Wongeela Maarqoos 10:43 - WAADAA LAMMATAA

⁴³ Isin biratti akkanaa miti; haata'uu ammoo eennullee isin keessaa nama guddaa ta'uu ka barbaadu, hojjataa nama maraa haa ta'uu.

Waadaa Haarawa

⁴³ isin biratti garuu akkana ta'uu hin malu, isin jiddu'uu guddaa ta'uu ka barbaadu, tajaajilaa keessan ta'uu ni qaba.

Kitaaba Woyyuu

⁴³ Isin biratti akkanaa miti; haa ta'uu ammo eennullee isin keessaa ka nama guddaa ta'uu barbaadu hojjataa nama maraa haa ta'uu.

Wongeela Maarqoos 10:43 Referans Kwoze

Wongeela Luqaas 14:11

Ka ol uf qabu maruu hin salphata. Ka gadi uf qabu ammoo hin kabajjama.»

Wongeela Maarqoos 9:35

Yesuus haga taa'een maayessa darasoota kudha lamaanuu gara ufii waamee, «Namni bulchaa ta'uu barbaadu, nama maraayuu gad ta'ee, hojjataa nama maraa haa ta'uu» isaaniin jedhe.

Wongeela Luqaas 9:48

«Eennullee ka daa'ima kana maqaa kiyyaan simatu na simata. Ka na simatu maruu ka na erge simata. Ka isin maraa irraa gadi aanu inni sun maraa caala» isaaniin jedhe.

Gara Worra Rooma'aa 12:2

Fedhiin Rabbii misha'aa fi ka nama gammachiisu waan mudaa hin qabne maal akka ta'e qorattanii akka beettan haarawoomuu qalbii teessaniitiin jijjiramaa malee, adunyaa tana hin fakkaatinaa'a.

Gara Worra Galaatiyaa 5:13

Obboleeyyan tiyya! Isin wolabumma'aaf waamamtaniirtan; ammoo wolabumnaan keessan foonii sababaa akka hin kennine. Haata'uu ammoo, isin wolii akka garbootaa ta'aa'a.

Wongeela Yohaannis 18:36

Yesuusillee deebisee, «Mootummaan tiyya ta biyya lafaa tanaa miti. Uduu mootummaa adunyaa tanaa ta'ee, Yihuudotatti akka hin kennamne, silaa worri na faanaa deeman naa lolan. Amma ammo mootummaan tiyya asii miti.»

Wongeela Luqaas 18:14

Ani akkana isiniin jedha. Namicha fariisicha san irra namichi qaraxa guuru sun Rabbiin afo'otti qajeelaa ta'ee gara mana ufii deebi'e, namni ol uf qabu maruu hin salphata. Namni uf salphisu ammoo hin kabajjama.

Wongeela Maarqoos 10:42

Yesuus ammoo gara ufii isaan waamee akkana isaaniin jedhe, «Bulchoonni worra Yihuudota hin ta'in bulchan hunnaan akka bulchan, bulchoonni isaaniillee baallii guutu'uun akka bulchan isinuu hin beettan.

Wongeela Maarqoos 10:44

Eennullee isin keessaa bulchaa ta'uu ka barbaadu, ka nama maraa hojjatu haata'uu.

Wongeela Luqaas 22:26

Isin ammoo akkasi hin ta'inaa; Haata'uu ammoo isin keessaa ka guddaa ta'e akka maandha'aatitti, ka bulchullee akka tajaajila'aa haata'uu.