Wongeela Maatewos 5:22 - WAADAA LAMMATAA

²² Ani ammoo akkana isiniiniin jedha, eennullee obboleessa yookiin obboleettii ufiititti yoo mufate, abboota murti'ii afo'otti itti murama; namni obboleessa ufiitiin «Gowwaa'a!» yoo jedhe yaa'iitu itti murteessa. Ka obboleessa ufiitiin ‹Duudaa'a!› jedhu maruu murtii ibidda asaabaatiif dhiyaata.

Waadaa Haarawa

²² Ani garuu isiniin ni jedha, obboleessa isaa irratti ka dallanu mara irrattuu ni murteeffama, akkuma kana obboleessa isaatiin, ‹ati ka faayiddaa hin qabnne!› jedhee, ka arrabssuun yaa'itti itti ni murteeffama, ‹gowwaa!› jedhee ka arrabsu mara irrattuu, ibidda asaabaatiin itti ni murteeffama.»

Kitaaba Woyyuu

²² Ani ammo akkana isiniiniin jedha; eennullee yoo obboleessa yookaan obboleettii ufiititti mufate, abboota murti'ii afo'otti itti murama; namni yoo obboleessa ufiitiin «Gowwaa'a!» jedhe yaa'itu itti murteessa. Ka obboleessa ufiitiin ‹Duudaa'a!› jedhu maruu murtii ibidda asaabaatiif dhiyaata.

Wongeela Maatewos 5:22 Referans Kwoze

1 Ergaa Yohaannis 2:9

Dukkanti waan lufuuf ifti dhuga'aa amma ifa. «Ka ifa keessa jira» jedhu, ka ammoo obboleessa ufii jibbu, inni haga ammaa dukkana keessa jira.

Ergaa Yaaqoob 3:6

Arrabni ibidda; arrabni qaama nafaa jidu'utti adunyaa hamtu'u; qaama nafaallee hin batteessa; foon maraa hin xureessa; deemsa jireenna keennaa maraa hin guba; Ibidda asaabaatittillee hin gubata.

Gara Tiito'oo 3:2

Ka eennuunillee hin arrabsine, worra hin mormine, gara-laafeeyyii, worra nama marattuu fayyaalummaa mudhisan akka ta'an isaan qaabsis.

Wongeela Maatewos 10:28

Worra Foon namaa ajjeesee lubbuu ammoo ajjeesuu hin dandeenne hin sodaatinaa'a. Rabbii lubbu'uu fi foonillee asaaba keessatti gatuu danda'u sodaadhaa'a.

Wongeela Maatewos 18:35

Maarre isin keessaa tokko tokko obboleessa ufiitiif gara'aan yoo dhiisu'uufii dhabaate, Abbaan kiyya ka sami'iillee akkasuma isin irratti godha» isaaniin jedhe.

1 Ergaa Phexiros 3:9

Hamaa hama'aan yookiin nama isin arrabse arrabaan hin deebisinaa'a; bikka san isaan eebbisaa'a, eebba dhaalu'uuf waan waamamtaniirtaniif.

Gara Worra Rooma'aa 12:10

Jaalala obbolumma'aatiin isin wol jaaladhaa'a; Wol kabajjaa'a.

1 Ergaa Phexiros 2:23

Hennaa isa arrabsanillee deebi'ee hin arrabsine, hennaa isa rakkisanillee inni namatti hin baananne. Waaqa qajeellumma'aan murtii kennutti dabarsee uf kenne malee.

Wongeela Maatewos 18:21

Achiin maayessa Pheexroosi gara Yesuusii dhiyaatee, «Gooftaa'a, obboleessi kiyya yoo na yakke, hennaa meeqa dhiisaaf? hennaa torbaa?» jedheen.

Ergaa Yihudaa 1:9

Mikaa'el bulchaan Maleekkotaa ammoo hennaa waan reeffa Muuse'eetiif daabiloosiin wol morme, «Gooftaan si haa teeddeeffatu» jedheen malee, dubbii arrabaa dubbatuu hin uggine.

1 Ergaa Yohaannis 3:10

Ijoolleen Rabbiitii fi ijoolleen daabiloosii kanaan gargar bayan. Namni qajeellummaa hin hunyeef ka obboleessa ufii hin jaalanne maruu ka Rabbiitii miti.

Hujii Ergamootaa 17:18

Worra Efiqoroos ogeeyyota Istookoos worra jedhaman gari gariin isaan wol argan, gariin ammoo, «Kun qaaqilichi maal dubbatuu barbaada?» jedhan. Gariin waan Oduu Nagayaa du'aa ka'uu Yesuusii waan isaanitti lallabeef, «Waan waaqolee haarawaa waan dubbatu fakkaata» jedhan.

1 Gara Worra Tasaloonqee 4:6

Ammallee akkuma duraan isiniin jennee fi akkuma isinii ranne, Gooftaan waan kana maraa waan haluu bayuuf eennullee waan kanaan akka hin yakkine obboleessa ufiillee akka hin sobne.

Wongeela Maarqoos 14:55

Bulchoonni gadootaatii fi yaa'iin murti'ii martinuu akka ajjeefamuuf Yesuusiin irratti ragaa soqa'aa turan. Haata'uu ammoo nama isa himatu tokkollee hin argine.

Wongeela Maatewos 26:59

Bulchoonni gadootaatii fi gumiin jaarsolle'ee maruu Yesuusiin ajjeesu'uuf raattoota dharaan isa irratti ragaa bayan soqa'aa turan.

Wongeela Yohaannis 11:47

Eeganaa bulchoonni gadootaa gumii Fariisotaa wolitti qabanii, «Namni kun Maalalee hedduu waan godha'aaruuf, maal haa goonuu?

Mudhata Yohaannisii 20:14

Duutiinii fi asaabnillee galaana ibiddaatitti gataman. Galaanni ibiddaa kunillee du'a lammaffa'aati.

Hujii Ergamootaa 7:37

Namni kun ijoollee Isiraa'eliitiif, ‹Rabbi obboleeyyan keessaa, raaga akka kiyyaa isinii kenna› isa dhagayaa'a jedhee namni isaanitti dubbate Muusema kana.

Wongeela Luqaas 12:5

Ani ammoo waan sodaattan isinitti hima. Ka haga ajjeeseen maayessa gara asaabaa gatu'uuf baallii qabu sodaadhaa'a!

Wongeela Maatewos 5:44

Ani ammoo akkana isiniin jedha. Diinota keessan jaaladhaa'a; worra isin miidhuufillee faateffadhaa'a. Yoo kana gootan ijoollee abbaa keessan ka samii jiruu taatani; Inni worra hammeeyyi'ii fi worra misha'aafillee aduu baasa; worra qajeela'aa fi worra qajeelaa hin taaneefillee hin roobsa.

Wongeela Maatewos 5:34

Ani ammoo akkana isiniin jedha, horoma hin kakatinaa'a. Sami'iin hin kakatinaa'a. Teessoo Rabbii waan taateef.

Wongeela Maatewos 3:17

Laagaan samii irraa, «Kun Ilma kiyya jaalatamaa Ani itti gammadu» jedhe.

1 Ergaa Yohaannis 5:16

Eennullee obboleessi isaa cubbuu jeennata bara baraatitti isa hin galchine hennaa huju arge, isaa haa kadhatuu. Rabbi jireenna bara baraa nama saniif hin kenna. Cubbuun gara du'a bara baraatitti nama geessu hin jira. Ani ammoo waan kanaaf kadhadhaa'a jechuu kiyyaa miti.

Ergaa Yaaqoob 2:20

Ati nama gowwaa amantaa huji'iin addaan baye ka du'e akka ta'e beekuu feetaa?

Gara Ibirootaa 12:25

Ka dubbataaru san jalaa akka hin dinne uf eeggadhaa'a. Yoo worri lafatti itti himame didan jalaa hin baane ta'e, eegasuu ka sami'ii nutti dubbate irraa yoo fagaanne attamitti jalaa baana?

Gara Ibirootaa 5:9

Haga kun maruu raawwatameen maayii, Rabbiin akka muudama Malkasaadiqii hayyicha gadootaa jedhamee waan waamameef, worra isaa ajajaman maraaf madda fayyinna bara baraa isaanii ta'e.

1 Gara Worra Qorontoosii 6:10

Yookiin hattoonni yookiin worri horii dharra'an yookiin worri machaayan yookiin worri nama arrabsan yookiin saamtoonni jeennata Rabbii hin galan.

1 Gara Worra Qorontoosii 6:6

Haata'uu ammoo, obboleessi obboleessa himata; kanallee worra hin amanne afo'otti godhaa?

Hujii Ergamootaa 5:27

Akka bulchaan gadootaa isaan qoruuf fidanii, yaa'ii murti'ii afoo isaan dhaaban.

Wongeela Yohaannis 15:25

Haata'uu ammoo seera isaaniititti akkanumaan na jibban jedhamee dubbiin barreeffame akka raawwatamuuf kun ta'e.

Wongeela Yohaannis 8:48

Yihuudonni deebisanii, «Ati nama Samaariya'aa akka taate; jinniin si keessa jira jechuun keenna mishaa jennee mii?» jedhaniin.

Wongeela Yohaannis 7:20

Baniin deebisee, «Jinnii qabda! Eentu si ajjeesuu barbaada?» jedhaniin.

Wongeela Maarqoos 15:1

Akkuma lafti bariiteen obboroo bulchoonni gadootaa, manguddoonni, barsiisonni Seera Muuse'eetii fi Yaa'iin murti'ii maruu woliin mari'atan. Achiin maayessa Yesuusiin hidhanii fuudhanii Philaaxoositti dabarsanii kennan.

Wongeela Maatewos 25:41

Hennaa san worra bitaa irra jiraniin ammoo, ‹Isin worra abaarame na biraa fagaadhaa'a; gara ibidda bara baraa ka seexanaa fi ergamtoota isaatiif qophaayeetitti deemaa'a! isaaniin jedhe.

Wongeela Maatewos 23:33

Isin bofa, ijoollee buuti'ii murtii asaabaa jalaa attamiin baatan?

Wongeela Maatewos 23:15

Isin barsiisoota Seera Muuse'eetii fi Fariisoota fakkeessitoota! Isin aanne'e! Nama tokko amantii Yihuudotaa fudhachiisu'uuf galaanaa fi lafa irra asii fi achi deddeemtan, isin nama fudhate san dachaa lama isin caalaa ilma asaabaa waan isa gootaniif isin aanne'e!

Wongeela Maatewos 17:5

Uduma inni kana dubbata'aaru, duumessi ifaa isaan golge. Duumeessa san keessaan laagaan, «Ilmi kiyya ka ani itti gammaduu fi jaaladhu kanaa, isa dhagayaa'a» jedhu dhufe.

Wongeela Maatewos 12:24

Worri Fariisootaa ammoo hennaa kana dhagayan, «Inni hunna mootii jinni'ii ka Bi'eelzeebul jedhamu calla'aan malee jinniiwwan hin baasu» jedhan.

Wongeela Maatewos 10:17

Haata'uu ammoo, gara Gumi'ii dabarsanii isin kennan. Manniin sagada Yihuudotaa keessatti waan isin tumaniif, namoota irraa uf eegaa'a.

Wongeela Luqaas 22:66

Hennaa lafti bariite manguddoonni biyyaa, bulchoonni gadootaatii fi barsiisonni Seera Muuse'ee wolgayanii gara yaa'ii murti'ii fidanii,

Hujii Ergamootaa 4:15

Gumii keessaa gara diidaa akka bayan isaan ajajaniiti,

Hujii Ergamootaa 5:21

Hennaa kana dhagayan ganamaan ka'anii mana woyyuu seenanii barsiisan. Gadootaa fi worri isaan woliin turan ammoo dhufanii, yaa'ii murtii ijoollee Israa'elootaa fi manguddoota maraa wolitti waamanii akka gara mana hidha'aa isaan fidan ergan.

Hujii Ergamootaa 6:12

Banii, manguddootaa fi barsiisota Seera Muuse'ee aarsaniiti itti dhiyaatanii isa qabanii gara gumi'ii fidanii,

Hujii Ergamootaa 6:15

Worri yaa'ii murti'ii taa'aniiran maruu xiinxallanii hennaa laalan fuulli isaa akka fuula Maleekka'aa ta'ee argan.

Hujii Ergamootaa 22:30

Gaafa lamu'uu sababaa Yihuudonni himataniif maal akka ta'e dhugaa beekuu barbaadee hiikeenii bulchoota gadootaatii fi gumiin maruu akka wol gayan ajajee, Phaawuloosiin gad buusee afoo isaanii dhaabsise.

Hujii Ergamootaa 23:1

Phaawuloos yaa'ii murti'ii guuttatee laalee, «Obboleewwan tiyya! Ani haga guyyaa adhaa sammuu misha'aan Rabbiin afoo jiraata'aara» jedhe.

Hujii Ergamootaa 24:20

Wodhakkaa isaanii dhaabadhee, laagaa kiyya ol qabadhee, ‹Worri du'an hin ka'an› waan jedheef, adha murtii yaa'i'ii afoo dhaabadhe, waan hamaa tokko yoo na irratti arganiiran ta'e, mee isaan kunniin haa dubbatanii.