Wongeela Maatewos 23:15 - WAADAA LAMMATAA

¹⁵ Isin barsiisoota Seera Muuse'eetii fi Fariisoota fakkeessitoota! Isin aanne'e! Nama tokko amantii Yihuudotaa fudhachiisu'uuf galaanaa fi lafa irra asii fi achi deddeemtan, isin nama fudhate san dachaa lama isin caalaa ilma asaabaa waan isa gootaniif isin aanne'e!

Waadaa Haarawa

¹⁵ «Isin fakkeessitoota, barsiisonni seeraatii fi Farisoonni! Isinii uunsha'a! Nama tokko horddofaa amantii keessan taasisu'uuf garba ciisa'aa fi lafa irraa'llee ni naannofttan, yeroo isa aseensifttaniintti'llee, isin irra harka lamaan dachaa ka caaluun, ibidda asaabaatiif ka qophaaye ni taasfttaniin!»

Kitaaba Woyyuu

¹⁵ Isin barsiisoota Seera Muuse'eetii fi Fariisota fakkeessitoota! Isin aanne'e! Nama tokko amantii Yihuudotaa fudhachiisu'uuf galaanaa fi lafa irra asii fi achi deddeemtan; isin nama fudhate san dachaa lama isin caalaa ilma asaabaa waan isa gootaniif isin aanne'e!

Wongeela Maatewos 23:15 Referans Kwoze

Gara Worra Efesoonii 2:3

Ijoollee tanniin jiddu'utti, nu marti keenna akkasuma fedha foonii ka qalbii keennaa hojjata'aa, asiin dura dharraa foon keennaatiin jiraata'aa turre. Akkasuma akkuma kaawwanii, uumamuma keennaan ijoollee dheekkamsaa turre.

Hujii Ergamootaa 13:43

Gumiin haga adda yaa'een maayessa, Yihuudonninii fi worri gara Yihuudi'ii seenanii kaddaaman hedduun isaanii Phaawuloosii fi Baarnaabaasiin faanaa deeman. Isaanillee badhaadhummaa Rabbiitiin jabaatanii akka jiraatan isaan hubachisan.

Hujii Ergamootaa 13:10

«Ati ka dhartinii fi hammeenni marti si keessa guute; ilma daabiloosii! Diina dhuga'aa! Karaa Goofta'aa micciiruu hin dhiiftuu?

Hujii Ergamootaa 14:2

Yihuudonni hin amanne ammoo worra Yihuudota hin taane worra amanan irratti kakkaasanii akka jibban godhan.

Wongeela Yohaannis 8:44

Isin ka daabiloosii abbaa keessaniiti. Hawwii abbaa keessanii hojjatuu feetan inni jalqabumaa kaasee lubbuu balleessa. Dhugaan waan isa bira hin jirreef dhuga'aan hin dhaabbanne, soballee yoo dubbatu ufuma irraa dubbata. Sobaa abbaa sobaa waan ta'eef.

Gara Worra Galaatiyaa 6:12

Worri fooniin mishaa ta'anii mudhachuu fedhan maruu, akka isin gadoomtan isin giddisiisan; Haata'uu ammoo, waan fannoo Kiristoosiitiif akka miidhaan isin irra hin geenne calla'aaf.

Gara Worra Galaatiyaa 4:17

Jabeessanii isin soqan, haata'uu ammoo waan misha'aafii miti; wonti jabeessanii isin soqaniif, isin yaada keessan isaan irra akka kaayattaniif, nu irraa adda isin fooyuu barbaadan.

Wongeela Maatewos 5:22

Ani ammoo akkana isiniiniin jedha, eennullee obboleessa yookiin obboleettii ufiititti yoo mufate, abboota murti'ii afo'otti itti murama; namni obboleessa ufiitiin «Gowwaa'a!» yoo jedhe yaa'iitu itti murteessa. Ka obboleessa ufiitiin ‹Duudaa'a!› jedhu maruu murtii ibidda asaabaatiif dhiyaata.

Hujii Ergamootaa 17:13

Yihuudonni Tasolonqee jiran ammoo akka Phaawuloos Beeriya'atti akkasuma dubbii Rabbii lallabe hennaa beekan, garasillee dhufanii banii booreessan.

Hujii Ergamootaa 14:19

Yihuudonni Anxookiya'aa fi Iqooniyooniin keessaa dhufan ammoo banii sossobanii Phaawuloosiin tumanii waan du'e isaanitti fakkatee qacha'aa gara raasa'aa harkisaniin.

Hujii Ergamootaa 2:10

Esiyaa, Firgiyaa, Phinfiliyaa fi Misirattillee gara Qereena'aatiin jiran nu worra aanaa Libiya'aa jiraannu worri Roomaa keessa teennu Yihuudonni worri amantaa Yihuudotaa fudhanne.

Hujii Ergamootaa 6:5

Dubbiin kun banii maraa hin gammachiise. Nama amanti'ii fi Ayyaana Woyyu'uun guuttame Isxifaanoos, Filiphoosiin, Phiroqorosiin, Niqaaroniin, Ximonanii, Pherime'ee fi ka gara Yihuudumma'aa galee ture Anxookiyootaa fi Niqolaawonosiin filatan.

Wongeela Maatewos 5:29

Ijji mirgaa yoo cubbuu si hojjachiifte, uf keessaa baasii gati; nafti kee guutuun gara asaabaa ka gatamee mannaa, nafa kee keessaa tokko fafaayuu sii woyya.

Wongeela Maatewos 3:7

Yohaannis Fariisotaa fi Saduuqonni hedduu cuphamu'uuf gara isaa hennaa dhufan argee, «Isin ilmaan buuti'ii! Akka isin mufii Rabbii ta isinitti dhufa'aartu jalaa baqattan eentu isinitti hime?

Wongeela Maatewos 23:13

Yesuus, «Barsiisota seera Muuse'eetii fi Fariisota fakkeessitoota! Isin balbala jeennata sami'ii namatti waan cuftaniif isin aanne'e! Isin hin galtan, worra itti galanillee akka itti hin galle dhooggitan. [