isin wolii qabdanillee ittuma eda'a'aa waan deema'aaruuf, galateeffachuun keenna sirri'i.

Wongeela Yohaannis 15:17

Akka isin wol jaalattan kana isin ajaja» jedhe.

2 Ergaa Yohaannis 1:5

Giifti'ii yookiin woldaa tana! Ammallee akka wol jaalannu si kadhadha. Tunillee ajaja armaan dura jirtu malee ajaja haarawa sii barreessu'uufii miti.