Wongeela Maatewos 13:11 - WAADAA LAMMATAA

¹¹ Yesuus deebisee akkana isaaniin jedhe, «Dhossaa jeennata sami'ii beekuun isinii kennameera. Isaaniif ammoo hin kennamne.

Waadaa Haarawa

¹¹ Inni'llee akkana jechu'uun isaanii ni deebise, «Isiniif waayeen dhossaa Mootummaa Sami'ii beeku'uu kennamee jira, isaaniif garuu hin kennamnneef.

Kitaaba Woyyuu

¹¹ Yesuus deebisee akkana isaaniin jedhe, «Dhossaa jeennata sami'ii beekuun isinii kennameera. Isaaniif ammo hin kennamne.

Wongeela Maatewos 13:11 Referans Kwoze

1 Gara Worra Qorontoosii 2:14

Nama akka umameen jiruu, wonti Ayyaana Rabbii waan gowwummaa ta'eef hin fudhatu; dubbiin Ayyaanaa waan Ayyaana Rabbiitiin qoramuuf namni foonii beeku hin danda'u.

Wongeela Maatewos 19:11

Yesuus deebisee, «Wonti kun worra kennameef malee, nama maraafii miti.»

Ergaa Yaaqoob 1:5

Isin keessaa namni ogummaa hin qabne, uduu hin komatin Rabbii arjumma'aan maraafuu kennu haa kadhatuu. Isaa hin kennamaa.

1 Ergaa Yohaannis 2:27

Dibanni isin Kiristoosiin irraa argattan isin irra jira. Eennullee isin barsiisuu hin barbaachisu. Haata'uu ammoo dibanni Ayyaanaa waa maraa akka isin barsiisu, dhugaa akka ta'eef soba akka hin taane akkuma isin barsiisan sanitti isaan jiraadhaa'a!

1 Ergaa Yohaannis 2:20

Isin ammoo Ayyaana Woyyuu waan argattaniirtaniif waa maraa beettan.

Wongeela Maatewos 16:17

Yesuus deebisee akkana isaan jedhe, «Ilma Yoona'aa Simoon kana ka sii ibse Abbaa kiyya ka samii jiru malee, namni kana waan sii hin ibsineef ati ka eebbifamte.

Gara Worra Efesoonii 1:9

Akkuma karaa Kiristoosiitiin hojjachuu jaalatetti akka yaada dhossaa fedha isaa wonti nutti beessiseef,

Gara Worra Efesoonii 5:32

Kun dhossaa gudda'aa, ani ammoo kana waan Kiristoosiitiif waan woldaa Kiristaanaatiif jedha.

Gara Worra Rooma'aa 16:25

Eegasuu Oduu Nagayaa waan Gooftaa Yesuus Kiristoosii himame, ka woggaa bara dheeraa dhokate. Amma ammoo ka mudhate ka kitaaba Raattotaatiinillee himame; Rabbi baraa haga bara baraa ajaje amantaa ajajamu'uun akka ta'u haga dhossaan worra Yihuudota hin taane marrati beekkame; haga isinitti mudhate ka isin jajjabeessuu danda'u,

Wongeela Luqaas 8:10

Innillee akkana jedheen, «Dhossaa jeennata Rabbii beekuun isiniif kennameera; worra kaawaaniif ammoo uduu ilaalan akka hin argine, uduu dhagayan akka hin hubane, mammaakkan dubbadha» jedhe.

1 Gara Worra Qorontoosii 15:51

Mee dhossaa tokko isinitti hima. Nu martuu hin duunu; haata'uu ammoo xurumbaan maayessaa yoo afuufame nu maruu akkuma tasaa haga limsuu ijaatitti hin jijjiiramna, xurmbaan waan afuufamuuf worri du'ellee ka hin shamne ta'anii ka'an, nullee hin jijjiiramna.

1 Gara Worra Qorontoosii 2:7

Haata'uu ammoo Rabbi firrisa barootaan duratti ulfinna keennaaf waan murteesse, ka dhokatee ture dhossaa ogummaa Rabbii dubbanna.

Wongeela Yohaannis 6:65

Kanaaf isiniin jedhe, «Yoo Aabbaan irraa kennameef malee, ka gara kiyya dhufuu danda'u hin jiru» jedhe.

1 Gara Ximotewoosii 3:9

Worra waan shingaa ta'e irraa fagaatanii, sammuu mishaan dhossaa amantaa eegan haa ta'anii.

1 Gara Worra Qorontoosii 13:2

Raaga dubbachuu yoo qabaadhe, dhossaa maraaf beekkomsa maraa yoo beeke, haga gaarran hule'ee kaasuutti amantaa maraa yoo qabaadhe, jaalala ammoo yoo hin qabaanne duwwa'a.

Wongeela Maarqoos 4:11

Inni akkana isaaniin jedhe: «Dhossaa jeennata Rabbii beekuun isinii kennameera. Worra diida jiraniif ammoo wonti maruu mammaakaan himama. Sababaanillee, ‹Uduma laalan horoma akka hin argineef; uduma dhageeffatan horoma akka hin hubanneef, gara Rabbiillee deebi'anii, cubbuun isaaniillee akka isaanii hin dhiifamne› »

Gara Worra Qolasaayisii 2:2

Onneen isaanii akka jajjabaatu jaalalaanillee wol ta'anii gara qalbifannaa hubanna'aan argamuutitti, gara durummaa mara akka gayan, dhossaa Rabbii isallee Kiristoosiin akka beekaniif wondhanssa isaaniif baya.

Gara Worra Efesoonii 6:19

Anillee akkasuma dhossaa Oduu Nagayaa addaata'atti akka beessisuuf akka afaan kiyya banadhu dubbii akka naa kennu waan kiyyaafillee Rabbiin naa kadhadhaa'a.

1 Gara Worra Qorontoosii 4:7

Ati akka worra kaan caaltu eentu si taasise? wonti ati hin arganne maali'i? Eega isa irraa fudhatte amma maali'iif akka waan kan kee ta'eetitti uf jajja ree?

1 Gara Worra Qorontoosii 4:1

Akkasuma namni nu akka hojjataa Kiristoosiitii fi worra dhossaa Rabbii ibsu'uuf amaanaan itti keenameetitti nu haa laakkayuu.

Wongeela Yohaannis 7:17

Ka fedhii isaa raawwatuu jaalatu yoo jiraate, inni barumsi kun Rabbiin irraa yoo ta'e yookiin ka ani ufi irraa dubbadhu yoo ta'e hin beeka.

1 Gara Ximotewoosii 3:16

Dhossaan Rabbiin fakkachu'uu mamii malee gudda'a; «Ka Fooniin mudhate, Ka Ayyaanaan qajeelaa ta'e, Ka Ergamtootatti mudhate, ka banii Yihuudii hin taanee lallabame, Ka biyya lafaa keessatti amaname, Ka ulfinnaan ol baye.»

Gara Worra Efesoonii 1:18

Kunillee ijji qalbii keessanii yoo ifu, abdiin waamicha isaa maal akka ta'u ka woyyoota bira jiru, ulfinna risti'iitiif durummaan maal akka ta'e, nu worra amannuuf hunnaan ka maraa caalu maal akka ta'e akka beettaniif.

Hujii Ergamootaa 16:14

Dubartoota nuu caqasa'aaran keessaa dubartiin qachaa Tiyaaxirooniitii dhufte; ta uffata diimaa haphii gurgurattu takkatu jira. Maqaan isi'ii Liidiyaa jedhama. Isiin dubartii Rabbiin kaddaamtu waan taateef dubbii Phaawuloos dubbatu akka caqaftuuf Gooftaan qalbii isi'ii bane.

Wongeela Maatewos 13:10

Achiin maayessa darasoonni gara Yesuusii dhiyaatanii, «Ati maaf mammaaka kana isaanitti mammaatte?» jedhanii gaafatan.

Wongeela Maatewos 20:23

Yesuusillee, «Mijuu ani dhugu ima dhuddan, cuuphaa ani cuuphamullee ima cuuphamtan. Haata'uu ammoo mirga kiyyaa fi bitaa kiyya ka teessisu anaa miti; huleen kun ka worra qophaayeef kennamu.» isaaniin jedhe.

Wongeela Maarqoos 10:40

Mirga kiyyaa fi bitaa kiyya ka teessisu anaa miti. Huleen kun ka worra qophaayeef kennamu» isaaniin jedhe.

Gara Worra Rooma'aa 11:25

Obboleeyyan tiyya! worra qalbii qaban akka isinitti hin fakkaanne dhossaa kana akka beettan barbaada; haga worri Yihuudota hin taane gara worra Yihuudotaatitti guutumaan guutu'utti eda'amaniif, worri Israa'elii gariin hadoodeera.