Wongeela Maatewos 8:17 - WAADAA LAMMATAA

¹⁷ Wonti Isaayaas raattichi, «Inni dadhabbii keenna nu irraa fudhate. Dhukkuba keennallee baate» jedhe haa raawwatamu'uuf inni kana godhe.

Waadaa Haarawa

¹⁷ Kana'llee raawwachuu isaatiin nabiyyicha Isaayaasiin, «Inni dhibee keenna ni fudhate, dhukkubsata keenna'llee ni baadhate» raaginni jedhame, ni raawwatame.

Kitaaba Woyyuu

¹⁷ Wonti Isaayyaas raattichi, «Inni dadhabbii keenna nu irraa fudhate; Dhukkuba keennallee baate» jedhe haa raawwatamu'uuf kana godhe.

Wongeela Maatewos 8:17 Referans Kwoze

1 Ergaa Phexiros 2:24

Cubbuu irraa duunee, qajeellumma'aaf akka jiraannu, Kiristoos cubbuu keenna nafa ufiitiin fannoo irratti baadhate. Isin tumama madaa isaatiin fayyitaniirtan.

Wongeela Maatewos 1:22

Kun martinuu wonti Gooftaan karaa raagaatiin dubbate sun akka raawwatamuuf ta'e.

Wongeela Maatewos 2:23

Raattotaan waan Yesuusii, «Inni ‹Naazireeticha› jedhama» jedhamee ka dubbatame akka raawwatamuuf, gara qachaa Naazireeti jedhamtuu dhaqee achi taa'e.

Wongeela Maatewos 2:15

Haga Heroodis du'utti achuma taa'e; Gooftaan afaan raagaatiin, «Ani biyya Misiriitii ilma kiyya waame» jedhee dubbate suni akka raawwatamuuf kun ta'e.

Wongeela Maarqoos 1:32

Hennaa aduun dhiite worra dhibamanii fi worra jinniin keessa jiru maraa gara isaa fidan.

Wongeela Luqaas 4:40

Hennaa aduun dhiite dhukkubsattoota dhibee adda addaatiin qabaman maraa gara isaa fidan. Innillee tokko tokko isaanii harka ufii isaan irra kaayee isaan fayyise.

2 Gara Worra Qorontoosii 12:10

Kanaaf waan Kiristoosiitiif dadhabbiin, xaaruun, rakkoon, ari'amu'uuf, dhiphachu'uun hin gammada. Yoo dadhabe waan hennaa san jabaadhuuf.