Wongeela Maatewos 5:7 - WAADAA LAMMATAA

⁷ Worri namaa dhiifama godhan worra eebbifame; Rabbi waan isaanii araaramuuf!

Waadaa Haarawa

⁷ Dhiifama waan argataniif, dhiifama worri taasisan ka eebbifaman.

Kitaaba Woyyuu

⁷ Worri namaa araaraman worra eebbifame; Rabbi waan isaanii araaramuuf!

Wongeela Maatewos 5:7 Referans Kwoze

Gara Worra Efesoonii 4:32

Arja'aa fi garalaafeyyii wolii ta'aa'a. Akkumma Rabbi Kiristoosiin irraan isinii araarame, isinillee wolii araaramaa'a.

Ergaa Yaaqoob 2:13

Ka namaan hin araaramne, murtee araara hin qabnetu isa eeggata. Araarri murtii injifata.

Ergaa Yaaqoob 3:17

Ogummaan Rabbiin irraa ammoo woyyitti'i, araaramtu'u. Gara-laafettii ta maarre jettu, ta araaraa fi daraaraa misha'aan guuttamte, ta mami'ii fi ta uf tuuluulee hin qabne.

Gara Worra Qolasaayisii 3:12

Eeganaa akka filatamtoota Rabbii woyyootaa fi worra jaalatamanillee taatanii, araara, gara-laafummaa, arjummaa, lash jechuu, fayyaalumma'aa fi obsa uffadhaa'a.

Wongeela Luqaas 6:35

Isin garuu diinota keessan jaaladhaa'a; waan mishaa isaanii godhaa'a, womaa uduu abdii hin goone liqeessaa'a; yoo san gatiin keessan guddaa ta'a. Ijoollee Rabbii taatan. Inni worra isa hin galateeffanneef, worra hamootaafuu arjaa waan ta'eef.

Gara Ibirootaa 6:10

Waan woyyoota tajaajiltaniif haga ammaallee waan tajaajila'aa jirtaniif hujii hojjattan, jaalala maqaa isaatiif mudhiftan akka hin irraanfanne Rabbi hamaa miti.

Gara Ibirootaa 4:16

Eeganaa araara akka argannu waan nu barbaachisu maraa hennaa nu barbaachisutti badhaadha akka argannu gara teessoo badhaadha isaa amanta'aan haa dhiyaannuu.

1 Ergaa Phexiros 2:10

Isin duraan banii isaatii miti, amma ammoo banii Rabbii taataniirtan. Isin duraan worra araara argatee miti, amma ammoo araara argattaniirtan.

Wongeela Maarqoos 11:25

Hennaa Rabbiin kadhachu'uuf dhaabattan, Abbaan keessan ka samii jiru yakka keessan akka isinii araaramu, eennuun irrattillee komii yoo qabaattan araaramaa'a.

1 Gara Ximotewoosii 1:13

Ani duraan ka ari'u ka abaaruuf rakkisaa yoo ta'ellee inni kana naa godhe. Haata'uu ammoo uduu hin beekin waan uduu hin benne godheef araara argadhe.

1 Gara Worra Qorontoosii 7:25

Waan qerro'otiif qeerritti'ii Gooftaan ajaja nati hin kennine. Ani ammoo akka nama araara Goofta'aa argatee abdatameetitti gorsa kana isin gorsa.

1 Gara Ximotewoosii 1:16

Waan kanaaf ammoo jireenna bara baraa argachu'uf worra isatti amanuuf jireennaaf fakkeenna akka ta'u Yesuus Kiristoos ana ijoo ta'e irratti obsa ufii mara mudhisu'uuf ani araara argadhe.

2 Gara Worra Qorontoosii 4:1

Sababaa kanaaf haga araara nuu keennameetitti tajaajila kana waan qabnuuf hin dadhabnu.

Gara Worra Rooma'aa 11:30

Isinillee dura Rabbiif akkuma hin ajajamne amma ammoo sababaa ajajamu dhabuu keessaniitiin dhiifamsa akkuma argatan,